Errusia

Herritarren %77,92k egin dute Putinen agintaldia luzatzearen alde

Konstituzioaren erreformak sei urteko bi agintaldiko muga ezartzen du presidentearentzat. Putinek, berez, 2024an amaituko luke berea, baina erreformarekin beste bi egin ahalko lituzke.

Konstituzioa erreformatzearen aurkako manifestazio bat Moskun. FERNANDO SALCINES, EFE
arantxa elizegi egilegor
2020ko uztailaren 2a
12:17
Entzun

Ez da ezustekorik izan, eta Errusiako herritarren gehiengoak babestu du Vladimir Putin presidenteak bultzatutako Konstituzioaren erreforma. Boto guztiak zenbatuta, herritarren %77,92k egin dute erreformaren alde, eta %21,27k, aurka.

Aldaketen arabera, presidenteak sei urteko bi agintaldi egin ditzake, gehienez. Putini 2024an amaituko litzaioke bigarren agintaldia, baina, erreformari esker, beste bi egin ahalko lituzke, eta estatuburu karguan jarraitu 2026ra arte.

Konstituzioaren erreforma, halere, ez da herrialdeko estatuburuaren agintaldira mugatu, neurri sorta horrekin aldaketa hauek sustatu nahi baitituzte: besteak beste, Errusiaren lurraldearen ezein parte ezingo zaiola beste herrialde bati eman —Krimeari eta Errusia ekialdeko Kuril uharteei begira egin da—; konstituzioan jainkoaren figurari erreferentzia egitea; errusiera herrialdeko hizkuntza ofiziala dela jasotzea; ezkontza «gizon baten eta emakume baten arteko bat egitera» mugatzea; eta Errusiako Federazioa Sobietar Errepublika Sozialisten Batasunaren (SESB) ondorengoa dela finkatzea.

Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.