Noiz sortua: 2020-06-30 12:43:46

Literatura

Sandra Garaioak eta Itziar Otegik irabazi dute Etxepare saria

Txano Gorritxoren alaba du protagonista 'Lorerik gorriena' albumak, eta udazkenean argitaratuko du Pamiela argitaletxeak.

Etxepare Sariaren berri emateko ekitaldiko irudi bat
Etxepare Sariaren berri emateko ekitaldiko irudi bat Etxepare Sariak Tamaina handiagoan ikusi

Iñigo Astiz -

2020ko ekainak 30

Guztira, 35 lan aurkeztu dira aurtengo Etxepare sarira. Inoizko gehien. Eta Sandra Garaioa ilustratzailearen (Donostia, 1993) eta Itziar Otegi idazlearen (Oiartzun, Gipuzkoa, 1972) lana nabarmendu du epaimahaiak guztien artean. Lorerik gorriena izeneko albuma, zehazki. Txano Gorritxoren alaba du protagonista kontakizunak, eta gertakari handiek pertsona bakoitzarengan uzten duten zamari buruz gogoeta bat proposatzen du. Besteak beste, tradizioa gaurkotzeko duen modua txalotu du epaimahaiak. «Ipuin tradizionalen onena hartu eta gaur eguneraino dakar haien leinua». 5.000 euroko saria jasoko dute bi sortzaileek, egile eskubideen aurrerapen modura, eta Pamiela argitaletxeak argitaratuko du lana udazkenean.

Leire Salaberria ilustratzaileak, Idoia Sobrino liburuzainak eta Patxi Zubizarreta idazleak osatu dute epaimahaia, eta hala testuaren zein irudien maila nabarmendu dute saria emateko ebazpenean. «Testua sotil eta argi idatzia dago, zentzu guztietan neurritsu, eta bikain uztartuta dago ilustrazio gorri-beltzekin». Dena «sinbolismoz eta sujerentzia handiz» adierazteko duen modua baloratu dute, eta irudiak «indar handikoak» direla ere esan dute, «gama kromatiko oso neurtu batekin».

Beka zena sari bilakatuta

Garaioak Bartzelonako Escola Massanan egin zituen diseinu grafiko ikasketak, eta hainbat sari jaso ditu egindako ilustrazio lanekin. Eva Toldrá saria jaso zuen, esaterako, 2017an, eta 2018an, berriz, finalista izan zen Junceda sarietan. Otegiren kasuan, Lorerik gorriena da haurrentzako idatzi duen lehen ipuina, baina badu ibilbide bat egina literatur lanak itzultzen. Aurrez, Iruñeko Udalak antolatutako Biko-Teka topaketetan partu hartu zuten bi egileek elkarrekin, eta hau da batera sortu duten lehen lana.

2004an sortu ziren Etxepare sariak, Nafarroako hainbat erakunderen elkarlanarekin, baina hainbat moldaketa izan dituzte deialdiak urteen joan-etorrian. Haurrentzako zein helduentzako literatura saritu zuten lehen bi urteetan, baina haurrentzako album ilustratuak sortzeko beka bihurtu zen 2006an. Egileek sortu nahi zuten album proiektuak aurkezten zituzten deialdira orduan, eta haietako zein lagundu erabakitzen zuen epaimahaiak. 2009az geroztik, ordea, berriz ere sari bilakatu, eta amaitutako proiektuak aurkeztu behar izaten dituzte deialdira egileek.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Udaletako eta Eusko Jaurlaritzako ordezkariak, Zumarragan bilduta. ©/ Ordiziako Udala

Ordiziako fokuan 35 pertsona kutsatu dira oraingoz, eta alkateak «autokonfinatzeko» eskatu du

Irati Urdalleta Lete - Jon Ordoñez Garmendia

Beste hemeretzi positibo daudela jakinarazi du Osasun Sailak, eta dagoeneko mila PCR baino gehiagoren emaitzak jaso dituzte. Alkateak "kutsatze komunitario bat" dagoela esan du.Murgak baztertu egin du konfinamendua ezartzea, baita joan-etorriak mugatzea ere. Itxi zituzten Haka, Miami eta Kebab tabernetako zerbitzariek negatibo eman dute. Biharko azoka bertan behera utzi du Udalak, eta kiroldegia, jolas parkeak eta liburutegia itxi ditu.

Jair Bolsonaro. ©Joedson Alves / EFE

Bolsonarok positibo eman du COVID-19an

Oihane Puertas Ramirez

«Bikain» dagoela adierazi du Brasilgo presidenteak. Hura izan da COVID-19aren eragina ukatu izan duten agintarietako bat, eta horrek ekarri du Brasil herrialde kutsatuenetako bat izatea.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna