Albistea entzun
Emakumeen aurkako indarkeriari ez
Emakumeen aurkako indarkeriari ez
Emakumeen aurkako indarkeriari ez

Monako 2-1 Reala

Azken egunean erabakiko da

Realak galdu egin du Monakon, eta Europa ligan segitzea zaildu zaio, Hamazazpi partida eta gero, punturik bildu gabe geratu da.Txapelketan segitzeko, nahitaez irabazi behar dio PSVri, Anoetan.

Azken egunean erabakiko da
Azken egunean erabakiko da Tamaina handiagoan ikusi

Jon Ander De la Hoz -

2021eko azaroak 25

Realak kale egin du Monakon. Dena oker atera zaio gaizki jardunaldian. Galdu egin du bere partida, eta PSV Eindhovenek irabazi egin du Sturm Grazen aurka. Europa ligan segitzekotan, derrigor irabazi behar du azken jardunaldian. Aukera ona galdu du Louis II.a estadioan. Hiru puntu nahi, eta alerik ez zuen bildu.

Lehen zatian okertu da neurketa. Atsedenaldiko emaitza eta amaierakoa berbera izan da. Hasiera orekatu baten ostean, Realak izan duzuen lehen aukera, baina Adnan Januzajen jaurtiketa espejismo bat izan da. Belgikarraren jaurtiketa indartsuak ez du aterako biderik hartu. Bai, ordea, Monakorenak. Minutu bat geroago lehendabiziko gola egin du Printzerriko taldeak. Zelai erdian baloiaz jabetu, eta hiruzpalau pase nahikoa izan dituzte Matthew Ryanen atera gerturatzeko. Atezain australiarrak jokatu du gaur, eta deus gutxi egin ahal izan du.

Hala, 27. minuturako Realak maldan gora zuen neurketa. Kevin Vollandek egin du gola. Hala ere, txuri-urdinek berehala egin dute suspertzera, eta neurketa orekatzea lortu dute. Januzajek bizitu du bisitarien jokoa. Belgikarra izan da donostiarren jokalari onena lehen zatian. Une onean dago, alai, eta nabari zaio.Lerro arteko pase dotorea eman dio Alexander Isaki, eta aurrelari suediarrak ohiko erraztasunaz sareratu du baloia. 35. minutua zen.

Pozak gutxi iraun die Louis II.a estadiora bildu ziren 1.000tik gora realzaleei. Hiru minutu geroago, Wesley Fofanak 2-1ekoa egin du. Erdiraketa baten ostean area txikian jaso du baloia, eta buruz errematatuz sareratu du. Realak erraztasun asko eman ditu defentsan, eta garesti ordaindu du hori.

Bigarren zatian irauli baten beharrean ziren Imanol Alguacilen jokalariak, eta teknikari oriotarrak bi aldaketa egin ditu. Andoni Gorosabel eta Ander Barrenetxea sartu ditu. Hark, hasieran, indartu egin du Realaren erasoko jokoa. Atera begira jarri dira txuri-urdinak, baina asmatu ezinda aritu dira. Gola behar zuen Realak, eta jokoaren zama bere bizkar hartu du. Halere, Isaken erremate bat salbu, deus gutxi egin dute Monako estutzeko. Etxekoek atzean sartuta igaro dituzte azken minutuak, baina jokoak moteltzera egin dute.

Orduan amaitu ziren Realaren esperantzak. Hamazazpi partidaren ostean, galdu egin dute txuri-urdinek. Europa ligan segitzeko, PSVri irabazi behar dio Anoetan, abenduaren 9an. Erdibideko aukerarik ez du izango.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©RAUL BOGAJO / FOKU

«Betidanik lehenetsi dut Euskal Herrian jokatzea»

Iñaki Berastegi

Brust sasoia amaitu arte ariko da Eibarren, eta uste du «talde bezala» gehiago jokatuz gero badutela aukerarik oraindik ligan. Sant Cugaten zelaian ariko dira gaur (12.00).
2018ko Masters torneoko finaleko partida, Nafarroa Arenako pilotalekua jendez lepo beteta dela, Iruñean. ©IÑIGO URIZ / FOKU

2022ko buruz buruko finala Nafarroa Arenan jokatuko da

Mikel O. Iribar

Maiatzaren 29an izango da partida, 3.000 eserlekuko pilotalekuan. Masters torneoko bi finalerdiak eta finala ere bertan jokatuko dira

Victor Laguardia Alaveseko kapitaina, Sevillaren aurka sartutako gola ospatzen, Sanchez Pizjuanen. ©JOSE MANUEL VIDAL / EFE

Denbora kontua izan da

Eñaut Agirrebengoa

Itxaroten jakin duelako arnasberritu da Alaves, Javi Cabello teknikari laguntzaile ohiaren aburuz. Arabarrek Celta hartuko dute gaur (14:00).

 ©Iñaki Etxeleku - Iparraldeko Hitza

«Goi mailako mutiko taldea bagina, bilatuko zituzten aterabideak»

Iñaki Etxeleku - Iparraldeko Hitza

Baionako ASBko Elite 1 mailako emazte taldeak greba egin zuen duela hiru aste, baliabide falta eta osasunerako arriskua salatzeko. Lespiellek ez du galdu Lapurdin eliteko talde baten ukaiteko itxaropena.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.