Albistea entzun

Ekintzailetza suspertuz

Etorkizuneko erronkei erantzuten

BBK Kuna gizarte berrikuntzarako gune bat da, eta garapen iraunkorraren alde diharduten hainbat eragilek parte hartzen dute hartan, etorkizuneko erronkei erantzuteko asmoz.

BBK Kunaren The Future Game programan parte hartu duten gazteen proiektuen aurkezpena.
BBK Kunaren The Future Game programan parte hartu duten gazteen proiektuen aurkezpena. BBK

Gizarte berrikuntzari lotutako gune berri bat da BBK Kuna: aukera ematen du etorkizun iraunkorragoa eraikitzeko irtenbideak sortzeko, baita gizarte eragile guztiak inplikatu eta lankidetzan aritzeko ere. Garapen iraunkorraren alde lanean ari diren hainbat eragilek parte hartzen dute hartan, etorkizuneko erronkei erantzuteko eta Bizkaiko gizarteari irtenbideak eskaintzeko asmoz.

Gune ireki eta eraldatzailea da, herritarren ahalduntzearen bidez gizartean aldaketa positiboak sustatzeko. BBK Kunan, elkarlanean aritzen dira unibertsitateekin, ikerketa zentroekin, erakunde publikoekin, enpresa pribatuekin eta herritarrekin, era transdiziplinarrean. Egitasmo guztietan, Think Tank edo ideia laborategien metodologia erabiltzen da. Parte hartzaile bakoitzak bere ezagutzak eta ideiak azaltzen ditu, gizartearen erronkak aztertzeko eta konponbideak proposatzeko.

Parte hartzeko hainbat modu daude sexu berdintasuna sustatuz eta era inklusiboan: auzoko organo aholku emaile gisa, baina baita ikaskuntza komunitateen, BBK Kuna proiektuen, prestakuntzaren eta gazte komunitateen bidez (The Future Game).

Horrela, aurten BBK Kunaren The Future Game prestakuntza programan parte hartu duten gazteek martxoaren 11n aurkeztu zituzten beren proiektuak: Bizkaiko 30 gaztek mende honetako joera nagusiak aztertu dituzte, ingurunean eragin positiboa izango duten konponbideak bilatzeko. Gainditu behar izan dituzten erronkak Nazio Batuen garapen iraunkorrerako 17 helburuetan oinarrituta daude.

Halaber, BBK Kunak, Cebek Bizkaiko Enpresarien Konfederazioak eta Bizkaiko Foru Aldundiak programa bat abiatu zuten martxoaren 2an, enpresa txiki eta ertainek garapen iraunkorreko xedeak onar ditzaten sustatzeko.

Albiste gehiago

Nerbioiko ur-jauzia Urduñatik hurbil dago. ©URDUÑAKO TURISMO BULEGOA

Urduña, historiaz betetako enklabea

Urduñako udala

Berezko historia dute Urduñako kaleek eta harriek; izan ere, multzo historiko-monumental izendatutako Erdi Aroko hiri egitura osatzen dute. Lurraldetasuna, merkataritza eta zerga sistema ditu hizpide bertoko historiak, narrazio harrigarria osatuz beti.

Mulisko Gaina, Oindi-Mandoegi estazio megalitikoan. ©MIKEL ARRIZABALAGA

Aztarna megalitikoak Urnietatik hurbil

Berria

Urnietatik abiatuta, Oindi eta Mandoegi mendien artean dauden aztarna megalitikoak ezagutzeko txango interesgarri bat egin daiteke.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Berria

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna