Albistea entzun

Garraiolariek bidesarien dirua itzultzeko eskatuko diote Gipuzkoako Aldundiari

A-1 eta AP-15 autobideetan kamioientzat soilik jarritakoak «diskriminatzaileak» direla ebatzi du Auzitegi Gorenak. Ohartarazi dute bidesarietan «tematzeak» ondorio ekonomiko «larriak» ekarriko dizkiola aldundiari.

Kamioientzako bidesari bat Gipuzkoako errepide batean
Kamioientzako bidesari bat Gipuzkoako errepide batean Juan Carlos Ruiz (Foku) Tamaina handiagoan ikusi

Jokin Sagarzazu -

2021eko martxoak 4

Espainiako Garraio Elkarteen Federazioaren (Fenadismer) ustez, Espainiako Auzitegi Gorenaren epaiaren ostean, Gipuzkoako Foru Aldundiak A-1 eta AP-15 autobideetan kamioei ezarritako bidesarietan kobratutako dirua itzuli beharko die garraiolariei; elkartearen kalkuluen arabera, 15 milioi euro.

Erreklamazioa aurkezteko deia egin die kaltetutako «milaka» garraiolariei, eta hori egiteko prozeduraren berri emango die datozen egunetan. Eskatu die 2018ko urtarriletik 2019ko maiatzera bitarte bide horien Gipuzkoako zatietan ordaindutako bidesarien fakturak biltzeko, baita arrazoi horrengatik ezarritako zigorren fakturak ere.

Hiru garraiolarien sindikatuak, berriz, Aldundiari eskatu dio errepide horietako bidesariak kautelaz edo behin-behinean eteteko, eta «legez kanpo» jasotako dirua ofizioz itzultzeko, garraiolariek erreklamaziorik egin behar izan gabe. «Teleordainketa sistema automatikoa da, datu guztiak dituzte, identifikatutako erabiltzaile guztienak, eta ez dago arrazoirik gutxienez lehen araua indarrean egon zen aldian kobratutako bidesariak itzultzeari uko egiteko», gaineratu du.

Jarrera «irrazionala»

Gipuzkoako A-15 eta N-1 errepideetan kamioilariei jarritako bidesariak arautzen zituen lehen foru araua bertan behera utzi zuen asteazkenean Auzitegi Gorenak. Aurretik EAEko Auzitegi Nagusiak ebatzi bezala, Gorenarentzat ere «diskriminatzailea» da bidesaria. Arau hori beste batekin aldatu zuen diputazioak 2018an, eta hori ere, indarrean dagoen arren, Gorenaren zain dago, EAEko Auzitegi Nagusiak atzera bota zuelako. Ebazpena jakin eta gutxira, aldundiak esan zuen bidesariari eutsiko diola.

Fenadismerren ustez, «erabat irrazionala» da jarrera hori, epaitegiak dagoeneko hirutan azaldu direlako aurka. Eta «arduragabekeria politikoa» leporatu dio, horretan «tematzeak» ondorio ekonomiko «larriak» ekarriko dizkielako Gipuzkoako Foru Aldundiari eta, hortaz, lurraldeko herritarren «poltsikoei».p>

Hirurentzat ere «larria» da  foru gobernuaren jarrera. «Ez da bidezkoa epaitegiek behin eta berriro atzera bota duten sistema mantentzea, jakinik, interesak, gainkargak, zigorrak eta zentzurik gabeko gastuak ekarriko dituela, gero denon dirutik ordainduko direnak».

EH Bilduk, berriz, Aintzane Oiarbide Gipuzkoako Bide Azpiegituretako diputatuaren premiazko agerraldia eskatu du Batzar Nagusietan, ebazpenaren eta balizko erreklamazioen ondorioak azal ditzan. Oskar Bordes batzarkideak gogorarazi duenez, diputazioari «ohartarazi» zion bidesariak kobratzeari uzteko, epaiak irmoak izan arte, eta erreklamazioei aurre egin ahal izateko funts bat sortzeko ere eskatu zion. «Baina ez du ezer egin, eta 2021erako aurrekontuetan ere ez dago ezer aurreikusita. Ondorioak gipuzkoar guztiek ordaindu beharko dituzte orain», azpimarratu du.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Amiantoaren biktimen elkarte baten protesta, atzo, Espainiako Kongresuaren aurrean, Madrilen. ©JUAN CARLOS HIDALGO / EFE

Amiantoaren biktimentzako funtsa eratzea onartu du Kongresuak

Xabier Martin

Eusko Legebiltzarraren eskaera azaldu dute hiru legebiltzarkidek, eta Madrilgo ganberak ontzat jo du lege egitasmoa tramitatzea, Voxen abstentzioarekin. Funtsa nola elikatu, hor egongo da lokarria
Aernnovako langileen elkarretaratzea epaitegiaren aurrean. Tubacexekoak eta ITP Castingekoak ere han ziren. ©M.D. V / FOKU

Aernnovako langileek kaleratzeak indargabetzeko itxaropena dute

Imanol Magro Eizmendi

Abokatuak «neurri batean baikor» irten dira epaiketatik. Krisia egiturazkoa dela berretsi du enpresak
Pedro Sanchez Espainiako Gobernuko presidentea, gaur, Madrilen. ©Emilio Naranjo / Efe

EBren funtsei esker «modernizazio aro berri bat» hasiko dela agindu du Sanchezek

Iker Aranburu

Lehen bi urteetan ibilgailu elektrikorako azpiegiturak sortzea izango da Madrilen lehentasuna

Idoia Mendia Lan sailburua astearte honetan egindako agerraldian ©Irekia

Jaurlaritzak eskubide subjektibo gisa aitortuko ditu enplegu politika aktiboak

Jokin Sagarzazu

Langileen formakuntzan oinarrituko du 2030erako enplegu estrategia. Kezka agertu du egungo lan merkatuaren «egiturazko gabeziekin».

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna