Albistea entzun

Burtsa

Arteche «hazteko» gihar bila irten da burtsara

Mungian sustraia duen elektrizitate gailuen enpresak harrera ona izan du: %1,5 igo da akzioen prezioa lehen orduetan. Artetxe familiak haien %52,5 mantenduko du, eta, bide batez, erabaki ahalmena.

Alex Artetxe enpresako zuzendaria, Bilboko burtsako kanpaitxoa astintzen.
Alex Artetxe enpresako zuzendaria, Bilboko burtsako kanpaitxoa astintzen. Luis Tejido Tamaina handiagoan ikusi

Imanol Magro Eizmendi -

2021eko ekainak 11 13:37

Arteche taldeak bere hazkunde prozesua sendotu nahi du, eta burtsara jotzea erabaki du inbertsorte berrien bila. BME Growthen irtetea erabaki du, IBEX 35aren azpian dagoen bigarren merkatuan, enpresa ertain eta txikien burtsa deritzona. Alex Artetxe enpresako presidenteak azaldu duenez, industriaren deskarbonizazio prozesu betean gailu elektrikoen merkatuen gorakada espero da, eta Mungian (Bizkaia) sustraia duen konpainiak indartsu hartu nahi du olatu hori eta horretarako irten da merkatuetara. 40 milioi euro inguru biltzea espero du «modu ordganiko zein inorganikoan» hazteko, alegia, beste enpresa batzuk ere erosiko dituela. Enpresako iturriek asmo hori baieztatu dute.

Artechek transformagailu eta gailu elektrikoak ekoizten ditu, eta iaz 265 milioi euroko fakturazioa lortu zuen. 2.000 langile ditu mundu mailan, horietatik 600 Mungiako eta Gasteizko plantetan. Kapitala bildu nahi duen enpresa batek normalean bi bide izaten ditu: mailegua eskatzea edo burtsara irtetea, eta enpresako buruek bide hori lehenetsi dute azken honetan. Akzioak 3,94 euroan jarri dituzte salgai, eta dagoeneko 90 inbertsore berri lotuta dituzte. Artetxek azaldu duenez, hori bai, ez dago inbertsore berri handirik, «kartera orekatua» da, eta denetarik dago: bankuak, funtsak, beste enpresa batzuk… Akzioek harrera ona izan dute, irten eta berehala %1,5 igo baita haien prezioa, 4 euroraino hain zuzen. 

Egoera ekonomiko onean dagoen enpresa bat burtsara irtetea beti da erakargarria da, baina badu bere arriskua, erabaki ahalmena dibertsifikatu egiten delako. Dena den, ez dirudi kasu honetan hala izango denik: «Erabaki zentroa Euskal Herrian mantenduko dugu, horretarako familiak enpresaren kontrola mantenduko du, gutxi gorabehera akzioen %52,5 mantenduz». Egun jabetzaren %66 du familiak, %24 Damaso Casado enpresariak eta %7 Eusko Jaurlaritzak. Azken bi hauek ez dute haien parte hartzea saltzeko asmorik, ez behintzat epe motzean.

Artechek, izan ere, hordagoa jo du handira. Hurrengo hiru urteetan %8 hazi nahi du urtero, eta jauzi horrek gihar ekonomikoa eskatzen du. Fakturazioaren %35 AEBetan eta Mexikon lortzen du eta merkatu horietan sendotu nahi du. Ikusi beharko da enpresa erosketak han egingo dituen. Iberdrola da bezero handietako bat, eta haren eskutik zabaldu izan da. «Kanpoko bazkideak» erakartzeari ez dio atea itxi Artetxek, «loturak» bilatuz, baina ez da euskal talde elektriko baten aldekoa: «Aukera hori ez dugu aztertu, baina aukera agertuko balitz ez dugu baztertzen».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

SIDERURGIA GORI-GORI DAGO

SIDERURGIA GORI-GORI DAGO

Jokin Sagarzazu

Garai gozoa da Euskal Herriko altzairutegientzat: lan karga handiak dituzte, eta aurreikuspenak onak dira. Altzairuaren prezioa azken urteetako garestiena da. Sektoreak, halere, «mehatxu eta erronka handiei» egin behar die aurre.

Von der Leyen, Biden eta Michel, asteartean, Bruselan. ©OLIVIER HOSLET / EFE
 ©MICHAEL REYNOLDS / EFE
Ezkerraldeko Martxaren une bat, Sestaon. ©Aritz Loiola / Foku

Etorkizun duina Ezkerraldearentzat

Irune Lasa

«Prekarietatean aurka» eta «enplegu eta bizitza baldintza duinak defenditzeko», Ezkerraldeko Martxa egin dute Bizkaiko eskualdean, manifestazioan Sestaotik abiatu eta Portugaleten barrena Santurtzira. Gaurkoa 28. aldia izan da.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.