Albistea entzun

Futbola

Real Madrilek eta Bartzelonak bakarrik eusten diote Superligari

Ingalaterrako sei taldeek atera egin eta gero, Real Madril eta Bartzelona dira aurrera egin nahi duten bakarrak, eta, hala, egitasmoak etorkizun iluna du.

Real Madrilek eta Bartzelonak bakarrik eusten diote Superligari
Real Madrilek eta Bartzelonak bakarrik eusten diote Superligari Tamaina handiagoan ikusi

Ainara Arratibel Gascon -

2021eko apirilak 21

Berrogeita zortzi ordu. Horixe iraun du Superligaren egitasmoak. Igandean eman zuten proiektuaren berri sortzaileek. Atzo Ingalaterrako sei taldeek atzera egin eta gero, ez zaio etorkizun handirik ikusten. Izan ere, Real Madril eta Bartzelona dira atzera egin ez duten bakarrak, Juventusek, Interrek, Milanek eta Atletico Madrilek ere atzera egin baitute.

Gauerdian eman zuten beren erabakiaren berri Ingalaterrako klubek, eta barkamena ere eskatu zieten beren zaleei hartutako erabakigatik. Hortik aurrera etengabeak izan ziren erreakzioak. Superligak berak ohar bat kaleratu zuen. "Gure helburua futbolak eboluzionatzea da, eta gure kirolarentzat baliabideak lortzea. Europako araudia betetzen du, eta Ingalaterrako taldeen erabakiaren atzean jaso dituzten presioak daude". Horrekin batera ondorengoa gehitu zuen. "Hemendik aurrera emango ditugun urratsak berrikusiko ditugu, aurrera atera dadin".

Alksander Ceferin UEFAko presidenteak Ingalaterrako taldeek hartutako erabakia txalotu.du gaur bertan. "Atzo esan nuen akats bat onartzea txalogarria da. Atzera egin dute, bueltan dira gurera, eta jakitun naiz asko dutela eskaintzeko, ez bakarrik gure txapelketari, baita ere Europako futbol guztiari. Orain garrantzitsuena da batasuna berreskuratzea eta aurrera egitea". Ceferin hasieratik agertu zen proiektuaren kontra. Harekin batera, Boris Johnson Erresuma Batuko lehen ministroa izan da aurka agertu den beste bat, eta pozik agertu da Ingalaterrako ligako taldeek hartu duten erabakiarekin. "Egokiena da klub eta zaleentzat. Hainbeste maite dugun futbola babesten jarraitu behar dugu".

Italiako hiru taldeek ere goizean atera dituzte oharrak. Bazirudien Juventusek eutsi egingo ziola. Izan ere Andrea Agnelli presidenteak atzo adierazi zuen akordio bat zegoela, eta horri eutsiko ziotela. Baina gaur goizean atzera egin du. "Proiektu sendoa dela uste dugu, bai kirol, lege zein merkataritza ikuspegitik. Baina zail ikusten dugu sortu den moduan aurrera egitea. Horregatik atzera egin dugu, baina lanean segituko du". Antzera mintzatu da Inter. "Une honetan ezinezkoa da aurrera egitea. Baina futbolaren industriak, beste edozein industriak bezala, hobetu eta aurrera egin beharra du, modu jasangarri batean eta zaleengana iritsiz, eta bide horretan jarraituko dugu lanean".

Milanek zaleei erreparatu die oharrean. "Gure asmoa zen zaleei ahalik eta txapelketa onena eskaintzea zen, baina azaldu duten kezka eta aurkako jarrera kontuan hartuta, atzera egitea erabaki dugu. Beharrezkoa ikusi dugu haien ahotsa entzutea". Atletico Madrilek ere hor jarri du fokua. "Gure ustez funtsezkoa da zaleen babesa izatea, eta horregatik erabaki dugu txapelketan izena ez ematea".

 

 

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©JON URBE / FOKU

«Lehia bakar bat ez dugu hasi eta buka ondo jokatu»

Julen Etxeberria

Elezkano II.ak eta Zabaletak txapela irabazi zuten iaz, eta aurten ere bikain hasi ziren, lehen zortzi partidetatik zazpi irabazita. Baina galdu egin dituzte azkeneko biak. Atzelariak dio «konfiantza pixka bat» falta zaiela, baina «ziur» da suspertuko direla.
Portugaleteko emakumezkoen trainerua uretan sartu berritan, igandean herrian bertan jokatu zen traineru jaitsieraren aurretik. ©I. SUAREZ / SAN NIKOLAS ARRAUN ELKARTEA

Portugaletek emakumezkoen trainerua izango du berriz aurten

Aitor Manterola Garate

Portugaletek emakumezkoen trainerua izango du berriz aurten. Etxeko arraunlariz osatuta egongo da ia erabat, eta 2018an hasi zen ametsa beteko dute. Urtebete lehenago lehiatu zen soilik 'Jarrillera'.

Kopuruz antzera, baina soinean kolore berriak dituztela

Kopuruz antzera, baina soinean kolore berriak dituztela

Eñaut Agirrebengoa

Euskal Herriko 42 txirrindulari ariko dira aurten profesionaletan, horietatik hamabi World Tourrean. Movistar bilakatu da eliteko bilgune

«Movistarren, baldintza guztiak betetzen dira ongi eta gustura sentitu nadin»

«Movistarren, baldintza guztiak betetzen dira ongi eta gustura sentitu nadin»

Eñaut Agirrebengoa

Bi urtez Astanan aritu ondoren, denboraldi honetan Movistarren elastikoa jantziko du Aranburuk. Elitean urratsak egiten jarraitu nahi du, arreta klasikoetan jarrita. Printzipioz, ez da lehiatuko Euskal Herriko Itzulian.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.