Albistea entzun

ZIENTZIA

Dinosauro espezie ezezagun bat aurkitu dute Ingalaterran

Vectaerovenator inopinatus espeziea aurkitu dute, duela 115 milioi urte existitu zena. Tyrannosaurus rex hartzen duen dinosauro talde berean sailkatu dute.

'Vectaerovenator inopinatus' dinosaro bat.
'Vectaerovenator inopinatus' dinosaro bat. Trudie Wilson Tamaina handiagoan ikusi

Oihane Puertas Ramirez -

2020ko abuztuak 13 14:45

Southamptongo Unibertsitateko (Ingalaterra) paleontologo talde batek Vectaerovenator inopinatus espeziea aurkitu du Wight uhartean (Ingalaterra hegoaldean): duela 115 milioi urte bizi izan zen dinosauro bat.

Espezie hori lau hezur fosiletatik abiatuta katalogatu dute, Ingalaterrako uhartean aurkitutako hiru aurkikuntza independentetan. Hezurrak ez dituzte paleontologoek aurkitu, uhartera joadako zenbait bisitarik baizik. Paul Farrellek, dinosauroaren arrastoak aurkitu zituztenetako batek, BBC kateari adierazi zion nola aurkitu zuen hezurra: «Hondartzan nenbilen, harriei ostikoak ematen, eta dinosauro hezur bat zirudiena topatu nuen. Benetan harrituta geratu nintzen espezie ezezagun bat izan zitekeela jakitean».


Aurkitu dituzten hezur zatiak eta haien kokapena. SOUTHAMPTONGO UNIBERTSITATEA

Ikertzaileen arabera, Vectaerovenator inopinatus espeziea Kretazeo garaikoa da, eta Tyrannosaurus rex espeziearen dinosauro talde berean sailkatu dute. Dinosauroaren tamainari dagokionez, lau metro ingurukoa izan zitekeela uste dute.

Espezieari jarri dioten izenak zerikusia du hezurretan airez beteta atzeman dituzten tarte zabaleekin. Ezaugarri horrek, gainera, dinosauroa  Theropoda motakoa dela zehazten lagundu die ikertzaileei —dinosauro sauriskioak sailkatzeko azpiordena; hezur hutsak eta hiru hatz funtzionaleko gorputz adarrak ditu. Chris Baker Southamptongo Unibertsitateko paleontologoak adierazi duenez, «Kretazeo erdialdeko Theropoda dinosauroen erregistroa ez da oso ona Europan; beraz, benetan kitzikagarria izan da garai horretako espezieen aniztasunari buruzko ezagutza handitzea».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Irizpidea duzulako. Giroan zabiltzalako.

Zuk badakizulako.

Albiste gehiago

Dulantzi ibaiko ubidea (Araba). ©JAIZKI FONTANEDA / FOKU

Ubideak, animalientzako etsai

Amaia Ramirez de Okariz Kortabarria

Hainbat animalia ubideetara erori eta atera ezinik gelditzen dira; Dulantzi ibaiko ubidean, esaterako. Herritarrek eta ekologistek kasuok salatu dituzte, eta gaia Arabako Fiskaltzara ere iritsi da. Gasteizko Udal Uren esku dago ubidea, eta azaldu dute «irtenbide egokiak» bilatzen dabiltzala.

<em>Teknopolis</em> saioko lantaldea atzo Mondragon Unibertsitatean egindako aurkezpenean, Arrasaten. ©ELHUYAR

Asteburuan hasiko da 'Teknopolis', koronabirusaz haragoko gaiekin

Ainhoa Larretxea Agirre

Zientzia eta teknologia lantzen dituen dibulgazio saioak 24. denboraldia du

 ©MONIKA DEL VALLE / FOKU

«Lan hau berrespen bat da: gauzarik txikienak izan daitezke bitxienak»

Amaia Ramirez de Okariz Kortabarria

Erabaki arrazional bat hartu ordez, intuizioari jarraitzeko hautua egin zuen Apodakak, eta horrela osatu du bihar Laudion aurkeztuko duen erakusketa: 'Toys'. Harribitxiekin osatutako daga bereziak egin ditu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Egin BERRIAlaguna

Irizpidea duzulako. Giroan zabiltzalako.

Zuk badakizulako.

Egin BERRIAlaguna