Zozketatu dira Espainiako Kopako lehen kanporaketako neurketak. Atzo, Injerto eta Hernani atarikoan kanpoan geratu eta gero, eta Espainiako Superkopa jokatzeagatik Athletic lehen bi kanporaketetatik salbuetsita geratu eta gero, 11 ziren zozketan zeuden Euskal Herriko taldeak, eta hauek dira egokitu zaizkien aurkariak:
Panaderia Pulido San Mateo-Reala
Leioa-Elx
Unami-Alaves
San Agustin de Guadalix-Osasuna
Peña Sport-Malaga
Europa-Amorebieta
Gernika-Eibar
San Juan-San Sebastian de los Reyes
Bergantiños-Tudelano
Palencia Cristo Atletico-Real Union
Gernikak eta Eibarrek derbia jokatuko dute. Realari zozketan zegoen talderik ezezagunenetakoa egokitu zaio: Panaderia Pulido San Mateo Kanaria Handietako taldea, RFEF 2 mailan jokatzen duena. Alavesen aurkari Unami, berriz, Segoviakoa da, eta preferente mailan jokatzen du. Maila berean jokatzen du Osasunaren aurkariak: San Agustin de Gudalaixek. Madrilgoa da taldea. Kanporaketak azaroaren 30etik abenduaren 2ra jokatuko dira. Ordutegiak zehazteko daude.