Albistea entzun

Hegoafrika

Hegoafrikan sei lagun atxilotu dituzte protesten bultzatzaile izatea egotzita

Protestak baretzen eta egoera «egonkortzen» ari dela azaldu du Presidentetza ministroak. Beste hiru lagun hil dira, eta 215 dira jada istiluetan hildakoak.

Dozenaka lagun atxilotuta, pasa den astean, Hegoafrikako Pretoria hirian.
Dozenaka lagun atxilotuta, pasa den astean, Hegoafrikako Pretoria hirian. KIM LUDBROOK / EFE Tamaina handiagoan ikusi

Julen Aperribai -

2021eko uztailak 20 10:55

Khumbudzo Ntshavheni Hegoafrikako Presidentetza ministroak atzo jakinarazi zuenez, Poliziak sei lagun atxilotu ditu, Jacob Zuma presidente ohiak bere burua entregatu ondotik izandako protesten sustatzaile direlakoan. Atxilotuetako bat bermea ordainduta aske utzi dutela zehaztu zuen, eta gainerakoei atxiloaldi prebentiboa ezarri dietela. Haietako hiruk jada deklaratu dute. Gainera, Polizia istiluetan parte hartu zutenen atzetik dabilela nabarmendu zuen Ntshavhenik.

Ehunka dira, halaber, istiluekin lotuta deklaratu behar izan dutenak. Gauteng probintziako fiskalburu Phindi Mjonondwaneren arabera, 628 "susmagarri" daude auzipetuta.

Duela astebete piztu ziren protestak KwaZulu-Natal probintzian, Zumaren jaiolekuan. Ekainaren 29an, hamabost hilabeteko kartzela zigorra ezarri zioten presidente ohiari, bederatzi urteko agintaldian (2019-2018) izandako ustezko irregulartasunen inguruan deklaratzeari uko egiteagatik. Besteak beste Thales konpainiari egindako erosketa baten bidez, lau milioi rand (235.000 euro) baino gehiago poltsikoratu izana leporatzen diote. Presidenteak bere burua entregatu zuen arren, haren aldeko ehunka lagun kalera atera ziren, aske utzi zezatela eskatzeko.

Protestak baretzen ari direla nabarmendu zuen Ntshavhenik, eta egoera «egonkorra» dela KwaZulu-Natal probintzian, protesten epizentro nagusian. Hala ere, beste hiru lagun hil direla gehitu zuen. Horrenbestez, 215 dira, guztira, istiluetan hildakoak.

Gauteng probintzia izan da beste gune beroetako bat. Han egoera «guztiz egonkortu» da, ministroaren esanetan. Erantsi zuen istiluen ondorioz itxi egin behar izan zuten negozioek berriz zabaldu ahal izan dutela, horretarako garbiketa eta berreraikitze lanei esker.

Auzi saioa, atzeratuta

Auziarekin loturiko saio bat egitekoak ziren atzo, Pietermaritzburg hiriko auzitegi batean, baina Zumak eta haren abokatuak saioa atzeratzeko eskatu zuten, argudiatuta istiluek gehien jotako hirietako bat dela Pietermaritzburg, eta, hortaz, presidente ohiak «epaiketa justu bat» izateko duen «eskubidea» urratu zitekeela. Fiskaltzak salatu zuen Zumak bide berriak bilatzen ari dela, «desesperatuki», bere kontrako karguen aurrean erantzutea saihesteko.

Epaileak onartu egin zuen defentsaren eskaria, baina egun batez soilik atzeratu zuen saioa. Hortaz, gaur segituko dute epaiketarekin.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Gizon bat gasolina zerbitzugune batean, autoa betetzen, Peshawarren (Pakistan), artxiboko irudi batean. ©Bilawal Arbab / EFE

Gizonek emakumeek baino %16 gehiago kutsatzen dute

Maddi Iztueta Olano

Kontsumo ohituren eta berotegi gasen isurien lotura aztertu du Annika Carlsson Kanyama ikerlariak. Gizonek emakumeek baino gehiago kutsatzen dutela dio ikerketak.

Tong Ying-kit, iazko uztailean, auto barruan, Segurtasun Legearekin auzipetu zuten epaileengana bidean. ©JEROME FAVRE, EFE

Erruduntzat jo dute Hong Kongeko Segurtasun Legearekin auzipetutako lehenengo herritarra

Gorka Berasategi Otamendi

Kondenatuari «terrorismoa» egotzi diote, eta «sezesioa bultzatzea», motor batekin istiluen kontrako hiru poliziaren artetik igarotzeagatik protesta ikur batekin.

Hitxem Metxixi lehen ministroaren kontrako manifestariak, haren kargugabetzea ospatzen, Tunis hiriburuan. ©STR, EFE

Tunisiako lehen ministroak botere eskualdatze «baketsua» iragarri du

Gorka Berasategi Otamendi

Presidenteak bera kargugabetu izana onartu du Metxitxik. Ennahdha alderdia hauteskundeak aurreratzearen alde agertu da, «autoritarismoa» eragozteko. Protestak eteteko eskatu die gobernuaren aldekoei.

Mikati, Aunekin bildu ostean, atzo. ©WAEL HAMZEH / EFE

Najib Mikati enpresaria izendatu dute Libanoko lehen ministro

Iosu Alberdi

Parlamentuko 118 kideetako 72ren babesa du. Gerra zibiletik jasaniko krisi ekonomiko larrienari aurre egitea izango da haren ardura nagusia

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna