Futbola

San Josek eta Beñatek liga amaitu arte jarraituko dute Athleticen; ez, ordea, Orellanak Eibarren

Bi jokalari zuri-gorriek iragarri dute «bihotzagatik» hartu dutela erabakia, «buruak» ez segitzeko aukeraren alde egiteko hautua ematen bazien ere. Zuzendaritzaren jarrerarekin konforme ez daudela iradoki dute, eta jakitun direla ez dutela taldean segituko datorren denboraldian, «ziurtasunez esan ez badigute ere».

Beñat eta San Jose, txantxetan, denboraldi honen hasierako entrenamendu batean
Beñat eta San Jose, txantxetan, denboraldi honen hasierako entrenamendu batean EFE Tamaina handiagoan ikusi

Aitor Manterola -

2020ko ekainak 29

Ekainaren 30a dute mugarria Mikel San Josek, Beñatek eta Athleticek. Bihartik aurrera libre ziren jokalariak, kontratua amaitzen zaielako hilarekin batera. Klubak eskatu die jarraitzeko, eta hori egingo dute biek. Sare sozialetan eman dituzte azalpenak. Burua eta bihotza du izena agiriak, eta garden asko azaldu dute «bihotzagatik» erabaki dutela jarraitzea, «buruak» beste zerbait egiteko aukera ematen bazien ere, «profesionalak» diren aldetik. 

«Athleticen bizi izandako guztia errepikaezina da», eta horretan oinarritu dira klubaren eskaintzari baiezkoa emateko. Taldekideak eta zaleak izan dituzte gogoan. Beste aldarte bat antzematen zaie, ordea, zuzendaritzak eurekin izan duen jarrerari buruz ari direnean, horretaz gero hitz egingo dutela iragarri arren, orain unea ez delakoan. Garbi laga dute ez dutela aukerarik izango Athleticen segitzeko datorren denboraldian, «klubak ezer garbirik esan ez badigu ere». 

Orellanaren agurra, sare sozial batean

Badoana Fabian Orellana da. Hori iragarri du sare sozial batean, atzo Granadan jokatu zuena azkeneko partida izan zela kontatu baitu. Valladoliden ariko da datorren denboralditik aurrera. Eibarrek ez du ezer esango gai honetaz bihar arte. Txiletarra ez da bakarra egoera honetan, eta, hilarekin batera kontratua amaitzen zaienen artean, ez du ematen ospa egingo duen bakarra izango denik, Gonzalo Escalantek ere hautu bera har baitezake; datozen hiru denboraldietarako kontratua lotua dauka Lazion (Italia). Gainontzekoak ondorengoak dira: Ramis, De Blasis, Cristoforo, Charles eta Pedro Leon — horrek azaldu du taldeari laguntzen jarraituko duela—. Antzeko egoeran da Jose Luis Mendilibar ere, eta Zaldibarkoak aspaldi esan zuen jarraitu egingo duela liga amaitu arte. 

Espainiako ligan, ehun bat jokalariri bukatuko zaie kontratua ekainaren 30arekin batera, eta gehienek oraingo taldeetan jarraitzea erabaki dute. 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Bi erizain, Galdakaoko ospitalean (Bizkaia) maiatzaren 6an, 55 egun gaixorik zeramatzan gizon bat sendatu zela ospatzen. ©ANDONI LUBAKI / FOKU

Koronabirusaren lehen kolpea Euskal Herrian: 2.152 hildako lau hilabetean

Mikel P. Ansa

Martxoaren 1etik ekainaren 30era, lau hilabete. Neguaren azken hondarra, eta udaberri guztia. Koronabirusaren pandemiak hankaz gora jarri du Euskal Herria, eta bizimoduak astindu ditu. Pandemiaren lehen olatuaren balantzea egin du BERRIAk, hamazazpi grafiko eta hamazazpi galdera hauekin.

Osasun langile bat pertsona bati PCR proba egiten, herenegun, Ordizian. ©Jon Urbe / Foku

58 dira Ordiziako agerraldiarekin lotutako kasuak

Iosu Alberdi - Irati Urdalleta Lete

Positibo emandakoek ezingo dute bozkatu Ordizian. Bai, ordea, haien kontaktu zuzenek. Araban beste foku bat izan den ikertzen ari da Osasun Saila, azken orduetan bederatzi kasu atzeman ostean.

Nafarroako Gobernuko Osasun kontseilari Santos Indurain. ©Jesus Diges / Efe

23 positibo detektatu dituzte Tuterako agerraldian

Igor Susaeta

Beste agerraldi bat gertatu da Iruñean, eta bost pertsona kutsatuta daudela baieztatu dute

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna