Albistea entzun

Funtzio publikoa

Enplegu publikoak finkatzeko eskatu du ELAk

Langile publikoak mobilizazioetan dabiltza gaur Hegoaldeko hiriburuetan. Euskal alderdiei dei egin diete, boto erabakigarria dutelako Madrilen.

Gaur Bilbon, Eusko Jaurlaritzaren egoitzan egindako elkarretaratzea.
Gaur Bilbon, Eusko Jaurlaritzaren egoitzan egindako elkarretaratzea. Jaizki Fontaneda / Foku Tamaina handiagoan ikusi

Irune Lasa -

2021eko urriak 26

2022ko Aurrekontuen Legea eta Iceta legea onartze bidean daudela, ELA sindikatuaren iritziz une hau erabakigarria da Hego Euskal Herriko 70.000 langile publikoentzat, lege horiek zuzenean eragiten dietelako lanpostu publikoei. Testuinguru horretan, ELAk nahi du langile publikoen erreposizio tasak ez erabakitzea Madrilen, eta lanpostuak finkatzeko prozesu bermatzaileak abian jartzea, postu horiek behin-behinean betetzen aritu diren langileentzat. Sindikatuaren ustez, neurri horiek ez daude bermatuta, eta «Euskal Herriko erakunde eta alderdi politikoek izango dute azken hitza, euren botoa beharrezkoa baita Espainiako Kongresuan legeek aurrera egin dezaten».

Enplegu publikoaren finkatze hori eskatzeko, ELAk deituta, langile publikoek protestak egin dituzte gaur. Goizean, Bilbon eta Donostian, Eusko Jaurlaritzaren egoitzetan izan dira, atarian aurrena eta barruan gero, tarte batez. Gasteizen ere berdin egin dute, Osakidetzaren egoitzan eta udaletxean. Arratsaldean, Nafarroako Parlamentuaren aurrean egingo dute elkarretaratzea, ESK, Steilas eta ATPTNrekin batera.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Mercedesen Gasteizko lantegia, artxiboko irudi batean. ©Adrian Ruiz de Hierro / EFE

Mercedesen lantegia itxita egongo da urteko azken bi asteetan

Iker Aranburu

Erdiaeroaleen eskasiaren ondorioz, abenduaren 17a izango da urteko azken laneguna.

Mitxel Lakuntza ELAko idazkari nagusia. ©ENDIKA PORTILLO / FOKU

Lakuntzarentzat, «ulertezina» da LABek uko egitea greba orokorrari

Xabier Martin

ELAko idazkari nagusi Mitxel Lakuntzak ez du ulertzen LABek grebaren inguruan iragarritakoa, «EAJ eta EH Bildu estu hartu behar direnean». 

Europaren hauspoaren zain

Europaren hauspoaren zain

Jokin Sagarzazu

Eusko Jaurlaritzak eta Nafarroako Gobernuak ikerketara eta garapenera bideratutako diru laguntzak igo dituzte azkenengo urteetan eta datorrenerako, eta enpresei dei egin diete ahalegin berezia egitera. COVID-19aren krisiak eragindako ondorioek eta ziurgabetasunek moteldu dituzte inbertsioak.

Telefono bat Europako Parlamentuan. ©PATRICK SEEGER / EFE

Roaminga ordaindu gabe jarraituko dute Batasuneko herritarrek 2032ra arte

Xabier Martin

Europako Batasuneko beste herrialderen batean oporretan, ikasten edo negozio bidaian daudenek etxean ordaintzen duten tarifa bera ordaintzen dute egindako deiengatik eta erabilitako datuengatik, roaminga indargabetu zenetik, 2017ko ekainean.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.