Albistea entzun

Larry King irrati esatari eta telebista aurkezlea hil da

Los Angeleseko Cedar Sinai Medical Center ospitalean zendu da, 87 urterekin. 'Larry King Night' gaueko irrati saioak egin zuen ezagun.

Larry King telebista aurkezle eta irrati esataria
Larry King telebista aurkezle eta irrati esataria Tamaina handiagoan ikusi

Uxue Gutierrez Lorenzo -

2021eko urtarrilak 23

Larry King telebista aurkezle estatubatuarra hil da, 87 urterekin. Los Angelesko ospitalean zendu da gaur eguerdian. King Gabonetan ingresatu zuten Cedars Sinai Medical Center ospitalean, koronabirusarekin. Halere, heriotzat zerk eragin zion ezezaguna da oraingoz. Ora Media, Kingek sorturiko kateak eman du heriotzaren berri, aurkezlearen Twitter kontuaren argitaratu duten ohar baten bidez. «Larryren talentu paregabe eta esatari senaren erakusgarri dira 63 urtetan zehar egindako elkarrizketa mordoa, jasotako sariak eta mundu mailako aitortza».

Telebista eta irrati aurkezle bezala bide luzea egina zuen Kingek, eta elkarrizketak egiteko zuen moduak egin zuen ezagun: labur eta zuzen aritzen zen King elkarrizketatuekin; uste zuen galdera laburren bidez lortzen direla erantzun egokienak.1985etik 2010era bitarte CNN katean aurkeztu zuen Larry King Night gaueko irrati saioak egin zuen bereziki ezagun.

New Yorken jaio zen, eta bost urte besterik ez zituela, garbi zuen irrati esatari jardun nahi zuela. Floridara lekualdatu zen 1955.urtean eta Miamiko irrati baten hasi zen esatari, lan txikiak egiten. Jaiotzez, Lawrence Harvey Zeiger du izena Kingek, eta hain zuzen, Miamiko irratian lanean ari zela zuzendariak esan zion Zeiger abizenaren partez King esan zezala, ahoskatzeko errazagoa zela eta.

Irratitik telebistara

Miamin urratutako bidean aurrera egin zuen Kingek Mutual Broadcasting System irrati katean 1978. urtetik aurrera. Orduan hasi zen sona handikoa izan zen The Larry King Show saioa grabatzen. Irratian gauez eskaintzen zen telefono dei bidezko programa bat izan zen. 1985. urtean hasi zen kamera aurreko elkarrizketen ofizioan murgiltzen. 2010. urtera arte Larry King Live elkarrizketa saioa gidatu zuen CNN telebista katean; eta ondoren, 2012tik 2020ra bitarte, Larry King Now saioa gidatu zuen Hulun eta RT American.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Hiru kazetari, Bizkaiko irrati batean lanean. ©MONIKA DEL VALLE / FOKU

Profil digitalak garai berrietan

Urtzi Urkizu

EHUk 'EAEko kazetarien profil digitalak eta audientziekiko elkarrizketa' liburua plazaratu du. Ondorioztatu dute kazetariak prestakuntza jasotzen ari direla gaitasun digitaletan.

 ©GUILLAUME FAUVEAU

«Dantzari esker banaiz»

Ainize Madariaga

Dantzaren zirimolak oinak harrapatu zizkion lehenik, eta josteko makinak gero. Biekin, eta euskal dantza tradizionalaren kodeak errespetatuz, ase ezinezko sormen lana egin du berrogei urtez. Saritu berri dute.
NUPeko antzerki taldeko kideak, Iruñeko Kondestablearen jauregian, hilketa bat antzezten. ©JAGOBA MANTEROLA / FOKU

Lau hilketa Iruñean

Iker Tubia

Nafar idazleen nobeletatik ateratako lau istorio antzeztu dituzte NUPeko antzerki taldeko kideek, Iruñea Beltza jaialdiaren azken egunean. Ikusleak batetik bestera ibili dira.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.