Albistea entzun

Enplegua

Araba, Bizkai eta Gipuzkoako langabezia tasa %8,9ra jaitsi da

2010. urtera egin behar da atzera horren tasa txikia ikusteko. Hirugarren hiruhilekoan15.900 langabe gutxiago daude bigarrenean baino. Okupatuen kopurua handitu egin da, 9.300 pertsonatan.

Zerbitzuen sektorean hasi da gehien okupazioa.
Zerbitzuen sektorean hasi da gehien okupazioa. Gorka Rubio / Foku Tamaina handiagoan ikusi

Irune Lasa -

2021eko urriak 22

Udako hilabeteak eztiak joan dira enplegu datuentzat, eta aspalditik, 2010. urteaz geroztik, ikusi gabeko mailara apaldu dute langabezia tasa. Eustaten arabera, urteko bigarren hiruhilekoan %10,3an zegoen langabezia tasa, eta uztailetik irailera artean %8,9ra jaitsi da. Kontuan izan behar da, hala ere, aktiboen tasak ere behera egin duela hiru hilabeteetan (%56,3tik %55,8ra), eta horrek eragina duela langabezia tasaren apaltzean.

Uztailetik irailera, 15.900 pertsona murriztu da Araba, Bizkai eta Gipuzkoako langabeen zerrenda. Horrela, 92.700 pertsona daude orain langabeen kolektiboan, enplegua bilatzen ari diren, bilaketarako kudeaketa aktiboak egiten dituzten eta, gainera, lan egiteko prestasuna duten pertsonen zerrendan. Horietatik 48.200 dira gizonezkoak (aurreko hiruhilekoan baino 7.400 gutxiago), eta 44.600 emakumeak (-8.400).

Langabezia tasarik txikiena Gipuzkoak du, %7koa (24.100 langaberekin). Araban, tasa %9,2koa da, eta langabeak 14.900. Eta Bizkaian langabezia tasa %9,9ra apaldu da, 53.800 langaberekin.

Eustatek langabeen nazionalitatea ere begiratu du. 92.700 langabeetatik 71.100ek dute nazionalitate espainiarra eta 21.600k atzerritarra.

Okupazioa gora, industrian ezik
Edonola ere, landunen kopuruak igoera esanguratsua izan du hirugarren hiruhilekoan, 9.300 okupatu gehiagorekin; aurreko hiru hilabeteetan zenbatutakoak baino %1 gehiago. Horrekin, okupazio tasak 0,6 puntu egin du gora, %68,3raino. Emakumezkoen jarduera tasa %65,2koa da, eta gizonezkoena %71,4koa.

Biztanleria okupatuak sektore guztietan egin du gora hirugarren hiruhilekoan, industrian izan ezik. Industrian 1.700 landun gutxiago zenbatu dira. Aldiz, zerbitzuen sektorean 8.600 okupatu gehiago daude; eraikuntzan 1.900 gehiago; eta lehen sektorean 400 gehiago.

Hirugarren hiruhilekoan okupazioaren gorakadarik handiena gizonen artean gertatu da: 6.600 okupatu gehiago daude. Emakumeen kasuan, 2.700 okupatu gehiago daude.

Okupazioa Bizkaian hazi da gehien, 5.000 pertsona okupatu gehiagorekin; Araban, 3.000 okupatu gehiago daude; eta Gipuzkoan, 1.400 gehiago daude. Hiriburuetan, Gasteizen 2.800 okupatu gehiago daude, Donostian 2.100 gehiago eta Bilbon 500 gutxiago.

Eustatek neurtu du hirugarren hiruhilekoan erkidegoan 902.200 etxe inguru daudela, eta haietatik, heren batek pertsona aktiborik ez duela, aurreko hiruhilekoan baino 4.500 etxe gehiago; hamar etxetik ia seitan pertsona aktibo guztiak daude okupatuta, aurreko hiruhilekoan baino 7.400 familia gehiago. Eta, aldiz, etxeko pertsona aktibo guztiak langabezian dituzten 33.500 etxe daude, aurreko hiruhilekoan baino 2.400 gutxiago.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Gas likidotua garraiatzen duen ontzi bat, Bilboko portuan ©Luis Tejido/ Efe

Esportazioak %24 ugaritu dira aurten, energiaren krisiak bultzatuta

Jokin Sagarzazu

Pandemia aurreko kopuruetan dago Hego Euskal Herriko kanpo merkataritza, baina inportazioak gehiago hazi dira. Hodien salmenta ere asko handitu da, eta autogintzak eutsi egin dio.

Gasteizko ikuspegia Santa Maria katedraletik. ©Jaizki Fontaneda / Foku

Turismoak pandemia aurreko egoera gainditu du

Julen Otaegi Leonet

Sektoreak %4,2 egin du gora lehen seihilekoan Araban, Bizkaian eta Gipuzkoan, 2019arekin alderatuz gero. Nazioarteko udatiarrak ere gehiago izan dira.

Merkantzietarako ontzi bat, Rhin ibaian, Alemanian. ©RONALD WITTEK / Efe

Euroguneak hazten jarraitzen du, baina motel

Jokin Sagarzazu

Bigarren hiruhilekoan %0,6 handitu da BPGa. Alemaniak sortzen du kezkarik handiena, hango ekonomia ez baita hazi.

Altzairutegiak ere larri dabiltza ekoizpenari eusteko. Irudian, labe garai bat Duisburgen, Alemanian. ©FRIEDEMANN VOGEL /  EFE

Energia garestiak ekoizpena geldiaraziko du Europako bi galdategitan

Irune Lasa

Herbehereetako zink fundizio batek iragarri du irailean itzaliko dituela labeak. Eslovakiako Slovalco aluminio galdategiak gaur esan du produkzioa etengo duela. Energiaren erabileran oso intentsiboak diren lantegiak larri dabiltza Europan.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...