Albistea entzun

Atletico Madril 2-2 Reala

Lidergoari eutsi dio Realak

Neurketa ikusgarria jokatu dute bi taldeek. 0-2 aurreratu dira txuri-urdinak, baina sufritu egin dute azkenerako. Sorloth eta Isak izan dira golegileak.

Realeko jokalariak Madrilen, gaur, Isaken gola ospatzen, Realaren bigarrena.
Realeko jokalariak Madrilen, gaur, Isaken gola ospatzen, Realaren bigarrena. Mariscal / EFE Tamaina handiagoan ikusi

Paulo Ostolaza -

2021eko urriak 24

Gozatuz hasi, sufrituz bukatu. Hori izan liteke Realak gaur Madrilen jokatu duen neurketaren laburpenik onena. Imanol Alguacilen taldea bolada ezin hobean iritsi da iazko Ligako txapeldunaren zelaira —denera hamabi partida jarraian daramatza galdu gabe—, eta ez du eten gaur. Emaitza ona da berdinketa, eta sailkapeneko lehen postuan jarraitzen du Realak.

Neurketa nola joan den ikusita, ordea, denetariko interpretazioak egin daitezke. Luis Suarezek, neurketaren ostean, esan du bi puntuk ihes egin dietela, baina gauza bera esan du Mikel Merinok ere. Lehen ordubetean, hiru puntuak poltsikoan izan dituzte donostiarrek, baina Atleticoren bigarren golaren ostean gertuago izan du porrota garaipena baino. Bere zelaian sartuta aritu da Reala amaieran.

Hastapenean, etxekoak harritu ditu Alguacilek hamaikakoak —hori ere aitortu du Suarezek—. Bost atzelari zelairatu ditu, eta bi aurrelari: Sorloth eta Isak. Apustua ezin hobeto atera zaio; lehen zati bikaina egin du Realak, sendoa, Atleticori aukerarik eman gabe.

Goian egin dute presioa, baloiak berreskuratu dituzte zelai erdian, eta horietako batean heldu zaie saria, zazpigarren minutuan: Silvak lapurtu du baloia, Merinori utzi dio, hark zuzenean Isaki, eta hark lehen ukituan Sorlothi. Norvegiarrak bikain amaitu du jokaldia Oblaken aurrean, eta txuri-urdinekin lehen aldiz ospatu du bere gol bat.

Hortik atsedenaldira arte, izan da aukera bat edo beste, baina Realak nahi zuen tokian izan du neurketa. Liderraren sendotasuna erakutsi du.

Aldaketa

Bigarren zatia hasi bezain pronto sartu du bigarrena Isakek, faltaz. Gol bikaina suediarrarena. Orduan hasi dira arazoak; Merinok deitoratu duen moduan, ordura arte izan duen ausardia falta izan zaio Realari azken ordu erdian, eta erruz ordaindu du.

Ezer askorik egin gabe, erdiraketa batean, Suarezek sartu du lehenengoa, buruz, 61. minutuan. Ordu laurden geroago bigarrena, penaltiz. Eztabaidagarria izan da Merinok Suarezi berari egin dion penaltia, baina VARaren eta epailearen artean adierazteko modukoa zela erabaki dute.

Ordutik amaierara arte, aldaketa asko, Reala atzean sartuta, eta sufritzera. Esan bezala, ona da puntua, eta Atleticok berak (18 puntu), Real Madrilek (20) eta Sevillak (20) neurketa bat gutxiago jokatu duten arren, donostiarrek sailkapenaren buruan segitzen dute, 21 punturekin.

Atletico Madril: Oblak; Trippier, Monteiro, Hermoso (Cunha, 72'), Lodi (Kondogbia, 57'); Koke, De Paul (Correa, 57'), Lemar (Carrasco, 45'); Joao Felix, Griezmann (Herrera, 72') eta Luis Suarez.

Reala: Remiro; Le Normand, Zubeldia, Aritz, Gorosabel, Zaldua (Turrientes, 63'); Gebara (Januzaj, 87'), Merino, Silva (Pacheco, 62'); Sorloth (Lobete, 88') eta Isak (Portu, 63').

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©MONIKA DEL VALLE / FOKU

«Talde ona daukagu, eta goiko postuetan egongo gara»

Haritz Gallastegi

Indartsu hasi du sasoia Sancetek. Valverdek konfiantza eman dio, eta erdilari nafarrak joko onarekin eta golekin erantzun du. Athleticen oraina eta etorkizuna da. Ardurak hartzeko prest da.
Asier Nieto Bidasoako jokalaria, jaurtitzen, atzo, Artalekun. ©JON URBE / FOKU

Bidasoak garaipen handia lortu du Kolstaden aurka

Berria

Irungo taldeak hiru golen aldeaz irabazi du (30-27), eta Europako Ligan aurrera egiteko itxaropenari eusten dio
 ©BERRIA

Txapela buruan, nekerik ez

Julen Etxeberria

Binakako euskal pentatloian egin bezala, banakoan ere nagusitu dira Nerea Arruti eta Andoni Iruretagoiena 'Izeta VI.a'. Biek azaldu dute «oso gogor» lan egin dutela azken hilabeteetan, eta «oso pozik» daudela lan horrek «saria» izan duelako.
 ©AMAIA LARRUZEA MOTXOBE

«Oraindik, behintzat, ez dut erretiratzeko asmorik»

Unai Ugartemendia

Mendi lasterketetako korrikalaririk maiteenetakoa eta beteranoenetakoa da Euskal Herrian Sarrionandia. Parte hartzen duen proba guztietan oraindik ere espero bezala aritzen da: ondo. Azkenaldian omenaldiz omenaldi dabil. «Eskertuta» hartu ditu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Irakurleen babesa ezinbestekoa da kazetaritza independente eta konprometitua egiten jarraitzeko.