REALA 3-0 VALENTZIA

Txapeldunen Ligako postuetan dira txuri-urdinak

Realak bikain jokatuta irabazi dio Valentziari, eta Txapeldunen Ligako postuetan dago behin-behinean. Merinok, Monrealek eta Januzajek sartu dituzte golak

Realeko jokalariak, Januzajen gola ospatzen, partidako hirugarrena.
Realeko jokalariak, Januzajen gola ospatzen, partidako hirugarrena. Jon Urbe / Foku Tamaina handiagoan ikusi

Jon Eskudero -

2020ko otsailak 22

Inauteri giroa baliatuta, inork baino mozorro hobea hautatu du gaur Realak, Pep Guardiolak zuzentzen zuen Bartzelona erraldoi haren itxura hartu baitzuen bete-betean. Hasi eta buka, distiratsu eta gustagarri jokatu duten txuri-urdinek, eta hankapean ibili dute Valentzia. Astebete pasako atsedenaldiak mesede handia egin dio Imanol Alguacilen taldeari, eta lehen zatia aski izan du partida bideratzeko. Kalitatea lagun, Merinok eta Monrealek egin dituzte golak, eta bigarren zatia hasi eta berehala Januzaj batu da golegileen zerrendara. Denboraldia une erabakigarrian sartzen hasi den honetan, baikor izateko motiboak eman ditu Realak, eta zenbakiek ez diote bestelakorik. Sevillak eta Atletico Madrilek igandean egingo dutenaren zain, Txapeldunen Ligako postuetan dira txuri-urdinak. Gainera, kontuan hartu behar da neurketa bat falta dutela jokatzeko, Eibarren aurkako derbia.

Erabat plan ezberdinarekin zelairatu dira bi taldeak. Realak atseden luzea izan du partida prestatzeko, eta ez da hori izan Valentziaren kasua. Izan ere, pasa den asteazkenean kolpe gogorra jaso zuen Txapeldunen Ligan, Atalantaren aurka 4-1 galduta. Ordezko jokalari askorekin jokatu dute bisitariek, eta ederki baliatu dute aukera etxekoek. Bizi jokatu dute hasieratik, baloiaren kontrola eurena zela, eta Valentziaren asmoa kontraerasoan irtetea izan da. Horretara mugatudu bere jokoa, Gameiro eta Ferran Torresen abiadura baliatu nahirik. Haien planak ezin hobetu deuseztatu ditu Realak. Defentsako lerroa bikain aritu da goian presio eginez, eta erasoko jokalariak distiratsu aritu dira. Ordu laurdena bete aurretik heldu da 1-0ekoa. Zalduaren erdiraketan ez dira fin egon Valentziako atzelariak, eta Merinok bakarrik bidali du baloia sareetara, buruz. Golak lasaitasuna eman dio Realari, eta atsedenaldira bitarteko jokoa oso gustagarria izan da. Isakek izan dituen pare bat aukera bigarren gola egiteko, baina ez du asmatu. Valentziak, ordea, ia usaindu ere ez du egin Remiroren atea. Gauzak hala, bazirudien 1-0eko emaitzarekin helduko zirela bi taldeak atsedenaldira, baina 47. minutuan Monrealek egin du gola. Odeegardek kornerra atera, Aritzek baloia orraztu eta nafarrak ez du barkatu. Gol sena duela erakutsi du berriro.

Atsedenalditik bueltan, bere planak aldatu beharrean zen Valentzia, eta aldaketa bat ere egin du. Ordea, plan horiei erantzuteko modurik onena hautatu du Realak, hirugarren gola egitea. Januzajek sekulako ezkerkada bidali du sareetara 48. minutuan. Guztiz erabakita utzi du lehia hirugarren gol horrek. Gehiagorako aukerak ere sortu dituzte txuri-urdinek, baina ez dute golik egin. Bada, bolada onari jarraipena emateko aukera izango du Imanolen taldeak datorren ostiralean, Valladolid hartuko baitu etxean. 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Osasun langile bat pertsona bati PCR proba egiten, herenegun, Ordizian. ©Jon Urbe / Foku

58 dira Ordiziako agerraldiarekin lotutako kasuak

Iosu Alberdi - Irati Urdalleta Lete

Positibo emandakoek ezingo dute bozkatu Ordizian. Bai, ordea, haien kontaktu zuzenek. Araban beste foku bat izan den ikertzen ari da Osasun Saila, azken orduetan bederatzi kasu atzeman ostean.

Nafarroako Gobernuko Osasun kontseilari Santos Indurain. ©Jesus Diges / Efe

23 positibo detektatu dituzte Tuterako agerraldian

Igor Susaeta

Beste agerraldi bat gertatu da Iruñean, eta bost pertsona kutsatuta daudela baieztatu dute

Agerraldien ondorioz, jolas parkeak itxita daude berriro Ordizian. ©Juan Carlos Ruiz / Foku

Osasun Sailak «neurriak aurreikusi» dituela «egiaztatu» du Hauteskunde Batzordeak

Berria

Ordiziako agerraldiaren harira, osasun eta boto eskubideak bermatze aldera EH Bilduk eginiko eskaera aztertu du batzordeak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna