Albistea entzun

COVID ziurtagiri digitala eskuratzeko bidea ireki du Jaurlaritzak

Oraingoz, sinadura elektronikoaren bitartez baizik ezin da eskuratu; bide telematikoa eta aurrez aurrekoa aktibatzeko prozesuan dira. Irizpide berdinak daude Hego Euskal Herri osoan.

Loiuko aireportua hutsik, artxiboko irudi batean.
Loiuko aireportua hutsik, artxiboko irudi batean. Marisol Ramirez/FOKU Tamaina handiagoan ikusi

Uxue Rey Gorraiz -

2021eko ekainak 9 09:59

Administrazio bakoitza bere erritmoan ari da COVID ziurtagiri digitala herritarren esku uzteko bidea zabaltzen. Nafarroak astelehenean jarri zuen martxan agiria jasotzeko prozedura; gaur ailegatu zaio txanda Eusko Jaurlaritzari.

Arabarrek, bizkaitarrek eta gipuzkoarrek gaurtik aurrera dute ziurtagiria deskargatzeko aukera; oraingoz, soilik bertsio digitala dute eskura, eta, Jaurlaritzak emandako argibideen arabera, sinadura elektronikoei loturiko tresnekin egin behar dira urratsak. NAN elektronikoarekin, kasurako. Halaber, zehaztu dute, egunek aurrera egin ahala, beste bide batzuk ere zabalduko dituztela: aurrez aurrekoa, esaterako.

Nafarroako Gobernuak joan den astelehenean aktibatu zuen COVID-19arekiko immunitate egoeraren berri ematen duen ziurtagiria. Hain zuzen ere, Hegoaldeko bi osasun sistemek irizpide berdinak zehaztu dituzte agiriak betetzen dituen funtzioari dagokionez. Hiru ziurtagiri mota lor daitezke: txertaketa ziurtagiria, errekuperazio ziurtagiria eta proba negatiboaren ziurtagiria. Izenek adierazten dutenez, lehenbizikoak adierazten du herritarrak COVID-19aren kontrako txertoa jasoa duen –zehaztua izanen da zenbat dosi hartu diren–. Bigarrenak, gaitza igaro duen. Gaitza pasatu dutenei dagokienez, ziurtagiriak 180 eguneko iraungitze epea izanen du; hortik aurrera, ez du balioko. Gainera, herritarrak erakutsi nahi badu gaitza atzemateko diagnostiko proban emaitza negatiboa izan duela, hauek dira baldintzak: antigeno test bat baldin bada, 48 ordu lehenago egina izan beharko du, gehienez. PCR proba baldin bada, 72 ordukoa izanen da gehienezko epea.

Ziurtagiriak jadanik eskura badaitezke ere, Europako Parlamentuak gaur eman du oniritzia pasaporteari lotua den neurria indarrean sartzeko. Erabaki du uztailaren 1etik aurrera ezarriko dela ofizialki. Hala, ordutik aitzina, ziurtagiria edukitzea giltzarri izanen da Europako Batasuneko herrialdeetara bidaiatzeko. Zenbait kasutan, hura gabe ere posible izanen da bidaiatzea, baina nabarmen gehiago izanen dira mugak; bidaiariek moldatu egin beharko dute herrialde bakoitzak dituen eskakizunetara.

 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Hizkuntza gutxituen esparruko ehundik gora eragilek sinatu zuten Hizkuntza Eskubideak Bermatzeko Protokoloa, 2016an, Kursaalen. ©ARITZ LOIOLA / FOKU

Sare berriak, eragiteko

Ion Orzaiz

Kontseiluak hizkuntza politikak eraldatzeko bide orria aurkeztuko du bihar. Ehun bat eragilek eta entitatek bat egin dute agirian jasotako helburuekin

Eskoriatzako Arizmendi-Almen ikastolaren eremua ur azpian, 'Goiena.eus'-ek zabalduriko bideo bateko irudian. ©Goiena

Kalte handiak eragin dituzte ekaitzek Euskal Herriko hainbat lekutan

Berria

Debagoienan, Iruñerrian eta Gasteizen hainbat kale eta lokal hartu ditu urak.

Iñigo Urkullu lehendakaria Eusko Legebiltzarrean, artxiboko irudian ©David Aguilar/ Efe

Urkulluk dio «berandu baino lehen» maskararen erabilera arintzeko era egon daitekeela kanpoaldean

Edurne Begiristain

Gaur arratsaldean bilduko da Labiren Aholku Batzordea, eta lehendakariak iragarri du litekeena dela gaueko aisialdia zabaltzeko neurriak hartzea.

Bidaiari bat Rossyko (Frantzia) aireportuan, joan den apirilean. ©IAN LANGSDON / POOL

Txertatuek eta gaitza pasatu dutenek bidaiatzeko muga gutxiago izatea proposatu du ECDCk

Uxue Rey Gorraiz

Europako zentroak iradoki du txertoaren pauta osatua dutenek edo azken 180 egunetan gaitza izan dutenek ez dutela zertan PCR probarik edo berrogeialdirik egin.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.