Haribok ez du nahi gominolazko hartz alkoholdunik

Alemaniako enpresa handiak burofax bat bidali dio Portugaleteko gazte batzuek sortu zuten enpresari, haren markari eraso egin diotela egozteko.

Ositos & Co. enpresaren promoziorako irudi bat.
Ositos & Co. enpresaren promoziorako irudi bat. Ositos & Co. Tamaina handiagoan ikusi

Berria -

2020ko otsailak 12

Portugaleteko (Bizkaia) hiru gaztek, Tamar Gigolashvilik, Julen Justak eta Ander Mendezek, negozio baterako ideia izan zuten duela urtebete: gominolazko hartzak eta alkohola elkartzea, «ezkontza on bat». Ordutik, Ositos & Co izeneko start-up-ak zeresana eman du behin baino gehiagotan. Duela aste batzuk jaso zuten ezustekorik handiena: Haribo gominolazko hartzen ekoizle handiak burofax bat bidali zien, esanez hartz alkoholdunak antz handia dutela euren produktuarekin, eta eskatu zien materiala deuseztatzeko, online denda ixteko, marka baliogabetzeko eta jabetza guztia Haribori emateko.

Hiru enpresari gazteak ez dira kikildu enpresa erraldoiaren eskariengatik, eta erabaki dute aurrera jarraitzea prozedura juridikoarekin, beren eskubideak eta irudia «babesteko». Adierazi dute ez dutela «inolako asmorik» goxoki alkoholdunez jabetzeko.

Gertatutakoa nazioarteko hedabideetara iritsi da. Erresuma Batuko The Guardian eta Alemaniako Die Zeit egunkariek eman dute haren berri, besteak beste.

Hartz alkoholdunek %15eko alkohol bolumena dute, eta 18 urtetik gorakoek soilik har ditzakete. Haien sortzaileek adierazi dute baldintza guztiak betetzen dituztela.

Enpresa sortu zutenean ere egon zen ika-mika. Getxoko Udalak 10.500 euroko diru laguntza eman zion enpresari, Gazteria zerbitzuek antolatu zuten Wanted izeneko ideia lehiaketa irabazi zutelako. Oposizioko alderdiek —EH Bildu, PP eta Ciudadanos— bat egin zuten, eta proiektu hori diruz laguntzearen aurka agertu ziren, alkohol kontsumoa sustatzen zuela argudiatuta. EAJ udal gobernuko alderdiak enpresaren alde egin zuen orduan.

ETB2ko Está pasando saioan hitz egin zuten gaiari buruz, eta Joseba Zabala medikuak azaldu zuen arriskutsua izan daitekeela alkohola modu horretan «kamuflatzea».

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ezkerretik eskuinera, Inma Moro, Itziar Llanera eta Begoña Olaskoaga, Arrondegiko osasun etxean. ©LUIS JAUREGIALTZO / FOKU

Aztarnariak zaintzaile

Maite Asensio Lozano

Koronabirusean positibo eman dutenen gertuko kontaktuak bilatzea baino gehiago da aztarnari sistemako kideen lana: gaitzari eta bakartzeari buruzko informazioa emateaz edota zailtasunak dituztenen jarraipena egiteaz ere arduratzen dira.

PCR proba bat, Donostian. ©Idoia Zabaleta, FOKU

Beste 855 positibo atzeman dituzte Hegoaldean

Uxue Rey Gorraiz

Inoiz baino PCR proba gehiago egin dituzte azken egunean: 14.298, zehazki. Horietatik 855 kasutan detektatu dute birusa. 337 Nafarroan detektatu dituzte. Aurreko egunean, laurehunetik gora izan ziren lurralde horretan, lehenbiziko aldiz.

Miren Basaras, EHUko COVID-19aren Zaintza Batzordeko arduraduna. ©EHU

EHUk Miren Basaras izendatu du COVID-19aren Zaintza Batzordearen arduradun

Mikel O. Iribar

Mikrobiologoa eta EHUko irakaslea da Basaras, eta koronabirusaren ikerkuntzan badu esperientziarik. Zaintza Batzordearen lehen erronka EHUko egoera epidemiologikoa zein den aztertzea izango da. 

Moto gidari bat gaur goizean, herritik ateratzeko kontrolean. / ©Idoia Zabaleta, Foku

Sarbideak itxita eta kaleak hutsik Azkoienen

Berria

Normaltasuna izan da nagusi konfinamenduaren lehen orduetan. Herritik irten diren ia denak lan arrazoiengatik irten direa.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna