Albistea entzun

Pentsioen erreforma

Pariserako trena blokeatu dute Baionako geltokian

Hogei bat 'jaka hori' eta sindikatukidek erretreten erreformaren kontrako «ekintza sorpresa» egin dute.

Oihana Teyseyre Koskarat -

2020ko urtarrilak 21

Emmanuel Macron Frantziako presidenteak egin nahi duen erretreten erreformaren kontrako mobilizazioen barruan, «ekintza sorpresa» egin dute hogei bat ekintzailek Baionako geltokian gaur arratsaldean. Parisera ateratzekoa zen trena oztopatu dute, trenbidean jarrita. Frantziako Polizia heldu da protesta gunera, baina manifestariek trena oztopatzen jarraitu dute ordu erdiz. Azkenean, Frantziako Poliziaren mehatxuen ondorioz, ekintza bertan behera utzi dute manifestariek. Oihu artean utzi dute Baionako geltokia manifestariek. «Erretreta gurea da, lortzeko borrokatu ginen, atxikitzeko borrokatuko gara».

Frantziako Gobernuak orekarako adina behin-behinean kenduko zuela iragarri arren, ez da isildu erretreta sistemaren erreformaren aurkako mugimendu soziala, eta, dagoeneko, zazpigarren astean sartu da.

Joan zen ostegunean 2.000 pertsona elkartu ziren Baionan, sindikatuek deituriko mobilizazioan. Orain arte, trenbideetako langileek eraman dute greba nagusiki, baina, sindikatuen arabera, sektore berri batzuk batzen ari dira.

Abenduaren hasieran, gizarte eragileengan duen «konfiantza erakusteko», Frantziako lehen ministroak orekarako adinaren neurria kentzeko aukera eskaini zien sindikatuei, «behin-behinean» bada ere. Edouard Philippek jasoa du erretreten erreforman erretiroa 64 urtera atzeratzea, 2022tik 2027rako epean. Bada, orekarako neurria esan dioten horri uko egiteko prest dagoela jakinarazi die sindikatuei gutun baten bidez, betiere erreformaren gatazka desblokeatzeko eskaintza gisa. Sindikatu erreformisten babesa lortzeko saioa izan da lehen ministroaren proposamen hori. Izan ere, erreformaren neurri nagusietako batean atzera egiteko prest egonda ere, nekez erakarriko ditu CGT, FO, FSU, Solidaires eta CGC sindikatuak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Nord Stream 1 gasbidea, Alemanian sartzen den lekuan. ©STEFAN SAUER / EFE

Berlinek eta Moskuk «sabotajetzat» jo dituzte Nord Streameko isuriak

JokinSagarzazu

Gertakariak ez du eraginik izango Europarako gas horniduran, gaur egun bi gasbideak ez baitaude martxan. Danimarkako Gobernuak energia alorreko larrialdia ezarri du herrialdean
Mahats bilketa betean ari dira egunotan Bastidan. ©JAIZKI FONTANEDA / FOKU

Lehortearen uztak bilketa astuna dakar

X. Martin

Eguraldi lehorrak %20 inguru apalduko du 2022ko uzta Arabako Errioxan. Mahats aleak txikiak dira, eta azidotasun apala dute. Litekeena da horrek urteko ardoen kalitatean eragitea, baina egurrerako gordetzen den zukua ez du zertan hondatu. Bastidako kooperatiban buru-belarri dabiltza jadanik mahats bilketan.
Arabako Mahastiak ez da aurten hasiko, «baimena ez delako garaiz iritsi»

Arabako Mahastiak ez da aurten hasiko, «baimena ez delako garaiz iritsi»

Xabier Martin

Mahats bilketa betean dira jadanik Arabako Errioxan, eta sor-marka berria abiarazteko prest daudenek onartu dute beren ardoak Errioxako izenean jarraituko duela aurten
Hauteskunde sindikaletarako ELAren kanpainaren aurkezpena. Erdian, Mitxel Lakuntza idazkari nagusia. ©BERRIA

Sindikatuek ordezkarien erdiak izango dituzte jokoan ekainera bitarte

Imanol Magro Eizmendi

Hurrengo bederatzi hilabeteetan hauteskunde sindikalak abiatuko dituzte Hego Euskal Herriko lantoki handietako gehienetan.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...