Albistea entzun

Argindarra

LABek salatu du EAJk «lotsagabeki defendatzen dituela» enpresa elektrikoak

Iberdrolaren «xantaia» agerikoa dela uste du sindikatu abertzaleak, «eta baita euskal patronalaren lankidetza ere» estrategia horren alde

Ignacio Sanchez Galan Iberdrolako burua Unai Rementeria Bizkaiko diputatu nagusiarekin, aurreko eguneko ekitaldi batean.
Ignacio Sanchez Galan Iberdrolako burua Unai Rementeria Bizkaiko diputatu nagusiarekin, aurreko eguneko ekitaldi batean. LUIS TEJIDO / EFE Tamaina handiagoan ikusi

Xabier Martin -

2021eko urriak 22 17:00

Iberdrola eta oro har oligopolio elektrikoa egiten ari diren «xantaia» salatu du LABek, eta uste du Confebask xantaia horren aldeko «lankidetzan» dabilela. Gainera, ozen esan du EAJk konpainia elektrikoen interesak «lotsagabeki» defendatzen dituela. «Energia sektorearen jabetza eta kontrol publiko eta soziala hartzea urgentea eta estrategikoa da», esan du ohar batean.

LABek gogorarazi du Iberdrolak 3.610,7 milioi euroko irabaziak izan zituela 2020. urtean. «Urtero etekin ekonomiko izugarriak dituen oligopolio elektrikoak hartutako jarrera oldarkorrak eta beren inbertsioak mugatzeko mehatxuak argi adierazten du lapur banda horrek duen botereari muga jarri behar zaiola». LABek dio trantsizio energetikoa ezin dela konpainia horien esku utzi, «Next Generation funtsekin egin nahi duten bezala». Sindikatuak uste du «bertako patronala» jokoan sartu dela auzian, eta egoera baliatu nahi duela. «Sidenor gelditzeko erabakia lotsagabekeria hutsa da. 2016tik 103,6 milioi euro banatu ditu bere bazkideen artean, eta sinetsarazi nahi digu fabrika etetea besterik ezin duela egin?».

Erantzuna: greba orokorra

Konpainia elektrikoek, patronalak eta enpresa jakin batek hartu duten estrategia gogor salatu eta gero, EAJri begira jarri da LAB: «Beste behin ere, patronala non, EAJ hor», esan du; «argindarraren prezioaren inguruan zerbait esan duenean, enpresa handi horien alde egiteko izan da. Beste behin langileok ordaindu beharko dugu putre hauen diru gose aseezina?».

LABen ustez, egoerari erantzuteko garaia da, «hemen eta orain». «Langileoi dagokiguna eskuratzeko unea da. 2008ko krisitik atera gabe, pandemiaren ondorioak gure bizkarrean jarri nahi dituzte: argindarra, gasolina eta oinarrizko ondasunen prezioa gora doa, eta oro har langileon bizi baldintzak okertzen ari dira, gutxi batzuen poltsikoak betetzen jarraitzeko». Horregatik, sindikatu abertzaleak uste du langileek arrazoiak «sobera» dituztela greba orokorrerako.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

ELAk hauteskunde sindikaletarako prestatu duen kanpainaren aurzkezpena. ©Berria

Sindikatuek ordezkarien erdiak izango dituzte jokoan hurrengo hilabeteetan

Imanol Magro Eizmendi

ELAk %36ko ordezkaritza du Hego Euskal Herrian, eta kopuru hori hobetzeko asmoz aurkeztuko da hauteskunde sindikaletara. Ordezkarien %47 berrituko dira urritik ekainera arteko tartean.

Nord Stream 1 gasbidea, Alemanian sartzen den puntuetak batean ©STEFAN SAUER (Efe)

Berlinek eta Moskuk «sabotajetzat» jo dituzte Nord Streameko isuriak

Jokin Sagarzazu

Gertakariak ez du eraginik izango Europarako gas horniduran, gaur egun bi gasbideak zerbitzuz kanpo baitaude. Zer gertatu den ikertzen ari dira.

Macron, Sant Nazaerko parke eolikoaren inaugurazioan. ©STEPHANE MAHE / EFE

Parisek arindu egin nahi du berriztagarrien tramitazioa

Iker Aranburu

Auzoekiko atzerapena murrizte aldera, proiektu eolikoak eta fotovoltaikoak moteltzen dituzten tramiteak eta auzibideak laburtzeko lege proiektua egin du Frantziako Gobernuak

Metalgitzako langile bat jardun betean. ©Marisol Ramirez / FOKU

Metalgintzako negoziazioak: Nafarroan akordioa gertuago dago; Bizkaian, urrun

Imanol Magro Eizmendi

Nafarroako metalgintzako patronalak UGTren eta CCOOren eskaintzak aztertuko ditu. Bizkaikoak, berriz, ez du aldatu lan ituna berritzeko eginiko azken eskaintza.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...