Albistea entzun

BIHAR BERRIA-N

Festek itxaron egin behar

Pandemiaren datuei so, aurten ere ez da herriko jairik ospatuko. Jai batzordeetako kideekin eta festak hornitzen dituzten enpresekin hitz egin, eta egoera aztertuko du bihar Bizigiro gehigarriak.

Aulkiak prest, Ortuellako jaietako ekitaldi batean. /
Aulkiak prest, Ortuellako jaietako ekitaldi batean. / MASTER SILLA Tamaina handiagoan ikusi

Zihara Jainaga Larrinaga -

2021eko apirilak 23

Pandemiagatik ez balitz, herriko jaien denboraldiak ate joka behar luke. Egoera, baina, bestelakoa da, eta, bigarren urtez, herriko jai gehienak bertan behera gelditzeko arriskuan daude. Egoera honen aurrean, joan den urteko hutsunea berriz ez errepikatzeko nahiarekin, jaiak ordezkatu ditzaketen ekitaldi kulturalak egitea erabaki dute herri askok.

Hala ere, argi dago herri mugimenduaren bihotzik, txosna gunerik, ez dela egongo inongo plazetan. Hala, egoera honek zenbait ondorio dakartza. Zuzenenak antolakuntza lanetan, itzalean, aritzen direnei eragiten diete. Batetik, Jai Batzordeetako kideei, eta bestetik, festak hornitzen dituzten enpresei. Matiena (Bizkaia) eta Txantreako (Nafarroa) Jai Batzordeetako kideek festak bertan behera gelditzea auzoaren bizi izaeraren balizko desagertzearekin lotzen dute. Horregatik erabaki dute geldi egon aurretik ekitaldi kulturalak antolatzea. Festetako hornitzaileek, bestalde, ekitaldi horiei esker aurtengoa trantsiziozko urtea izango delako esperantza daukate. Joan den urte zailaren ostean, argi izpiak ikusten hasi nahi lukete.

Gastronomian, kanpoko zaporeak dakartza Iker Markinez sukaldariak. Xerra asiar ukituarekin nola prestatu daitekeen erakutsiko du. Ardoaren atalean, Huescako (Aragoi, Espainia) Barbenuta herriko upategi baten berri emango du adituak. Pilar Garcia eta Ernest Guaschek 2017. urtean abiatu zuten Bal Minuta proiektua. Oso ekoizpen txikiarekin hasi ziren, baina, egun, eskaintza zabala daukate: zuriak, beltzak, apardunak, gazteak, ehun urtetik gorakoak...

Telesailen atalean, The Handmaid´s Tale telesail ezaguna izango du hizpide Mikel Yarzak. Margaret Atwooden eleberrian oinarritutako telesailak laugarren denboraldia hasiko du, hain zuzen. Azken urteotan lan esanguratsuetako bat bihurtu da, eta denboraldi berria ez da atzean geldituko. Elisabeth Moss aktore protagonistak zuzendu ditu hamar atal berrietako hiru. Nagore Arinek, gainera, Nobody filma dakar zinema sailean. Gau batean, hainbat lapur protagonistaren etxera sartuko dira, eta protagonistak uko egingo dio bera eta bere familiako gainerako kideak defendatzeari, arazoak saihestu nahian. Bob Odenkirk aktoreak egiten du protagonista papera. Thriller bizi bat, ekintza indarkeria zentzugabez beterikoa da lya Naishullerrek zuzendutako filma. Datorren ostiralean estreinatuko dute Hego Euskal Herrian.

Azkenik, Adur rol jokoa ezagutu ahal izango da. Euskal Herriko Erdi Aroan kokatuta dago. Historiako gertaera miresgarriak eta mitologiako pertsonaiak nahasten dira bertan. Parte hartzaile bakoitzak rol bat izango du, eta helburua txandaka hitz eginez guztien artean istorio bat sortzea da. Eneko Andueza Adur rol jokoaren sortzaileak emango ditu xehetasunak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©GORKA RUBIO / FOKU

«Argazkiak badauka benetakoaren zigilua, eta hitzek ez»

Enekoitz Telleria Sarriegi

Argazkilaritza dokumentalean sinisten du Morelesek: «Informazioa edukitzea kontzientzia edukitzea da, eta horrek ekitera eramaten zaitu». 'Urtzearen aztarna' paratu du Donostian, klima aldaketaz ohartarazteko.

 ©JON URBE / ARGAZKI PRESS

Basogintza eredu berri baterantz

Unai Etxenausia

Ez dago «baso perfektua» sortzeko errezeta magikorik, aldakorra baita Euskal Herriko paisaia. Errez kooperatibako kideak eredu berri bat ari dira lantzen eta proposatzen: baso bakoitzak espezie autoktonoak eta genetika ezberdinekoak izan behar dituela diote, «baso irregularrak» bihur daitezen.
Kotoi markak Irizarren autobusetako ehuna erabiliz sortutako jantziak. ©GORKA RUBIO/ FOKU

Moda egiteko beste modu bat

Amaia Jimenez Larrea

'Ekomoda' erakusketa jarri dute Ezkioko Igartubeiti baserri-museoan, maiatz hasierara arte. Autobusetan erabili gabeko ehunekin egindako jantziak daude ikusgai.
Naizen elkartearen aurkezpen eguneko argazkia, Donostiako Antzoki Zaharrean. ©GORKA RUBIO / FOKU

Naizendarren festa

Ane Insausti Barandiaran

Naizen elkarteak Bigarren Hezkuntzarako sortutako ikus-entzunezkoak eta kamiseta berriaren diseinua aurkeztuko ditu gaur, urteroko festan

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.