Oporrak Euskal Herrian

Gipuzkoan, ederki

Aisialdiaz, gastronomiaz, arteaz, kulturaz, tradizioez, itsasoaz, hondartzaz eta naturaz gozatzeko plan ugari egin daitezke Gipuzkoan.

Urkulu urtegia.
Urkulu urtegia. GIPUZKOAKO FORU ALDUNDIA

Hona hemen, familiarekin edo lagunekin Gipuzkoan egun ederrak igarotzeko hamar proposamen:

Donostian pintxo jatea

Gipuzkoan benetan ederki jan daiteke, oso errazio txikiak izanda ere. Pintxoak gastronomiaz gozatzeko modu dibertigarria eta moldagarria dira. Pitinka-pitinka, mokaduz mokadu, sukalde askotako ahogozagarri onenak dasta daitezke. Unean bertan ahogozatzen den dastatzeko menu moduko bat da, taberna berean edo sukaldaritza-paseo bat eginez, taberna batzuetan zehar inprobisatua.

Hondarribitik pasealdia

Hondarribiko alde zaharra, monumentu historiko-artistiko izendatua, jauregi eta etxe blasoidunek osaturiko multzo paregabea da. Herriak dauzkan erakarguneetako batzuek gerraren artearekin dute zerikusia, muga aldean egotearen eraginez ongi menderatu behar izan baitzuen hori. Hondarribiaren arrantzale bihotza ere ezin da galdu, portua auzo koloretsuaren ondoan. Gainera, Txingudiko badiatik Hendaiara igaro daiteke txalupatxo batean, edo Higer lurmuturrerantz egin daiteke, itsasargi dotorea nabarmentzen baita bertan.

Txillidaren aztarna

Gipuzkoa abiapunturik onena da Eduardo Txillidaren lanak ikusi nahi badira. Alegia, Haizearen Orrazia (Donostia), Txillida Lantokia (Legazpi) edo Txillida Leku Museoa (Hernani). Azken hau baso sorgindua da; burdina, harria, alabastroa, zuhaitzak eta ikusleak harmonia akasgabean dira bertan. Ezinbestekoa.

Zarauztik Getariara

Zarautzek harro esan dezake Euskal Herriko hondartzarik luzeena eta Kantauri osoko handienetako bat duela: dozenaka surflari ikus daitezke olatuak hartu nahian. Zarauztik gertu Getaria dago. Txakolina hartu ahal izango da bertan, ardo zuri eta gaztea, arranparrilan prestaturiko arrain freskoa jan edota Cristobal Balentziaga jostunari buruz dena ezagutu.

Zarauzko hondartza. GIPUZKOAKO FORU ALDUNDIA

Pasaiako badia

Pasai Donibane marinel herria da, kale bakarrekoa. Eta hain da berezia ezen Victor Hugo nobelagile frantsesak zeharo miretsirik deskribatu zuen bere Pirinioak liburuan. Zoragarria da ipar bokalerainoko paseoa egitea, Santa Anaren ermitaraino igotzea edo Pasai Donibane Pasai San Pedrorekin lotzen duen txalupa motordunean ontziratu eta Albaola Itsas Kultur Faktoria bisitatzea.

Ignaziotar lurraldea

San Ignazio Loiolakoaren eta tenplu ikusgarrien historia da, burdinaren, harriaren eta suaren lurraldea da, Oteizak eta Txillidak moldatzen lagundu zuten paisaia da, eta gizadiaren historiaren agertokia da historiaurreaz geroztik. Leku zoragarriak aurki daitezke bertan, hala nola, Loiolako santutegia, Arantzazu, Oteizaren frontoiak edo Oñati-Arrikutzeko kobazuloak.

Sagardoaren lurraldea

Gipuzkoan bada leku txiki bat, aparta eta zeharo berezia, hiriburutik soilik 10 minututara dagoena. Eremuz txikia da, handia haatik eraginez, eta bertan guztia, historia, kultura, ekonomia, ohitura, bizimoduak, errituak… guzti-guztia alegia, sagardoari lotuta dago. Sagardoaren lurralde esaten zaion horri.

Landa paradisua eta azoka tradizionalak

Landa paradisua Gipuzkoaren bihotza da, belarrak eta mendi berdeek eratu labirinto handia, euskal kulturaren esentziarik garbiena, ohiturak eta euskaldunen hizkuntza zaharra bera, euskara, babestu dituena. Paradisu berde honen barnean, ezin ezagutzeke laga azoka tradizionalak, Tolosan larunbatero eta Ordizian asteazkenetan.

Tolosako azoka. GIPUZKOAKO FORU ALDUNDIA

Geoparkeko ibilbidea (flysch)

Euskal Kostaldeko Geoparkea Unesco erakundearen Mundu Geoparke izendatu zuten 2015ean. Natura turismoaren eta geoturismoaren inguruko proposamen berezien eta erakargarrienetako bat eskaintzen du. Geoparkea osatzen duten herriak Mutriku, Deba eta Zumaia dira. Kostaldean, flyscheko itsaslabar ikusgarrietatik ibiltzea txundigarria da, eta lehor aldetik, Gizadiaren Ondarea den Ekaingo haitzuloa dago.

Naturguneak

Ingurunearen inspirazioa Gipuzkoara etortzea errutinari ihes egitea da, eta bertako naturguneetan murgiltzea erabateko liberazioa da, gorenera eramana gainera inguruaren edertasun, intimitate eta inspirazioaren indarrez. Ihesaren barneko ihesa da. Egun osoan zabalik dauden eremuak, hala nola Aizkorri-Aratz, Aralar, Aiako Harria, Pagoeta eta Leitzaran.

Informazio gehiago nahi izanez gero, www.gipuzkoaturismoa.eus webgunea kontsulta daiteke.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

 ©BERRIA

«Transmisio komunitario bat daukazunean, ezin da telefono bidez kudeatu»

Jon Ordoñez Garmendia

Epidemia betean harrapatu dute hauteskundeek Ordizia, eta kezkatuta dago Ezenarro. Arriskuaz ohartarazi arren, neurri bereziak hartuta egingo dituzte bihar. Erakundeen babesa eta mahai tekniko bat sumatu ditu faltan.

Probak egiteko Ordizian jarritako postuak. ©Jon Urbe / FOKU

«Osasun publikoaren kontrako delitu bat» izango da gaixorik bozkatzea

Iosu Alberdi

Ordiziako agerraldiarekin lotutako lau kasu berri atzeman dituzte. Denera, 21 dira Araba, Bizkai eta Gipuzkoan baieztatutako positibo berriak, eta herritar bat hil da koronabirusaren eraginez. 160 herritar inguru dira bihar bozkatzea debekatuta izango dutenak.

Bi lagun, terraza batean eserita, Orion. ©JON URBE / FOKU

Nork agindu tabernetan

Aloña Beraza Peña Irati Urdalleta Lete

Ordiziako taberna batetik zabaldutako fokuak piztu ditu alarmak aste honetan. Su gehiago ere ari dira pizten, Tuteran, Gasteizen... Tabernariak eta kudeaketan dabiltzanak kezkatuta daude.

Gipuzkoa Turismoa

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna