Industria burua altxatu ezinda dago oraindik ere

Udako hilabetean hazkunde oso txikia izan du, eta %16,2 da urte hasieratik pilatutako galera.

Autogintzako lantegi bat, itxita
Autogintzako lantegi bat, itxita Idoia Zabaleta (Foku) Tamaina handiagoan ikusi

Jokin Sagarzazu -

2020ko urriak 6

Industria sektorearen jarduera murriztu egin da (-%0,8) uztailetik abuztura Araban, Bizkaian eta Gipuzkoan, eta iazko mailatik oso behera dago: %14,5. 2020ko hasieratik abuztura pilatutako galera, berriz, %16,2 izan da.

Eustatek ezagutarazitako datuen arabera, oraindik ere sektore guztiak daude zenbaki gorrietan. Abuztua opor aldia izan ohi da industria askotan, baina, 2019ko abuztuko datuekin alderatuta, aldea nabarmena da. Ekipamendu ondasunen sektoreak ibilgailu motordunen, tren makinen eta materialen, aireontzien eta itsasontzien fabrikazioa biltzen ditu, eta alor horretako produkzio indizea %4,4 txikiagoa da. Ekainetik uztailera, %3,3 hazi zen, baina berriz egin du behera, eta urteko bilakaera pilatua -%6,4 da.

Iazko abuztuan baino %12,1 murritzagoa izan da jarduera bitarteko ondasunetan —metalurgia, industria kimikoa, kautxuzko eta plastikozko produktuak—. Uztailetik abuztura, hori bai, %0,1 hazi zen. Energia sektorea ere 2019ko abuztutik oso azpitik ibili da (-%21,8), baina hilabetean %0,8 hazi da.

Bizkaian okerren

Atzerakada lurralde guztietan gertatu da, baina nabarmen txikiagoa izan da Gipuzkoan: -%4,9 jaitsiera (aurreko hilean -%10,4 izan zen). Bizkaiko lantegietan jo du gogorren pandemiak, eta abuztuan han nabaritu da gehien: beherakada % 21,4 izan da, hilabete lehenago %14,7 izan zen. Araban, hileko atzerakada hobea izan da (-% 13,3), baina uztaileko datuekin alderatuta ere okerrera egin du (-%9,5).

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

. ©OXFORD UNIVERSITY / JOHN CAIRNS

BERRIKUNTZAN ZAHARRAK BERRI

Jokin Sagarzazu

Enpresek eta instituzioek uzkur jarraitzen dute I+Gan inbertitzeko orduan: Hego Euskal Herrian eta Europako herrialde gehienetan ez dituzte bete duela hamar urte zehaztutako helburuak, eta baliteke oraingo krisi ekonomikoaren eraginez beste alor batzuetan jartzea ahaleginak eta lehentasunak.

Bilboko portuko zamaketaren manifestazioa, Santurtziko kaleetan barrena. ©GOYODOCKER

Espainiako Lan Ministerioak «bide orri proposamena» egingo du Bilboko portuko gatazka konpontzeko

Imanol Magro Eizmendi

Bilbo Estibaren ustez arbitraje loteslea da auzia konpontzeko modu bakarra, eta zamaketariek asteazkenean erabakiko dute greba luzatu al ala ez

 ©BERRIA
Janet Yellen, Erreserba Federaleko buru zela. ©MICHAEL REYNOLDS / EFE

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna