Albistea entzun

Ezkurdia-Tolosa 7-22 Elezkano II.a-Zabaleta

Erakustaldia emanez hasi dira txapeldunak

Ezkurdia eta Tolosa baino gehiago direla erakutsi dute Elezkanok eta Zabaletak Binakako Txapelketako lehen jardunaldian. 7-7tik 7-22raino heldu dira.

Elezkano, gaur,  Ezkurdiaren pilotakada jaso berritan.
Elezkano, gaur, Ezkurdiaren pilotakada jaso berritan. Aritz Loiola / Foku Tamaina handiagoan ikusi

Berria -

2021eko azaroak 21 09:43

Lehengo lepotik burua. Denbora igaro ez balitz bezala. Iazko Binakako Txapelketako bikoterik onena izan zen Elezkano II.ak eta Zabaletak osatzen dutena, eta berdin hasi dute aurtengoa ere. Mungian (Bizkaia) jokatu dute lehen jardunaldian, Ezkurdia-Tolosaren aurka, eta aise irabazi dute.

Hasieran ez zirudien erraz jarriko zietenik: ondo aritu dira Ezkurdia eta Tolosa, eta zirraragarriak izan dira lehen tantoak. 5-7 aurretik zihoazela, pilotakada bat hartu du aurpegian Elezkanok, odoletan hasi da, eta minutu batzuetan norgehiagoka gelditu behar izan dute. Pilotakadak, kalte egin beharrean, mesede egin dio, ordea, aurrelariari. Hortik amaierara, bera izan da protagonista nagusia.

Aldagelatik bueltan, 7-7 berdindu dute Ezkurdiak eta Tolosak. Hor amaitu da partida, irabazleek hurrengo hamabost tanto jarraian egin baitituzte, amaieraraino. Atzeko koadroetan agindu egin du Zabaletak, eta aurrean asmatu egin du Elezkanok.

Dena den, Zabaletak esan du ez dela gustora geratu egindako lanarekin: aitortu du konfiantza falta zaiola oraindik, eta ez dagoela bere onenean. Ikustekoa izango da, orduan, konfiantza hartzen duenean nola jokatuko duen.

Tolosak, berriz, aitortu du ez dela pozik atera, baina gehitu du ez dela hain gaizki sentitu. Esan du emaitzak ez duela erakusten egin duten lana.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Realeko jokalariak Take Kuboren gola ospatzen, gaur, Cadizen (Espainia). ©Roman Rios / EFE

Realak Kuboren gol bati esker irabazi du Cadizen

Paulo Ostolaza

Txuri-urdinek gogor lan egin behar izan dute, baina japoniarrak 24. minutuan sartutako golak balio izan die. Debuta egin dute Brais Mendezek eta Momo Chok ere.

Orioko arraunlariak garaipena ospatzen, atzo, Ondarroan (Bizkaia). ©Aritz Loiola / Foku

Oriok hirugarren aldiz irabazi du Euskotren Liga

Berria

Hamalau ehuneneko eskasegatik irabazi du gaur Castro Urdialesen, eta denboraldiko hamargarren bandera astindu du. 

 ©ARITZ LOIOLA / FOKU

«Denboraldi hau niretzat azkena balitz bezala gozatuko dut»

Pettan Uralde

Hamalaugarren denboraldia du De Marcosek Athleticen, eta egunez egun gozatzeko ideiarekin ekin dio sasoi berriari. Guardiako jokalariak Europan kokatu du taldearen helburua, eta lortuko dutelakoan dago.
Hondarribia garaipen bat ospatzen, artxiboko irudi batean. ©Oskar Matxin Edesa / Foku

Hondarribiak irabazi du Castro Urdialesen, eta sailkapena estutu du

Berria

Pasa den asteburuko kolpeari buelta eman dio Ama Guadalupekoa-k. Urdaibaik bigarren amaitu du, eta ondo eutsi dio lidergoari.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.