«Kaixo literalki guztioi». @Twitter kontuak horrela agurtu zuen bart sare soziala ia kolapsatzen ari zen erabiltzaile olatua. Ez da gauza erraza izango sare sozial baten kontu instituzionalean idaztea, eta are gutxiago han idatzitako mezu bat biral egitea. Atzo, ordea, ondo baliatu zuen unea kontu hori daramanak. Izan ere, 3.000 milioi erabiltzailek arazoak izan zituzten atzo 17:30etik gauerdira arte Facebook, Instagram eta Whatsapp erabiltzean, eta horrek nabarmen areagotu zuen Twitterreko erabiltzaile trafikoa.
Gerra komertzialak XXI. mendean pic.twitter.com/QEM8cicnp6
— Mikel P. Ansa (@peruarenaansa) October 5, 2021
Milaka erabiltzaile sakelakoarekin zer egin ez zekitela utzi zituen ia hegemonikoak diren sare sozial horien konexio galerak, eta beste batzuk normalean erabili ohi ez dituzten sare sozialetara eraman zituen. Esan bezala, erabiltzaileen trafikoa nabarmen areagotu zen Twitterren, baina ez han bakarrik: besteak beste, Telegramera jo zuten askok elkar komunikatu ahal izateko. Batek baino gehiagok kuadrillako taldea ere sortu zuen bart mezularitza zerbitzu horretan.
BERRIAren Telegram kanalak ere baliatu zuen unea bere buruari kantxa emateko: «Whatsapp moztuko didate, Facebook kenduko didate, Instagram itzaliko didate, baina nire Telegrameko kanalak iraunen du zutik», idatzi zuten bart han, Gabriel Arestiren Nire aitaren etxea poema baliatuz.
Twitterreko erabiltzaile askok ere umorez hartu zuten egoera, eta eztabaida sortu zen alternatiba gisa erabil zitezkeen aplikazioen inguruan. Marina Landak, adibidez, Telegramera pasatzeko erregutu zien bere lagunei, baina proposatu zituzten alternatiba gehiago ere. Adibidez, Tinder.
Pasa Telegramera, mesedez! Okerrena da ezin diedala hau nire lagun frikiei bidali! https://t.co/ToTZjjBKLr
— Marina Landa (@marinalanda_) October 4, 2021
Zuen informaziorako: tinder ez da erori 🤷ðŸ¾â™€ï¸ÂÂÂÂÂÂÂ
— Eñaut Gracia (@Sindikal_ero) October 4, 2021
Dirudienez, izan zen mezularitza zerbitzuei uko egin eta beste sistema batzuk lehenetsi zituen jendea ere. Twitterren trending topic izatera heldu zen Bizum dirua bidaltzeko aplikazioa erabiltzeko aukera. Garesti aterako zitzaien batzuei...
Jendea Bizum erabiltzen ari da mezularitza aplikazio bazala #WhatsApp, #instagram eta #Facebook erori direlako? pic.twitter.com/llyaKwPnQ3
— Asier Garaialde #NiEreJaizkibelekin (@agara) October 4, 2021
Bestalde, BERRIAk Telegramen egin bezala, izan zen Twitterreko trafikoaren gorakada publizitatea egiteko baliatu zuenik ere. Tartean, etenaldirik izan ez zuen Egunean Behin aplikazioa.
Wasap, Feisbuk, Insta... guztiz jausita. Egunean Behin zutik, jokatu gaurkoa lasai oraindilk pendiente duzuenok pic.twitter.com/yPEUJHaxtn
— Egunean Behin (@eguneanbehin) October 4, 2021
Denok Twitterren gaudenez, aprobetxatuko dut besteetan igo ezin dudana hemen igotzen.
— Maite (@txatxala) October 4, 2021
😉#barkapic.twitter.com/ovPZgnXakL
Beste erabiltzaile batzuek, berriz, gogoan izan zituzten sare sozialen etenaldia igarri ere egin ez zuten pertsonak.
-Arreba: Ze pasa da whatsappekin?
— Gotzon Elizburu Beristain (@gauerdikoeztula) October 4, 2021
-Ni: Jausi ein da
-Ama: Jausi? Nola jausi? Ze hizkera ibiltzen dittuzuen gaurko gaztiak... Jesus! #natiboanalogikoa
Azkenik, Instagrami, Facebooki, eta Whatsappi gertatu bezalako etenaldia desiratu diote batzuek gaur arratsaldean —agian, azkenekoz— bilduko den Labiri ere. Ea amaiera hori sare sozialek izan dutena baino luzeagoa den.
Atzo whatsapp, facebook ta insta eroi zien moun, gaur ia LABI-k funtzionatziaz uzteun. ðŸ™ÂÂÂÂÂÂÂ
— Irati (@uraiertz) October 5, 2021