Albistea entzun

Iker Vicentek aizkorakadaka suntsituko du La Fura dels Baus konpainiaren itsasontzia

Kataluniako konpainiak ikuskizunak egiteko itsasontzi berri bat du, eta zaharra gaur agurtuko dute, Barakaldoko (Bizkaia) Dina ontziolan.

Naumon itsasontzia, portuan.
Naumon itsasontzia, portuan. La Fura dels Baus Tamaina handiagoan ikusi

Paulo Ostolaza -

2021eko urriak 26 18:42

Ez da gehiago uretaratuko Naumon itsasontzia. Kataluniako La Fura dels Baus antzerki konpainiak duela hamar urte erabili zuen ontzi hori bere ikuskizun abangoardistak aurkezteko, eta gaur agurtuko du. Zehazki, haren amaiera irudikatuko du konpainiak, eta ez oso modu gozoan gainera: Iker Vicente aizkolari nafarrak hartuko du parte ikuskizunean, ontziaren zati bat aizkorakadaka suntsituz.

La Fura del Baus 1992ko Bartzelonako Olinpiar Jokoetan egin zen ospetsu bereziki. Irekiera ekitaldian hartu zuten parte; Montjuiceko estadio olinpikoa mediterraneo bilakatu zuten, eta mundu osoan ikusi zen zeharkaldi bat irudikatu zuten han.

Hamabi urte geroago erosi zuten Naumon itsasontzia, 2004an. Kangaontzi norvegiar hori mediterraneora eraman zuten, eta dozenaka portutan erabili zuten hainbat motatako ikuskizunak egiteko.

Orain, ordea, gutxiago kutsatzen duen itsasontzi baten ordez aldatuko du konpainiak NaumonNaumon Berria deituko diote—, eta hori irudikatuko dute gaur Barakaldoko (Bizkaia) Dina ontziolan, 17:00etan. Carlus Padrissa La Fura dels Bauseko sormen zuzendariak sortu du ikuskizuna, eta amaieran iritsiko da Vicenteren txanda: enbor batzuk moztu ostean, itsasontziaren zati bat aizkorarekin suntsituko du.

Iker Vicente, iazko abenduan, Bilbon egin zen Sherpa.ai txapelketa nagusian

Vicente ez da edozein aizkolari. Euskal Herriko txapelduna da, eta ez hori bakarrik; azken urteetan argi erakutsi izan du aizkoraren mundua berritu eta formatu berriak esploratzeko nahia, eta, besteak beste, Sherpa Ai txapelketa nagusiaren sustatzaileetako bat da.

'Naumon Berria', jasangarria

La Fura del Bausen asmoa da itsasontzi-antzoki berria hori baino gehiago izatea: dibulgaziorako zentroa izango da, nagusiki jasangarritasunean eta itsasoen zaintzan oinarritua. 250 metro karratu baino gehiagoko agertokia izango da Naumon Berria-ren kanpoaldea, baina ikuskizun txikiagoak egiteko gelak ere izango ditu barnealdean.

Gainera, esperimentuak egiteko erabiliko dute; adibidez, erregai kontsumoa murriztuko duen motor elektriko bat izango du, baita altzairuzko haize oihal bat ere. Padrissak hala azaldu du egitasmoa: «Naumon Berria metafora bat da, munduaren itsasontzia dela irudikatzen duena, non guztiak batera goazen eta norabide berean arraun egin behar dugun».

Gainera, Juan Sebastian Elkanoren lehen mundu biraren 500. urteurrena dela eta, hura ospatzeko ere baliatu nahi dute itsasontzi berria.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Arturo Campion euskaltegiaren 50. urteurrenaren besta, atzo. ©IÑIGO URIZ / FOKU

Beste hamaika istorio bizitzear

Yasmine Khris

IKA Iruñeko Arturo Campion euskaltegiaren 50. urteurrena kari, egun osoko besta egin dute. «Etxea» aurkitu zutela gogoratzera joan dira ikasle berriak, ikasle ohiak eta irakasleak.
 ©MONIKA DEL VALLE / FOKU

«Albokari izaera mitologikoa eman zaio: benetan, jotzea ez da hain gaitza»

Amaia Igartua Aristondo

Kantuak entzuten, eta partitura irakurtezinek lagunduta: hala ikasi du alboka jotzen Koteronek. Autodidakta izan da: tresnaren inguruan ezer gutxi egon denez, sortuz joan behar izan du, beste batzuekin batera. Filosofia irakaslea da ogibidez.
Paul Verhoeven zinemagilearen <em>Benedetta</em> filma (2021) euskarazko azpidatziekin ikus daiteke Movistar Plusen. ©BERRIA

Movistar Plusen 148 film azpidatzi zituzten euskaraz 2021. urtean

Urtzi Urkizu

Iaz, 31 telesailetako 279 atalen euskarazko azpidatziak jarri zituen plataformak. Konpainiak 2014an hasi zuen akordioa Jaurlaritzarekin

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...