Albistea entzun

Koronabirusa

Sagardotegiak itxi dituzte Gipuzkoan

Ostalarien elkarteek gomendatu dute tabernak ixtea; hala egingo dute Gasteizko alde zaharrean asteburu honetan.

Hernaniko Iparragirre sagardotegia, artxiboko irudi batean.
Hernaniko Iparragirre sagardotegia, artxiboko irudi batean. Nagore Legarreta Tamaina handiagoan ikusi

Iker Aranburu - Jokin Sagarzazu -

2020ko martxoak 13 16:16

Gipuzkoako Sagardogileen Elkarteak jakinarazi du gaurtik aurrera eta hamabost egunez eten egin dituztela bazkari eta afari zerbitzuak. «Egoera honen aurrean zentzuz jokatuko dugu, gure bezeroen eta langileen osasuna kontuan hartuta», azaldu dute.

Hernaniko sagardogileek bilera bat egin dute goizean,  eta «aho batez» erabaki dute  sagardotegiak ixtea. «Ez dakigu noiz arte», azaldu dio sagardotegi bateko arduradunak BERRIA-ri.

Azken orduetan bezero askok bertan behera utzi dituzte astebururako erreserbak, eta besteei deika ari dira, erabakiaren berri emateko.

Kalte ekonomiko handia izango dutela onartu dute sagardotegiek, baina arduraz jokatu nahi dutela.

Sagardotegien erabakia ostalaritzaren sektorean datozen orduetan eta asteburuan etor daitekeenaren atarikoa izan daiteke. Gasteizko parte zaharreko 20 bat tabernak, adibidez, gauza bera egingo dute, gaur hasi eta astelehen arratsaldera arte gutxienez. Hainbat leku ixten hasiak dira. Eta azken orduetan erreserba ugari bertan behera uzten ari dira bezeroak.

Ostalarien elkarteak, ixtearen alde

Ostalarien elkarteek erakundeei eskatu diete establezimenduen itxiera agintzeko. Nafarroako Ostalaritza eta Turismo Elkarteak, adibidez, gomendatu du sektoreko negozio guztiak ixtea aldi baterako —martxoaren 30era arte—, prebentzio neurri gisa. Elkartearen ustez, hobe da egoera «kolpetik geldiaraztea», sektorearen «hondamendia» eragin dezaketen neurriak pixkanaka hartzen jarraitzea baino. Ixtea erabakitzen ez dutenei, eskatu die langileak eta bezeroak «behar bezala» babesteko, osasun erakundeek emandako aholkuei jarraituz.

Gipuzkoako ostalarien elkarteko bozeramaile Mikel Ubarretxenak, berriz, adierazi du ixtea litzatekeela erabakirik egokiena, azkenengo bi egunetan taberna eta ostatuen jarduna «erabat erori» dela ikusita. Ubarretxenak gaineratu du sektoreko enpresariak oso larrituta daudela, ez baitakite noiz arte iraungo duen krisiak. «Ziurgabetasun horrek asko beldurtzen ditu, pilatzen ari zaizkien gastuak ikusita».

Elkarteko iturriek azpimarratu dute ostalarientzat ez dela erabaki erraza negozioak ixtea, «asko» dutelako jokoan. Hala, azaldu dute haiei ez dietela esango zer egin. Gogoratu dute establezimenduak nahitaez ixtea osasun agintaritzak baino ezin duela agindu. «Bakoitzak bere lokala itxi ala ez erabaki dezake, baina guk gomendatzen dugu gertaeren bilakaeraren zain egotea eta horri buruz osasun agintaritzak hartzen dituen erabakien zain egotea».

 

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Arrantzale talde bat, hegaluzea Getariako portuan deskargatzen ©Juan Carlos Rui / Foku

«Kontrolik gabeko arrantza» hedatzen ari da euskal kostaldean

Jokin Sagarzazu

Sare pelagikoak erabiltzen dituzten kanpoko ontziak «ohiko» bihurtu dira, debekatuta egon arren. ELAk dio ikuskatzaileak falta direla.

Kiroldegi eta igerilekuetako langileak, goizean, Artican egindako elkarretaratzean ©@FSCNavarra

Kiroldegi eta igerilekuetako langileak greban dira Nafarroako hainbat herritan

Hodei Iruretagoiena

Piketeak eta elkarretaratzeak egin dituzte goizean, eta iluntzerako elkarretaratze bateratua antolatu dute, 19:00etan, Iruñeko udaletxe aurrean.

 

Pantailan erosoago

Pantailan erosoago

Iker Aranburu

Facebookekin, harreman birtualen sarea sortu zuen, eta orain, metabertsoarekin, errealitate birtualean beste urrats bat egin nahi du. Lobbyetan asko gastatzen du, Facebooken edukien kontrolari aurre egiteko.

Mark Zuckerberg, AEBetako Kongresuan egindako agerraldi birtual batean. ©MICHAEL REYNOLDS / EFE

Pantailan erosoago

Iker Aranburu

Facebookekin, harreman birtualen sarea sortu zuen, eta orain, metabertsoarekin, errealitate birtualean beste urrats bat egin nahi du. Lobbyetan asko gastatzen du, Facebooken edukien kontrolari aurre egiteko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...