Albistea entzun

Istiluak Ertzaintzarekin Barakaldoko ITP Aero Castingsen

Hegazkingintza enpresa horretan 87 langile kaleratu dituzte gaur, eta beharginak protesta egin dute. Ertzaintza oldartu egin zaie, ordea, eta hainbat lagun zauritu dira; tartean, sudurra hautsi diote CCOO sindikatuko ordezkari bati.

Irune Lasa-Aitor Biain -

2021eko otsailak 1

Egun garratza dute gaur ITP Aero Castingsen (garai bateko PCB). Iritsi da 83 langile kalean utziko dituzten eguna, enplegu erregulazio baten ondorioz. Hegazkingintza krisi betean dagoela, Sestako eta Barakaldoko fabriken jabeak, Rolls Roycek, salgai jarri du enpresa, eta langileak gutxitzea erabaki du.

Egoera salatzeko, langileek harresia egin dute gaur goizean Barakaldoko lantegiaren atarian, eta istiluak piztu dira haien eta Ertzaintzaren artean. Langile batzordeak gogor gaitzetsi du Poliziaren jarrera, eta adierazi du dozena bat lagun zauritu direla. Tartean, esaterako, sudurra hautsi diote CCOO sindikatuko Euskadiko industria arloko arduradunari, Javi Gomezi. Sindikatuak Ertzaintzaren jarrera «bortitza» salatu du ohar bidez, eta adierazi du azalpenak eskatuko dizkiola Josu Erkoreka Eusko Jaurlaritzako Segurtasun sailburuari. Auzitara joko du gertatutakoa salatzeko, gainera.

Segurtasun sailak iragarri du, hain zuzen, Ertzaintzak barne ikerketa bat jarri duela martxan gertatutakoa ikertzeko.

Hasieran, 136 behargin kaleratzea zuen asmoa ITP Aero Castingesko zuzendaritzak, baina langile batzordeak ez zuen onartu. Azkenean, enplegu erregulazioaren negoziazioan akordiorik lortu gabe etorri dira kaleratzeak: 83 guztira. Beste zazpi langileren kasuak ere mahai gainean ditu zuzendaritzak, eta, horiek kaleratu edo ez erabakitzeko, martxoaren 31 arteko epea dauka, batzordeak jakinarazi duenez.

Egora ikusita, batzordeak bilera bat eskatu dio zuzendaritzari, asteazkenerako, gatazkaren konponbidea «negoziazioa» dela argudiatuta: «Elkarrizketan sinesten dugu», adierazi dute. «Konfrontazioa saihestu behar dugu, eta lanpostuak eta enpresaren etorkizuna bermatuko dituzten topaguneak prestatu».

Langileen ordezkariek auzitara eraman dute lan erregulazioa, eta hainbat mobilizazio egin dituzte azken asteetan, grebak barne. Eusko Jaurlaritzaren bitartekaritza ere eskatu zuten, baina ostiralean egitekoa zuten bilkura bertan behera utzi zuen Ekonomiaren Garapeneko sailak, lantegien sarreretan piketeek egindako «ekintza biolentoengatik eta mehatxuengatik». Batzordeak «erantzukizun falta» egotzi dio Arantxa Tapia sailburuari, bada.

Aernnovan ere, 82 kaleratze
Aernnovak ere gaur gauzatu ditu Berantivillako lantegian (Araba) iragarritako kaleratzeak: Guztira 82 behargin dira: 55 kaleratze, hamalau erretiro aurreratu eta hamahiru borondatezko. Langileek protesta egin dute goizean, Gasteizen. Kaleratzeen abisuak erre dituzte bertan, eta salatu dute bestelako bideak bazeudela: «Argi eta garbi geratu da enpresak ez duela kontuan hartu batzordeak aurkeztutako alternatiba ez-traumatiko bakar bat ere. Haren ideia bakarra 55 pertsona modu indiskriminatuan kaleratzea baitzen». 450 langile inguru ari dira egun Berantevillako plantan.

Kaleratu dituzten beharginek eskerrak eman dizkiote egun hauetan babesa adierazi dieten herritar eta lankideei, eta borrokan jarraituko dutela gehitu dute.

Urtarrilean bederatzi greba egun egin zituzten, eta, tartean, sei eguneko itxialdia ere egin zuten Los Angeles elizan, kaleratzeen aurka protesta egiteko eta eragile politiko, sozial eta sindikalekin biltzeko. Iragan larunbatean protesta bateratua egin zuten Gasteizen, beste sektore batzuetako langileekin batera.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Aernnovako langileen protesta. Bilboko epaitegien aurrean, duela ia hilabete. ©ARITZ LOIOLA / FOKU

Hegazkingintza, auzitara

Imanol Magro Eizmendi

Sindikatuek Aernnovaren erregulazio espedienteari jarritako hiru helegiteak bat eginda epaituko dituzte gaur EAEko Auzitegi Nagusian. Epaileak 82 kaleratzeak balio gabe utz ditzala nahi dute
Egitasmoa aurkeztu zuten atzo, Azaro Fundazioaren Markina-Xemeinengo azpiegituran. ©BERRIA

Hidrogenoa sortzeko mintz erreaktorea proban dute Markina-Xemeinen

Irune Lasa

Tecnalia, Engie eta Eindhovengo Unibertsitatearen H2site 'start-up'-ak urte bukaeran mintzak fabrikatzeko lantegia zabalduko du Loiun
Markel Olano Gipuzkoako Ahaldun Nagusia. / ©Juan Carlos Ruiz, Foku

Gipuzkoak 95 milioi euroko laguntza plan bat onartu du

Iker Aranburu

Ekonomia indartuz planak 12,5 milioi erabiliko ditu sektore kaltetuen inbertsioak laguntzeko, 25,5 milioi errepideetan, 28,8 milioi zerga neurrietan, eta beste 29 milioi «aurrekontua bermatzeko» .

GESek eraikitako planta fotoboltaiko bat. ©EFE

Beasaingo ur-ponpak, Kaliforniako Santa Barbara hiriarentzat

Xabier Martin

Indar enpresak AEBetara eramango du bere teknologia, gatzgabetzeko azpiegitura bat urez hornitzeko. GESek, berriz, hiru planta fotovoltaiko eraikiko ditu Caceresen

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna