Azkar bete du Realak Willian Josek utzitako hutsunea. Azken egunetan batean eta bestean entzuten zena ofizial egin du taldeak, eta Carlos Fernandez Sevillatik Donostiara iritsi da. Txuri-urdinek jakinarazi dutenez, 24 urteko aurrelariak 2026. urtera arteko kontratua sinatu du taldearekin.
Sevillaren harrobiko jokalaria da, eta 2013-2014 denboraldian egin zuen debuta lehen taldearekin. Andaluziako taldean ez ezik, Deportivon eta Granadan ere aritu da azken bi denboraldietan. Lehenarekin (bigarren mailan), hamar gol sartu zituen; Granadan (lehen mailan), berriz, hamahiru. Denboraldi honetan, ez du ia jokatzeko aukerarik izan Sevillan: zazpi partida jokatu ditu; denera, 194 minutu.
🌟 Kalitatea.
— Real Sociedad Fútbol (@RealSociedadEUS) January 24, 2021
🌟 Gosea.
🌟 Txuri-urdina.
🎥 Carlos Fernandez ezagutu!#CarlosTxuriUrdin#AurreraReala
