Noiz sortua: 2020-05-22 18:39:48

Futbola

Aduriz: "Ez dut omenaldirik behar, igandero jaso dut San Mamesen"

Agur hunkigarria izan da aurrelari zuri-gorriarena. Eskertuta azaldu da, eta eman duena baino askoz gehiago jaso duela adierazi du.

Aduriz:
Aduriz: "Ez dut omenaldirik behar, igandero jaso dut San Mamesen" Tamaina handiagoan ikusi

Ainara Arratibel Gascon -

2020ko maiatzak 22

Hunkituta. Halaxe agertu da Aritz Aduriz agur prentsaurrekora. San Mamesen talde zuri-gorriaren ereserkia bozgorailuetatik zela irten da jokalaria, emaztearekin eta bi alabekin. Hasteko, esker hitzak izan ditu emaztearentzat.  "Aurrena laguna, gero emaztea, eta orain gehien maite ditudan bi pertsonen ama. Zu gabe hau ez nuen lortuko. Izugarri lagundu nauzu, eta ezingo dizut inoiz eskertu eman didazun guztia". Gurasoa, arreba eta aiton-amonak ere izan ditu gogoan. "Kirolaren, baina batez ere, bizitzaren balioak eman dizkidate. Eta, nola ez zaleak ere izan ditu ahotan: "Eman didaten babesa izugarria eta ahaztezina izan da. Ezingo diet inoiz behar beste eskertu. Ez dut omenaldirik behar, igandero jaso baitut San Mamesen. Ez dago bere taldea hainbeste maite duen zalegorik, Athleticena baino"."Lasai" doala adierazi du, Athletic "esku onetan" uzten duelako, bere taldekideen eskuetan. "Haiekinin egunero egon ezin izatea izango da gehien faltan botako dudana. Haiekin bizi izan ditut nire kirol ibilbideko momenturik politenak".

Behin eskerrak eman eta gero, erretiroa hartzeko erabakiaren nondik norakoak azaldu ditu. Aldaka aspalditik ari zitzaion arazoak ematen. "Baina martxa hartuta nuen, eta aurrera nindoan. Bi hilabeteko eten hau, ordea, oso gogorra izan da aldakarentzat". Entrenatzera itzuli eta berehala konturatu zen aldakak "kito" esan zuela. "Ez nengoen taldeari laguntzeko moduan. Espezialistak berak esan zidan, bizimodu normal bat egiteko, ebakuntza egin behar zidatela ahalik eta azkarrak. Orduan erabaki nuen pauso bat alde batera ematea". Aurrelari zuri-gorriak ez du pentsatu nahi zer pasatuko zen ebakuntza lehenago egin izan balu. "Hemen gol bat sartzeak nire bi aldakak merezi ditu. Adin honetara sasoi honetan iritsi banaiz, egin dudanarekin gozatu dudalako da. Hori izan da gakoa". Ondo bidean datorren larunbatean egingo diote ebakuntza. "Asmoa dut ondoren Lezaman osatzeko, taldekideekin denboraldia amaitu arte egoteko, eta zelaian ez bada ere, ahal dudan guztian laguntzeko".

Urte hauetan sartutako golen artean, azkenarekin geratzen da, Liga honetako lehen partidan Bartzelonari txilenaz sartu ziona. "Izan zen uneagatik eta, batez ere, bi alabak ikusten zeudelako. Haiek nire gola ospatzen ikustea izugarria izan zen". Partidaren bat aukeratzekotan, berriz, talde zuri-gorriarekin irabazitako Espainiako Superkopako finaleko biak izango lirateke. "Denborarekin eman diogu balioa titulu horri". Realaren kontrako Espainiako Kopako finala ez jokatzea izan da geratu zaion arantza. "Baina ziur nago, jokatzen denean, nire taldekideek irabazi egingo dutela, eta nagoen lekutik berdin ospatu eta disfrutatuko dudala".

Donostiarrak argi du Athletic "klub berezia" dela. "Egunero erakusten dugu hori. Koadrila bat gara, mundu osoaren kontra borrokan. Baina hau ez nuke sekula aldatuko, ez egin dudan bidea, ezta norekin egin dudan ere. Uste dut hemen geratzen direnek oso barneratuta dutela hori, eta ondorengoei ere hala transmitituko dietela". Atzetik datozenei aholku bat eman die. "Sekula amore ez emateko esango nieke. Etengabe saiatzeko, eta gauzak gaizki joan arren, beti egin behar dela aurrera".

Etorkizunean zer egingo duen ez daki. "Baina pizgarri eta motibazio asko ditut. Argi dut ate bat ixten denean beste asko irekitzen direla. Ilusioa dut familiari denbora gehiago eskaintzeko. Horrekin nahiko dut orain".

 

 

 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 2an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan hamar lagun hil dira COVID-19 gaitzaren eraginez. Zortzi positibo atzeman dituzte PCR probekin, eta bost gaixo ospitaleratu dituzte. Euskal Herrian 29.491 gaixok eman dute positibo guztira, koronabirusa atzemateko probaren bat eginda. Horietatik 2.078 hil dira. Grafikoak, albiste barruan.

Aritxulegiko gaina, Nafarroa eta Gipuzkoa artean. ©

Nafarroako Gobernuak «jarrera zuhurra» du lurraldeen arteko joan-etorriekin

Berria

«Autonomia erkidego guztiek dute lurralde mugakideen artean mugitzeko helburu bera, baina litekeena da erritmoa berbera ez izatea», esan du Javier Remirez gobernuko bozeramaileak. Salvador Illa Espainiako Osasun ministroak atzo esan zuen hirugarren fasea bukatu arte ezingo dela autonomia erkidego batetik bestera bidaiatu. 

Heriotza kopurua asteka, Araban, Bizkaian eta Gipuzkoan. ©INE

Nabarmen goratu da izurriak eragindako heriotzen kurba

Edu Lartzanguren

Espainiako Estatistika Institutuak grafiko bat argitaratu du, erakusteko izurriak nola eragin duen heriotza tasan.

Pedro Sanchez Espainiako presidentea, gaurko lehen agerraldian, Kongresuan. ©J. J. Guillen / EFE

Espainiako Kongresuak larrialdi egoeraren seigarren luzapena onartuko du gaur

Paulo Ostolaza

Ekainaren 21 arte luzatuko dute; printzipioz, azken aldiz. Sanchezek iragarri duenez, «hirugarren fasean sartzen diren autonomia erkidegoetan hango presidenteak erabakiko du nolakoa izango den fase hori».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna