Tubacexeko enpresa batzordeak ostiralean zuzendaritzarekin lotutako akordioa sinatu du gaur 14:00etan, eta langileek amaitutzat eman dute 236 egun iraun duen greba; bihar goizeko lan txandan hasiko dira berriro lanean. Azkenean, hamahirutik zortzi boto izan ditu alde akordioak, ELAkoek eta CCOOek ez ezik, sindikatu independenteko kideak ere sinatu baitu. ELAk eta CCOOk ostiralean egin zuten euren batzarretan hitzarmenerako oinarriaren alde. CCOOk Amurrioko eta Laudioko langile guztien artean bozkatzea eskatu zuen, baina ez dute hala egin azkenean.
236. Hori da azken zenbakia. Tubacexeko langileek 236. greba eguna dute gaur, azkena. Eguerdian sinatuko dute lan gatazkari amaiera emango dion akordioa. Laudioko lantegiaren aurrean, momentuz, eguneroko piketearekin jarraitzen dute. @berriapic.twitter.com/MT4eHdjpQv
— Aitor Biain (@Aitorbi) October 4, 2021
Eusko Jaurlaritzaren bitartekaritzarekin iragan astean lortu zen akordioa, eta, ostiralean, batzordean ordezkaritza duten sindikatuetako langileek haren inguruan bozkatu zuten. Foro horietan, berrehundik gora eguneko greba bukarazten duen akordioa berretsi egin zen, nahiz eta STAT eta LABeko afiliatuak kontra azaldu.
ð;ÂÂÂÂÂÂ;Â;ŸÂ”ÂÂÂÂÂÂÂÂÂÂŽZehaztasunaren alde, mahai gainean zegoena ez zen asanblada, bozketa baizik. #tubacexhttps://t.co/E4aRhbDWoz
— Imanol Magro (@Imagreto) October 4, 2021
CCOOren afiliatuek, aurreakordioa berretsi arren, nahi zuten haren inguruan langile guztiek bozkatzea, baina gaur goizean egindako bileran, enpresa batzordeko beste sindikatuek ez dute hori onartu. CCOOk adierazi du zuzendaritzarekin hitzartutako proposamena babesten duela, afiliazioaren aldeko jarrera duelako eta «gatazkari irteera traumatikorik gabeko irtenbidea» ematen diolako.
