Albistea entzun

Merkataritza

Suezko kanala libratzeak «egunak edo asteak» har ditzake

Hondartutako Ever Given kargaontzia berriz flotatzen jartzeak denbora dezente har dezakeela ohartarazi du barkua erreskatatzeko lanetan ari den konpainia batek. Kezka areagotzen ari da, blokeoak merkataritza globalean izan dezakeen eraginagatik.

Ever Given ontziaren gila, Suezko Kanalaren bazterrean hondartuta. Taiwango Evergreen konpainiaren ontzia da, eta Panamako bandera du.
Ever Given ontziaren gila, Suezko Kanalaren bazterrean hondartuta. Taiwango Evergreen konpainiaren ontzia da, eta Panamako bandera du. SUEZ CANAL AUTHORITY / EFE Tamaina handiagoan ikusi

Irune Lasa -

2021eko martxoak 25

Zortzi atoiontzi, bi draga, draga hurrupatzaile bat, hondeamakinak... Eta, hala ere, hutsalak izan dira 220.000 tonako Ever Given itsasontzia flotatzen jartzeko gaur egindako saiakerak. Edukiontziak eramateko munduko itsasontzi handienetakoa denak, harea ekaitz baten ondorioz, bazterra eta hondoa jo zituen joan den astearte goizean Suezko kanalaren hego muturrean. Barkutzarra kanalean zeharka gelditu zen, eta bere 400 metroko luzerarekin nabigazioa erabat oztopatzen du, non eta itsas garraioarentzat oso garrantzitsua den gune batean. Suezko kanaletik igarotzen da munduko merkataritzaren %12.

Erreskate lanetan ari den Boskalis konpainiako buruak Herbehereetako telebista batean emandako elkarrizketaren arabera, kargaontzi erraldoia askatzeko lanek «egunak edo asteak» har ditzakete.

Suezko Kanalaren Agintaritzak ere bezperan baino jarrera etsiagoa erakutsi du gaur, eta nabigazioa «behin-behinean» bertan behera utzi du kanalean. Atzo, hamahiru itsasontzi sartu ziren Suezko kanalera Mediterraneotik, istripuaren lekura iristerako pasabidea irekita egongo zelakoan; baina soilik Laku Handiraino iritsi ziren.

Refinitiv finantza zerbitzuetako konpainiako adituak Financial Timesi adierazi dionez, oraintxe 206 itsasontzitik gora daude pasatzeko zain kanalaren bi aldeetan. Horietatik gehienak edukiontzi garraiatzaileak dira, baina gutxienez hamasei petrolio eta erregai ontzi ere badaude harrapatuta. Egoera luzatzen bada, laster erabaki beharko dute Afrika inguratu ala ez. Haien hornikuntza gutxienez hamar egunez atzeratuko liratekeela esan nahi du horrek.

Erreskate konplexua

Ever Given askatzeko lanetan dabiltzanen itxaropen handiena itsasaldiak dira. Dragek nahikoa hondar eta lur erretiratuz gero, goranzko mareak lagunduko lieke barku erraldoia askatzen. Gerta daiteke, hala ere, ezinbestekoa izatea ontzia arintzea. Horrek esan nahi du erregaia atera beharko litzatekeela ontzitik, eta baita edukiontzietako batzuk deskargatu ere. Baina Suezko kanalaren bazter galdu batean horiek egitea ez da erraza izango, inondik ere.

Zailtasun handiena, dirudienez, Ever Given-en gila askatzea da; kanal bazterrean bost metro sartuta dago, eta hondeamakinak eta dragak han ari dira hondarra atera eta atera, ontzi erraldoiaren branka libratzeko.

 

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Afrika itotzen duen zorra

Iker Aranburu

Mendearen hasieran behera egin ondoren, Afrikaren zorrak gora egin du atzera, interes tasa apalen eta mailegatzaile berrien eskutik. Orain, baina, interesak handitzen ari dira, diru beharrak ez dira desagertu, eta Saharaz hegoaldeko Afrikako herrialdeen erdiek arazoak dituzte zorrari aurre egiteko.
Ibilgailuak, A63 autobidean, artxiboko irudi batean. ©Guillaume Fauveau

Frantziako Gobernuak 100 euroren laguntza emango die autoa lanerako behar dutenei

Iker Aranburu

Abenduaren 31n amaituko da erregaiaren hamar zentimoko deskontu orokorra, eta hortik aurrera langile apalenentzat izango da laguntza. 

Etxebizitzak salmentan eta alokairuan Iruñeko Alde Zaharrean ©Iñigo Uriz (Foku)

Hipoteka izoztu ahalko dute Kutxabankeko bezero «zaurgarrienek»

Jokin Sagarzazu

Finantza erakundeak bat egin du Espainiako Gobernuaren Praktika Onen Kodearekin. Interes tasen igoeragatik, hipotekaren zenbatekoa orain berrikusi behar dutenek batez beste 200 eurotik gorako igoera izango dute hilero.

Macron, atzo, Albaniako hiriburuan. ©Malton Dibra / EFE

Macron: «Fikzioa dira argindar mozketak»

Berria

Argindar mozketei buruzko eztabaida beroa hoztu nahi du Emmanuel Macron Frantziako Errepublikako presidenteak.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.