Albistea entzun

Enpresak

Frantziako Thales seinaleztapen konpainia erosteko hautagai bat da CAF

Beasaingo konpainia prest legoke 1.600 milioi euroko operazioari aurre egiteko, ekonomia alorreko hainbat hedabidek diotenez.

CAFek Beasainen dituen instalazioak.
CAFek Beasainen dituen instalazioak. BERRIA Tamaina handiagoan ikusi

Xabier Martin -

2021eko maiatzak 20

Trengintzako seinaleztapenaren azpisektorean, Europako liderretako bat bilakatuko luke Beasaingo CAF konpainia Frantziako Thales elektronika konpainiaren trengintzako adarra bereganatzeak. Oso arrain handia da Thales, ordea, eta, sektoreko merkatua aztertzen duen prentsaren arabera, 1.600 milioi euroko operazioa litzateke.  

Alstom, Hitachi eta Wabtec lehiakideak lirateke beste hautagai batzuk Thales erosteko. Iturri horiei jarraikiz, euskal trengileak PwC kontratatu du finantza bazkide bat topatu dezan, betiere Thales operazioa egin ahal izateko. Bazkide hori Tower-Brook funtsa izan daitekeela ere kaleratu du hedabideren batek, baina informazio hori guztia ez da ofiziala, eta CAFek ez du berretsi.

Thales seinaleztapenaren erraldoi bat da, eta 1.700 milioi euroko negozioa kudeatzen du urtero. Alstom merkatuko liderrak Thales erosteko arazoak izan dezake Europako merkatuaren lehiaren agintaritzarekin. Europako Batasunak desinbertsio handiak egitera behartu ditzake konpainia biak, lehia arazoak gainditzeko asmoz, eta aldagai horrek CAFen alde jokatuko luke.

Seinaleztapena trengintzako segurtasunaren ezinbesteko atala da, eta konpainiek inbertsio handiak egin dituzte azken urteetan azpisektore horretan. Mantentze lanak dira negozioaren hauspoa. CAFek sarritan egin du lan Thalesekin proiektu zehatzetan.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Anton Arriola Kutxabankeko lehendakari berria, bankuaren Bilboko egoitza nagusian. ©KUTXABANK

Kutxabankek presidente berria du, baina ez du aldatuko estrategia nagusia

Iker Aranburu

Anton Arriola durangarrak ordezkatu du Gregorio Billalabeitia. Kutxabanken «berezitasunari» eta errotzeari eutsiko diela ziurtatu du presidente berriak
Bezero bat Gasteizko taberna batean, zerbitzaria eta kutxa erregistratzailea parez pare dituela, artxiboko irudi batean. ©RAUL BOGAJO / FOKU

Arabadendak-eko negozioen «ia erdiek» ez dute prest Ticket Bai

Aitor Biain

Fakturazio sistema derrigorrezkoa da guztientzat gaurtik Araban. Aldundiak gogorarazi du «arrazoi teknikoak» egiaztatzen dituztenek aldi baterako salbuespena eska dezaketela
Ertzaintzak eragindako zaurietako batzuk. / ©LAB Ezkerraldea

Ertzaintzak lau grebalari zauritu ditu metalgintzako piketean

Imanol Magro Eizmendi

Arteako Pekos Fabricacion lantegiaren aurrean izan da oldarraldia. Sindikatuek elkarretaratzera deitu dute 17:00etarako, indarkeria gaitzesteko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...