Albistea entzun

Merkataritza gune handietan, tentsioa eta tartekako itxierak

Irekitzen saiatu dira saltoki handi gehienak, baina bertan izan dituzte piketeak. Ertzain asko ibili den arren, lortu dute batzuk aldi baterako ixtea.

Ertzainak piketeei Urbilerako sarrera galarazten.
Ertzainak piketeei Urbilerako sarrera galarazten. Gorka Rubio / Foku Tamaina handiagoan ikusi

Oihana Elduaien Uranga -

2020ko urtarrilak 30

Industrialdeetan izan dira piketeak goizean goiz, eta handik merkataritza guneetara jo dute, haiek irekitzeko orduan. Liskar gehien hiriburuetan izan da: komertzio handiak irekita topatu dituzte piketeek, baina haietara gerturatzea galarazi diete ertzainek.

Bilbon, esate baterako, piketeak Kale Nagusiko bitxi denda batera sartzen saiatu dira, baina ertzainek ez diete utzi. Identifikatu egin dute manifestari bat, eta abisu eman diote mozal legeagatik isuna iritsiko zaiola. Irekita zeuden denda handien atarietan ertzainak topatu dituzte. Manifestazioa pasatzean itxi egin dituzte, hala ere, haietako batzuk: adibidez, El Corte Ingles.

Bestelakoa izan da egoera Alde Zaharrean. Denda gehienak itxita zeuden piketeak joaterako, eta irekita zeudenek ateak itxi dituzte manifestazioa ikustean.

Donostiako erdigunean ere antzekoa gertatu da: denda eta kafetegiak irekita egon dira, harik eta manifestazioak bertatik pasatu diren arte.

Baina hirigunetik kanpoko lekuetan bestelakoa izan da egoera. Usurbilgo (Gipuzkoa) Urbil merkataritza gunean, esate baterako, tentsio handia izan da. Barrura sartzen saiatu dira piketeak, baina ertzainek ez diete utzi. Borrak astindu dituzte, eta manifestariak ateetatik aldenarazi. Nolanahi ere, merkataritza guneko ateak irekita izan arren, barruan ez zen jarduerarik, goizean behintzat. Ertzain gehiago zegoen, bezeroak eta langileak baino.

Hara bidean, Ertzaintzak gazte batzuk ere identifikatu ditu. Gainera, ez dira zutabe horretan identifikatu dituzten bakarrak; lehenago, Lasarte-Orian Argia-ko kazetari bat eta Diario Vasco-ko argazkilari bat ere identifikatu baitituzte.

Gasteizen Boulevard merkataritza gunea ixteko ahalegina egin dute. Ez dute lortu erabat ixtea, baina bai une batez geldiaraztea.

Gasteiz erdigunean are handiagoa izan da tentsioa. Izan ere, Ertzaintzak manifestarien kontra pilotak jaurti ditu.

Piketeak pasatu ahala itxi dituzte ateak beste hainbat tokitako dendetan ere. Lizarrako (Nafarroa) Eroskin, adibidez, halaxe egin dute.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Arroz ekoizle bat eskukada bat ongarri eskuan duela, Colombon (Sri Lanka). ©CHAMILA KARUNARATHNE/EFE

ONGARRIEN EKOIZPENAK %70 EGIN DU BEHERA

Maddi Iztueta Olano

NBE Nazio Batuen Erakundeak Errusiari eta Ukrainari eskatu die esportazio kimikoen inguruko akordioa adostu dezaten. Elikagaien eskasia areagotzen ari da.

Gazte bat «jan itzazu aberatsak» dioen pintaketa baten aurretik pasatzen, Atenasen. ©ORESTIS PANAGIOTOU / EFE
Nekazal landak, Berangon. ©Aritz Loiola / FOKU

Elikagai ekologikoen kontsumoak ez du atzera egin

Maddi Iztueta Olano

Arabako, Bizkaiko eta Gipuzkoako nekazaritza lurren %4,6 erabiltzen dira nekazaritza ekologikorako. Helburua 2030. urterako Europako nekazaritza lurren %25 ekologikoa izatea da.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...