Surfa

Alex Botelho surflariak istripu larria izan du munduko olaturik handienean

Nazare Tow Surfing Challenge txapelketa egiten ari dira egunotan Portugalen. Munduko Surf Ligak adierazi du kirolaria «bere kordean eta egonkor» dagoela.

Berria -

2020ko otsailak 12

Ikara uneak bizi izan dituzte Nazaren (Portugal), olatu handien surf txapelketan. Munduko Surf Ligak antolatutako lehenengo tow-in surf txapelketa hasi zen atzo: uretako motoek arrastaka eramaten dituzte surflariak, haiek munduko olatu handienei aurre egin diezaieten. Nazareko olatuak du inoiz surfean aritutako handienaren marka. Hamabi eta hogei metro arteko olatuak izan ziren atzo, eta horietako batek Alex Botelho kirolaria irentsi zuen. 29 urte ditu, eta puntako kirolaria da, olatu handietan espezializatua. Uretako moto bat hura erreskatatzera joan zenean gertatu zen ezbeharrik handiena: beste olatu erraldoi batek berriro bota zituen uretara surflaria eta erreskate taldeko kidea.

Botelho konorterik gabe iritsi zen ospitalera, baina Munduko Surf Ligak jakinarazi du «bere kordean eta egonkor» dagoela orain, baina proba gehiago egin beharko dizkiotela.

Hamar surflari bikotek parte hartu dute txapelketan; bata motoan joaten da, eta bestea, taula gainean. Ordubeteko sei ekitaldi egin zituzten, txandaka, eta mundu osoan ikusi zuten proba ikusgarria. Sei orduren ondoren, ordea, Munduko Surf Ligak eten egin zuen zuzeneko emisioa, Botelhoren istripua gertatu berritan. Hurrengo irudietan, surflaria hondartzan ageri zen, eta larrialdi zerbitzuak hura artatzen ari ziren.

2016an, 30 metroko olatu batek Axi Muniain surflari zarauztarra irentsi zuen Nazaren bertan. Iazko udan, Jokin Lizeaga korrikalaria eta biak elkartu zituen BERRIAk; hark ere istripu larri bat izana zuen, eta kontatu zuten horrek aldatu egin diela bizitzari heltzeko modua.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ezkerretik eskuinera, Inma Moro, Itziar Llanera eta Begoña Olaskoaga, Arrondegiko osasun etxean. ©LUIS JAUREGIALTZO / FOKU

Aztarnariak zaintzaile

Maite Asensio Lozano

Koronabirusean positibo eman dutenen gertuko kontaktuak bilatzea baino gehiago da aztarnari sistemako kideen lana: gaitzari eta bakartzeari buruzko informazioa emateaz edota zailtasunak dituztenen jarraipena egiteaz ere arduratzen dira.

PCR proba bat, Donostian. ©Idoia Zabaleta, FOKU

Beste 855 positibo atzeman dituzte Hegoaldean

Uxue Rey Gorraiz

Inoiz baino PCR proba gehiago egin dituzte azken egunean: 14.298, zehazki. Horietatik 855 kasutan detektatu dute birusa. 337 Nafarroan detektatu dituzte. Aurreko egunean, laurehunetik gora izan ziren lurralde horretan, lehenbiziko aldiz.

Miren Basaras, EHUko COVID-19aren Zaintza Batzordeko arduraduna. ©EHU

EHUk Miren Basaras izendatu du COVID-19aren Zaintza Batzordearen arduradun

Mikel O. Iribar

Mikrobiologoa eta EHUko irakaslea da Basaras, eta koronabirusaren ikerkuntzan badu esperientziarik. Zaintza Batzordearen lehen erronka EHUko egoera epidemiologikoa zein den aztertzea izango da. 

Moto gidari bat gaur goizean, herritik ateratzeko kontrolean. / ©Idoia Zabaleta, Foku

Sarbideak itxita eta kaleak hutsik Azkoienen

Berria

Normaltasuna izan da nagusi konfinamenduaren lehen orduetan. Herritik irten diren ia denak lan arrazoiengatik irten direa.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna