Albistea entzun

Lan gatazkak

Tubacexeko langileek ez dute onartu Jaurlaritzaren eskaintza berria, «enpresari men eginez» aldatu duelakoan

Lan Saila prest dago langile eta zuzendaritzarekin harremanetan jarraitzeko, baina ez dago beste bilerarik deituta.

Tubacexeko langileen protesta ekintza bat enpresak Derion duen egoitzaren aurrean.
Tubacexeko langileen protesta ekintza bat enpresak Derion duen egoitzaren aurrean. Aiaraldea Tamaina handiagoan ikusi

Imanol Magro Eizmendi -

2021eko irailak 23

Tubacexeko langile batzordeak ez du onartu Eusko Jaurlaritzak gaurko bilerara eramaniko eskaintza. Sindikatuek salatu dutenez, Lan Sailak aldatu egin du iragan asteleheneko bilerara eramaniko proposamena. Aldaketa horien barnean leudeke, betiere batzordearen arabera, aurten kaleratze behartuak egotearen eta doikuntza ekonomikoak egitearen aukera. Batzordearen ustez, Jaurlaritzak «men egin» die enpresaren presioei. Langileek 225. greba eguna dute.

Tubacexeko zuzendaritzaren, langile batzordearen (ELA, CCOO, STAT, LAB eta ATAL) eta Lan Sailaren arteko bileren arteko giro ona hautsi egin da. Iragan astean egoera azaltzeko bi bilera egin zituzten, eta astelehenean Jaurlaritzak sintesi eskaintza bat eraman zuen mahai gainera langileen ordezkariek eta zuzendaritzak azter zezaten. Proposamenen artean zeuden, besteak beste: langileek greba uztea, enpresak EAEko Auzitegi Nagusiaren ebazpenari jarritako helegitea kentzea, borondatezko kaleratzeak egotea bakarrik, 2022-2024 hirurtekorako lan hitzarmen berria sinatzea... Langileen ordezkariek begi onez ikusi zuten, baina jakiteko zegoen enpresak zer jarrera izango zuen. Gaur, berriz, sindikatuaren arabera, Jaurlaritzaren proposamena aldatu egin da, eta, besteak beste, kaleratzeen aukera mantendu du.

Lan Sailak, bere aldetik, «diskrezioa» ezinbestekoa dela nabarmendu du ohar bidez, eta ez ditu baloratu nahi izan enpresa eta zuzendaritzaren jarrerak, lehen eskaintzaren inguruan haiek eginiko «interpretazioak», ezta ere azken hiru egunetan sarturiko «elementuak». Sailak gatazkarentzako konponbide adostu bat aurkitzeko borondatearekin jarraitzen du, baina gaur-gaurkoz ez dago datarik bilera berrietarako. Harremanak asko mikaztu direla dirudi.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Nadia Calviño Espainiako Ekonomia ministroa eta Paolo Gentiloni Europako Batzordeko Ekonomia komisarioa, atzo, Madrilen. ©KIKO HUESCA / EFE

PSOEk ez du aldatu nahi itunen lehentasuna, lan erreforma berrian

Xabier Martin

Diaz Lan ministroak dio enpresa ituna sektorekoaren gainetik utzi nahi duela PSOEk, eta horrek prekaritatea betikotzen duela. Espainiako liberalismoa bultzaka ari da azaleko erreforma baten alde

Banaketa berriaren helburuetako bat da lurralde kohesioa bultzatzea, despopulazioaren arazoa gero eta handiago baita. Adibidez, Pirinioetan. Irudian, Otsagabia. ©Iñigo Uriz / Foku

Finantzaketa aldatuta, Nafarroako udalen artean 272 milioi banatuko dira 2022an

Berria

PSNk, Geroa Baik, EH Bilduk, Ahal Dugu-k eta Ezkerrak ituna lortu dute udalen arteko desberdintasunak handitzen zituen eredua moldatzeko. EH Bilduk azpimarratu du «positiboa» dela eta aurrekontuen akordioa lortzeko bidea errazten duela

Bizkaiko autoeskoletako langileek udan eginiko manifestazioetako bat. ©Miguel Toña / EFE

Bizkaiko autoeskoletako langileek ez dute baztertu greba mugagabea

Imanol Magro Eizmendi

Astebeteko lanuztea hasi dute, eta «erantzun zabala» izan du, deitzaileen arabera

Lavandeira Jr. / EFE ©Yolanda Diaz Espainiako lan ministroa.

Lan erreformarekin zer egin nahi duen «argitzeko» eskatu dio Diazek Espainiako Gobernuari

Imanol Magro Eizmendi

Kontraesanezko adierazpenak egitea egotzi dio, eta onartu du gobernu koalizioa «une korapilatsu» batean dagoela

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.