Atzo eguerdi aldera, Gasteizko Udaltzaingoak emakumezko bat aurkitu zuen karrika batean eserita, negarrez eta urduri. Udalak ohar baten bidez jakinarazi zuenez, emakumeak zauritua zuen aurpegia; ebakia zuen bekainetako bat, eta nabarmen puztua zuen begia. Zaurituak poliziei esan zien bikotekideak eraso egin ziola. Hala, poliziak bikotearen etxebizitzara joan ziren, Gasteizko Alde Zaharrera, eta gizonezkoa atxilotu zuten. 25 urte ditu.
Poliziak emandako datuen arabera, erasoaren berri eman zuten lekuko batzuen adierazpenak ere jaso dituzte. Udaltzaingoaren esanetan, emakumezkoari eraso egitea leporatuta eraman dute atxilo.
