Albistea entzun

Euskara

Ikas daiteke euskara astebetean? Bi ingelesek proba egin dute

Bi youtuber gaztek astebeteko bidaia egin dute Euskal Herrian, herritarrekin hitz eginda euskara ikasteko, eta bideo batean kontatu dute.

Bideotik ateratako irudi bat.
Bideotik ateratako irudi bat. Ollie and Sebastian Tamaina handiagoan ikusi

Edu Lartzanguren -

2021eko urriak 22

«Zoraldi batean, pentsatu genuen ideia ona litzatekeela hizkuntza bat ikastea astebetean». Hala aurkeztu dute erronka Ollie eta Sebastian youtuber ingelesek. Zein aukeratu, eta euskara. Euskal Herrian zazpi egunetan eginiko bidaia kontatu dute bideo baten bidez. Hizkuntzaren inguruko hausnarketa egiten dute, eta egunez egun egiten duten aurrerapena entzun daiteke.

«Euskara altxor bat da, milaka urtez iraun duena eta batez ere gazteen artean bizi-bizi dabilena», adierazi dute. «Ohore bat izan da ikastea, eta espero dugu jende gehiagok gauza bera egitea». Batez ere bidaien inguruko bideoak egiten dituzte, abentura puntu batekin.

Urriaren 15ean, Europako hizkuntzarik zaharrena zazpi egunetan ikasten saiatu gara izenburuko bideoa argitaratu zuten. Horretan erakusten dute besteak beste Gasteizen, Donostian, Bergaran eta Bilbon eginiko bidaia, eta bertakoekin euskaraz hitz eginikoa.

Egunez eguneko eboluzioa erakusten dute. Kaixo hitza besterik ez zuten ezagutzen, eta, jendeari galdetuta, beste berbak eta esamoldeak ikasiz joango dira. Tabernetan, jaietan eta, oro har, kalean jendeari galdetuta eta haiekin hitz eginda ikasiko dute.

Noski, ondorio argia atera dute: «Ezinezkoa da zazpi egunetan euskara ikastea». Adierazi dute hori ez zela euren helburua. «Baina, ikasi dugun gutxiarekin, erosoago sentitzen gara euskaraz hitz egiten, formalki hainbat urtez ikasten aritu garen gaztelaniaz baino».

Euskaldunekin edukitako harremanei esker, eta haiekin komunikatzeko premiak bultzatuta, oinarria jarri dutela esan dute, «orain ondo ikasteko».

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

 ©JAIZKI FONTANEDA/ FOKU

«Ez da gaztetxearen inguruko film soil bat»

Amaia Jimenez Larrea

'Mari. Isilik nahi gaituztenan' Oñatiko Antixena gaztetxearen hamargarren urteurrenaren harira sortutako film bat da, fikziozkoa. Datorren astean estreinatuko da, Oñatin eta Durangoko Azokan.
Hilabete honetan bi aldiz agertu da Belharra, Donibane Lohizune parean. Europako uhinik handiena da. Matt Etxebarne ageri da argazkian, foil taula <em>hegalaria</em> lagun. ©AXEROMUSIC

Belharra: hogei urteko mugarria

Ainize Madariga

Hogei urte bete dira Donibane Lohizuneko Belharra uhin erraldoiaren gainean surf egin zutela lehen aldikoz. Axi Muniainek arraunean ere igan zuen lehentze, 2013. urtean. Gero eta haboro dira ausartzen direnak orain: Matt Etxebarne da haietako bat. Baina denek oroitarazi dute lanjer handia.

 ©MARISOL RAMIREZ / FOKU

«Hemengo irrati batzuk hasiak dira jolasten adimen artifizialarekin»

Urtzi Urkizu

Adimen artifizialarekin narrazioak sortu, eta horiek 'Zero eta bat' podcastera eramaten ditu Erezumak. Gaur sareratuko du hirugarren atala. «Esperimentatzen jarraituko dut».

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.