Albistea entzun

Elkartasuna

Goierri Eskolakoek bukatu dute Senegalera bidaltzeko bizikleta

Aziz Ndaye gazte senegaldarrarentzat egin dute bizikleta egokitua. Gazteak elbarritasun bat du, eta hamar kilometrora dauka eskola. Bizikletari esker, goi mailako ikasketak egin ahal izango ditu

Goierri Eskolako eta Kellesensa GKEko kideak, bizikleta egokituarekin
Goierri Eskolako eta Kellesensa GKEko kideak, bizikleta egokituarekin Goierri Eskola Tamaina handiagoan ikusi

Ane Insausti Barandiaran -

2021eko ekainak 11

Esku baten gainean, pikotxean mugitzen da Aziz Ndaye 18 urteko mutil senegaldarra, hanketan malformazio bat baitu. Mugitzeko gaitasuna baduen arren, ez du nahikoa indar zutik jartzeko. Gurpildun triziklo bat erabiltzen du gaur egun hamar kilometrora duen eskolara joateko, baina txiki eta zaharkitua geratu zaio. Horregatik, Kellensesa GKE gobernuz kanpoko erakundeak eta Ordiziako Goierri Eskolak (Gipuzkoa) elkarlanean, bizikleta egokitu bat eraiki dute Ndayerentzat. Bihar bidaliko dute bizikleta Senegalgo Kelle herrira.

Erakundeko kideek Kelle herrira egindako bisita batean ezagutu zuten Ndaye, eta, bizikleta egiteko ideia buruan zutenez, Goierri Eskolako zuzendaritzari proposatu zioten. Hamabi ikaslek parte hartu dute proiektuan, eta kate bat izan da prozesua. Lehenik, Administrazioa eta Finantzak zikloko ikasleek proiektuaren bideragarritasun plana egin dute, eta hainbat erakunde eta enpresarekin harremanetan jarri dira finantzaketa lortzeko. Poltsak, maskarak eta ilerako zintak ere saldu dituzte. Ondoren, Fabrikazio Mekanikoko Diseinuko ziklokoek atalez atal diseinatu dute gaztearen beharretara egokituko den bizikleta; eta, azkenik, Soldadura eta Galdaragintzako ikasleek eraiki dute.

Ikasketetan ez ezik, aisialdian ere lagunduko dio bizikleta berriak Ndayeri, Kellensesa GKEko Jose Martinek azaldu duenez: “Inguru haietan, kalera irten eta bizilagunekin elkartuta berriketan aritzea da aisialdirako aukera bakarra. Beraz, bizikleta berriak sozializatzeko aukera ere emango dio”. Bizikleta egokituaz gain, ordenagailuak, medikuntza materiala eta bizikleta gehiago bidaliko ditu erakundeak, beste haur batzuk ere eskolara joan daitezen.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

 ©BERRIA

«Musika asko maite dut, eta musika asko ditut nire baitan»

Enekoitz Telleria Sarriegi

Diskoa ontzen ari da Miren, baina haren abestiek milaka erreprodukzio dituzte jada sare sozialetan. Donostiarraren lo-fi eta hip-hop doinuak goratu dituzte adituek. «Ez dut presarik», esan du hark.
 ©ARITZ LOIOLA / @FOKU

Autoa partekatzea baino gehiago

Enekoitz Telleria Sarriegi

'Car sharing'-a sistema bat da, eta filosofia bat: autoa modu kolektiboan erabili, jabetza erabileraren binomiotik kendu, eta joan-etorriak era zentzudun eta arduratsuan sustatu. Ibilkari ekinbideak urteetako eskarmentua du horretan.

Tessa Andonegi aktorea, <em>Kolpez kolpe</em> saioaren udako atal berezian. ©HAMAIKA

'Kolpez kolpe' berezi batekin hasiko du Hamaikak udako programazioa

Urtzi Urkizu

Udako magazina, dokumentalak eta askotariko musika emankizunak ikusi ahalko dira

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.