Albistea entzun

Athletic 0-1 Osasuna

Gozoa batentzat, gazia bestearentzat

Osasunak irabazi dio derbia Athletici San Mamesen, lehen zatian Oierrek sartutako golari esker. Etxekoek bi jaurtiketa egin dituzte langara eta zutoinera.

FOKU Tamaina handiagoan ikusi

Aitor Manterola -

2020ko otsailak 16 12:12

Athletic eta Osasuna ez dira irabazle gertatzen ari azkenaldian: azken bederatzi partidetan, zuri-gorriek ez dute bat ere irabazi, eta Osasunak, bi baino ez. Athleticek hirugarren partida segidan galdu du gaur, eta Osasunak bigarren garaipen hori lortu du. Nafarrek gaur San Mamesko derbia irabazi, eta, ondorioz, Jagoba Arrasateren taldeak harrapatu egin du Gaizka Garitanorena sailkapenean. 31na puntu dituzte. 

Oier Osasunako kapitainak sartu du gol bakarra, 29. minutuan, geldikako jokaldi batean. Gaur berragertu da Lizarrakoa hainbat partida jokatu ezinda egon eta gero, lesio baten eraginez. Athleticen hamaikakoan ere izan da nabarmentzeko kontu bat: Unai Vencedor erdilariak debuta egin du. Gainerakoan, bi taldeak atera dira erdiko hiru atzelarirekin. Ohikoa azkenaldian Athleticen estrategian; berrikuntza Osasunaren kasuan. 

Osasunaren gola heldu arte, ez da kontatzeko ezer handirik gertatu. Golaren ondoren, gehixeago sortu dute jokalariek. Jokaldi horietako batean, Williamsek gola sartu du, baina Gonzalez Fuertes epaileak baliorik gabe utzi du. Bigarren zatiaren hasieran, VAR-a azaldu da, Unai Garciak eskuarekin baloia jo eta gero: epaileak ez du faltarik ikusi, eta penaltia ere adierazi ez horrenbestez. Handik gutxira, Enric Gallego Osasunako jokalari berriak buruz burukoa izan behar zuen Unai Simonekin, baina Yeray jarri zaio parean. Bigarren erdialdeko lehen ordu laurden biziaren akaberan, Vencedorrek langara jaurti du falta bat. Etxekoek bukaera aldean izan dituzte aukerarik garbienak: Caparen jaurtiketa, area barrukoa, Herrera atezainak atera du, eta Adurizen burukada bat zutoinera joan da. Hortxe bukatu da Athleticen itxaropena, Osasunaren poza hastearekin batera. 

FITXA

Athletic 0: Unai Simon; Capa, Yeray, Unai Nuñez, Iñigo
Martinez, Yuri; Vencedor (Ibai Gomez, 74. min), Vesga, Raul Garcia
(Aduriz, 68. min); Williams eta Villalibre (Sancet, 46. min).

Osasuna 1: Sergio Herrera; Nacho Vidal (David Garcia, 88. min),
Unai Garcia, Aridane, Roncaglia, Estupiñan; Oier Sanjurjo (Fran
Merida, 91. min), Darko Brasanac, Iñigo Perez; Adrián (Roberto Torres,
76. min) eta Enric Gallego.

Golak: 0-1: Oier Sanjurjok (29. min).

Epailea: Gonzalez Fuertes. Txartel horiak: Athleticeko Vencedor, Iñigo Martinez
 eta Adurizi; eta Osasunako Roncaglia, Oier, Enric Gallego eta  Brasanaci. 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Iker Muniain eta Leo Messi, Athleticeko eta Bartzelonako kapitainak, Cartuja estadioan, atzo, kopa atzean dutela. ©ESPAINIAKO FUTBOL FEDERAZIOA

Debekatua beste bat galtzea

Aitor Manterola

Athleticek 25. aldiz irabazi nahi du gaur Espainiako Kopa, eta, horretarako, Bartzelonari irabazi beharko dio Sevillan. Azkenekoz 1984an lortu zuen, eta ordutik jokatu dituen lau finalak galdu egin ditu

Athleticen zaleak, Bilboko Zazpikaleetan ©Monika del Valle / Foku

Bilbon aurrekoan baino lasaiago dago kaleko giroa

Gotzon Hermosilla

Ertzainak eta Bilboko udaltzainak Poza kalearen inguruetan patruilatzen ari dira

Kalejira zuri-gorria Sevillan

Kalejira zuri-gorria Sevillan

Aitor Manterola

Athleticeko Sevillako hainbat zalek hirian barrena egin dute buelta, De Marcos Peñak antolatuta, txaranga eta guzti.

 ©BERRIA

Bihotzerrea sendatzeko bi hamaikako

Berria

Bartzelonak superkopa galdu zuen Athleticen kontra duela hiru hilabete, eta Athleticek kopako finala Realaren kontra orain bi aste. Galdutako finalen bihotzerrea kitatzeko prest aterako dira bi taldeak zelaira, borrokara.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna