Noiz sortua: 2020-04-06 16:16:45

Jaurlaritzak udazkenera arte atzeratuko ditu hizkuntza maila egiaztatzeko probak

Indarrik gabe utzi du maiatzaren 9rako aurreikusitako proba idatzia, eta urrian egingo du. Onartutako eskabideak kontuan hartuko dira bigarren deialdi horretarako.

EGA Euskararen Gaitasun Agiria lortzeko probak.
EGA Euskararen Gaitasun Agiria lortzeko probak. Andoni Canellada / Foku Tamaina handiagoan ikusi

Jon O. Urain -

2020ko apirilak 6

Eusko Jaurlaritzaren Herri Arduralaritzaren Euskal Erakundeak baliogabetu egin du hizkuntza eskakizunak egiaztatzeko aurtengo lehen deialdia, eta 2020ko udazkenean egingo dira azterketak. Argudiatu dutenez, COVID-19 gaitzaren hedapenak eragindako osasun larrialdiaren ondorioz, ezin da egin ekitaldi jendetsurik; hori dela eta, erabaki du indarrik gabe uztea Jaurlaritzak maiatzaren 9an Barakaldoko BECen (Bizkaia) egitekoa zuen proba idatzia.

Hizkuntza eskakizunak egiaztatzeko lehen azterketarako onartuta zeuden eskabideak, berriz, kontuan hartuko dira 2020ko urrirako aurreikusita dagoen bigarren deialdirako.

4.457 eskabide

2020ko lehen seihilekoari dagokion deialdia normal garatu da, eta, gaur egun, parte hartu nahi zutenek eskabideak aurkezteko epea igarota, deialdi horretan onartutakoen eta baztertutakoen behin betiko zerrenda argitaratuta zegoen. Guztira, 4.457 eskabide zituzten erregistratuak 1., 2., 3. eta 4. hizkuntza eskakizunak (B1, B2, C1 eta C2 euskara mailak) egiaztatzeko lehen deialdi horretarako.

Euskal Herriko Agintaritzaren Aldizkariak datorren asteazkenean argitaratuko du, apirilaren 8an, Maite Iruretagoiena EHAAko zuzendariaren ebazpena, deialdi hori indarrik gabe uzteari buruzkoa.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 26an eguneratua, 20:00etan. ©BERRIA

Koronabirusaren azken datuak

Berria

Azkeneko 24 orduetan zazpi pertsona hil dira COVID-19 gaitzaren eraginez, 11 positibo atzeman dituzte PCR probekin, eta lau gaixo ospitaleratu dituzte. Euskal Herrian 28.634 gaixok eman dute positibo guztira, koronabirusa atzemateko probaren bat eginda. Horietatik 2.027 hil dira. Grafikoak, albiste barruan.

Berra adinekoen egoitza. ©JON URBE / FOKU

Ekainaren 8tik egin ahalko dira bisitak Gipuzkoako zahar etxeetan

Berria

Egoiliar bakoitzeko senide bakarra joan ahal izango da bisitan, eta segurtasun neurriak zorroztuko dituzte. Gipuzkoako zahar etxeetan 167 pertsona hil dira izurria hasi zenetik; gaur egun 22 eri daude, bi egoitzatan.

Maiatzaren 11an igaro zen lehen fasera Hegoaldea ©Marisol Ramirez, Foku

Hegoaldea lehen fasera igaro izanaren arrazoiak eman ditu Espainiako Gobernuak

Ainhoa Larretxea Agirre

Espainiako Osasun Ministerioak zehaztu du egoera epidemiologiko «ona» izan dela Nafarroa pasatzeko arrazoia; Osakidetzak pazienteak artatzeko duen «gaitasun handia», berriz, Araba, Bizkaia eta Gipuzkoa igarotzekoa. Maiatzaren 11n aldatu zen lehen fasera Hegoaldea.

Txagorritxu ospitaleko laborategiko irudi bat. ©Gorka Rubio / Foku

Datuen peskizan (eguneko laburpena)

Pello Urzelai

Beste zazpi pertsona gehitu behar dira koronabirusarekin hildakoen zerrendara. Bost EAEn, bi Nafarroan. PCR bidezko 11 positibo berri agertu dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna