Noiz sortua: 2020-01-31 13:35:49

Bankuak

BBVAk %35 gutxiago irabazi zuen iaz, AEBetako negozio doikuntzagatik

3.512 milioi euro irabazi zituen guztira, horien %44 Mexikon. Irabaziak banatuko ditu akziodunen artean.

Carlos Torres BBVAko presidentea.
Carlos Torres BBVAko presidentea. FERNANDO VILLAR / EFE Tamaina handiagoan ikusi

Imanol Magro Eizmendi -

2020ko urtarrilak 31

BBVA bankuak 3.512 milioi euro irabazi zituen iaz, 2018an baino %35 gutxiago. Irabazien murrizketa hori AEBetako filialean harturiko saneamendu neurriengatik eta Txileko bankuen salmentaren gainbalioak 2018ko emaitzak puztu zituelako (633 milioi) izan da. Hala ere, ezohiko mugimendu horik kontuan hartu gabe, bankuak 4.830 milioi irabazi zituen, 2018an baino %2,7 gehiago. 2009az geroztik lorturiko irabazirik handienak dira.

2019ko itxieran, bankuaren berankortasun tasa %3,8 da, eta estaldurarena %77. Are gehiago, zalantzazko saldoa %2,1 murriztu zuen; batez ere, Espainian zituen zor mailegu asko saldu dituelako. Diru sarrerei dagokienez, 18.202 milioi interesen bitartez lortu zituen, eta 5.033 komisioei esker. Eragiketa finantzarioen bitartez 1.383 lortu zituen BBVAk, aurreko urtean baino %13 gehiago. Gastuei dagokienez, haiek ere igo ziren, %1,3; beraz, diru sarrerak gastuak baino gehiago igo ziren. BBVAk irabaziak banatuko ditu, halaber, 0,16 euro akzio bakoitzagatik.

Negozioaren banaketa geografikoari dagokionez, BBVAk %44,8 Mexikon lortu zuen, eta hura da gaur egun merkaturik handiena. Espainian %23 lortu zuen, eta AEBetan %9,5. Bezeroen ohiturei dagokienez, gero eta lagun gehiagok erabiltzen dituzte sakelako telefonoak eta bide digitalak. Bezeroen erdiek baino gehiagok sakelakoa erabiltzen du banku eragiketak egiteko.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna