Albistea entzun

Oporrak Euskal Herrian

Ipar martxa Sakanan barrena

Sakana leku ezin hobea da ipar martxaz gozatzeko. Maila guztietara egokitutako ibilbideak daude bertan, eta naturaz inguratutako paisaia ederrek egonaldi ahaztezina ziurtatzen dute.

Ipar martxa egitea onuragarria da koordinazio eta oreka arazoak dituztenentzat.
Ipar martxa egitea onuragarria da koordinazio eta oreka arazoak dituztenentzat. SAKANAKO MANKOMUNITATEA

Uda garai aparta izan ohi da gauza berriak probatzeko. Sakanan horretarako abagunea eskaintzen dute: ipar martxa nordikoa egiteko ibilbideak. Ipar martxa nordikoa orain dela urte gutxi Mendi Federazioak onartutako kirol modalitate bat da. Bastoiekin egiten da, eta bastoiaren altuera pertsona bakoitzari egokitzen zaio, gorputzaren berezko mugimendua errespetatuta. Horien bidez, bidean aurrera egitean datza, bai eremu lauetan, baita maila ezberdineko desnibeletan ere, adin eta egoera fisikoarengatik diskriminaziorik egin gabe.
Kirol honen oinarria gorputzaren jarrera zuzena mantentzea da, eta, beraz, onuragarria da oreka eta koordinazio arazoak dituztenentzat, baita gaitz anizkoitzak dituztenentzat ere. Horiez gain, mesedegarria da ere kirol asko egiten dutenentzat, desnibelarekin edota desnibelik gabe, karga fisikoa modu eraginkorrean banatzen baitu, eta muskuluen %95 aktibatzen.

Ibilbide zoragarriak

Kirol hau egiteko, bastoi pare bat, teknika zuzena, gozatzeko gogoa eta Sakana (Nafarroa) bezalako leku bat baino ez dira behar. Sakanan dauden ibilbideak zoragarriak dira, maila guztietarakoak, eta haritz, lizar, pago, astigar eta gaztainondoen artean egin daitezkeen bidezidor txundigarriak daude. Bestela, maila handiagoa dutenentzat, Aralar, Beriain, Intsuburu eta Urbasa-Andiako lautadetara ere igo daiteke Sakanatik, eta toki magikoetara ailegatu.
Ibarra osatzen duten 30 herriek bisitariak behar duen guztia daukate: egonaldi eder bat egiteko lasaitasuna, natura, gozamena eta deskonexioa.

 

Albiste gehiago

Eraldaketa digitala. ©OREKA IT

Eraldaketa digitalaz eta desagertu egingo diren enpresez

Oreka IT

Gaur egun ezagutzen dituzun enpresen erdiak baino gehiago ez dira existituko hamar urte barru. Zeintzuek iraungo duten antzemateko gakoak askotarikoak eta lausoak dira, baina badaude argi ikusi daitezkeenak ere, digitalizazioa adibidez.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Sakanako Mankomunitatea

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.