Gero eta gertuago sumatzen dira Eguberriak: saltokietako korridoreetako turroiak, hiriburuetako hainbat kaletako gaztaina usaina, jostailu dendetako erakusleihoetako kolore deigarriak, eta, ohi bezala, Eguberrietako argiak. Euskal Herriko hiriburu eta herri gehienetan, azken egunotan piztu edo piztuko dituzte argiak: batzuek piztuak dituzte dagoeneko –Bilbon, adibidez–, eta beste batzuek gaur bertan piztuko dituzte, ostiralarekin –Donostian, Gasteizen eta Iruñean, esaterako–. Badira, halaber, Eguberrietako argiak hurrengo astean piztuko dituzten hiri eta herriak ere –horien artean, Baiona–.
Bilbok Gabonetako argiak piztu ditu! ð;Â;ŸÂŽ„â;Â;ÂÂÂ#Bilbao enciende las luces de #Navidad ð;Â;ŸÂŽ„â;Â;ÂÂÂ#BilbaoGabonak#Gabonakpic.twitter.com/j3S2MJLIkV
— Bilbao Jaiak (@bilbao_jaiak) November 24, 2021
ð;Â;ŸÂÂ’¡ Bihar, ostiralarekin, Eguberrietako argiak piztuko dira, 236 arku argitsurekin hirian zehar banatuta eta apaingarri bereziekin Gazteluko plazan, Udaletxe plazan eta Udaletxean â;Â;„ï¸;Â;ÂÂÂ
— Iruñeko Udala (@Iruna_udala) November 25, 2021
info +: https://t.co/WX0xw8Iuffpic.twitter.com/zi3kpf4PJA
Donostiako Udalak bihar emango die hasiera aurtengo Gabonetako jaiei, Gabonetako argiak piztuko baititu. Eguzkik argien “alferrikako” gastua murrizteko eskatu dio udalari.@EguzkiEHhttps://t.co/03fHhODEkD
— Irutxuloko Hitza (@irutxulo) November 25, 2021
Bistan denez, gaur piztuko dituzte argiak Euskal Herriko hiriburu gehienetan, azaroaren 26an. Normalean, hil honetako azken ostiralean piztu ohi dituzte askok Eguberrietako argiak, baina data hori aldatuz joan ohi da urtez urte. Batzuek esan dezakete, gainera, data hori gero eta lehenago jartzen dela; izan ere, batzuek irudipena dute lehen beranduago ez ote zituzten pizten Eguberrietako argiak. Eta ez dabiltza oso oker.
Gazteak (edo gazteagoak) zinetenean gabonetako argiak azaroan pizten zituzten?
— ð;Â;ŸÂÂŒ³ð;Â;ŸÂšÂ‹ð;Â;ŸÂš²ð;Â;ŸÂšÂžð;Â;ŸÂ—» (@AlexIturbe2) November 26, 2021
Ta azaroaren 1ean, urtero legez, kaleetan eguberrietako argiak jada jarriak, aurten argindarra merke dagoela ospatzeko... pic.twitter.com/GRVef493TY
— Ibiltari (@Ibiltari2020) October 1, 2021
Duela hamar urte, adibidez, abenduaren 2an piztu zituzten argiak Donostian, Bilbon eta Gasteizen. Aurten, azaroaren 24an piztu dituzte Bilbon, eta Donostian eta Gasteizen, berriz, gaur bertan piztuko dituzte. Iruñearen kasuan, azaroaren 29an piztu zituzten duela hamar urte, eta aurten gaur piztuko dituzte, azaroaren 26an. Baionaren kasuan, aldiz, aldaketa ez da hain nabarmena: 2011. urtean abenduaren 1ean piztu zituzten argiak, eta, aurten, ostera, abenduaren 3an piztuko dituzte, datorren ostiralean.
Ikusi gehiago. Onintza Enbeita: Argiak
Egun gutxiko tartea badago ere, nabarmena da urteak pasatu ahala lehentxeago pizten dituztela Eguberrietako argiak, eta, zenbaiten ustez, hori lotuta egon daiteke black friday eta Eguberrietako salmenten kanpainarekin. Salgaiak merketzeko eta kontsumo azkarra sustatzeko helburuz sortutako ostiral berezi bat da black friday –euskaraz, ostiral beltza–, eta Eguberrietako salmentetan eragiteko asmoz asmatu zuten AEBetan. Horregatik, argiak data horren paretsu piztuta, Eguberrietako salmenten testuinguru hori girotzeko asmo bat dagoela uste du jendeak, eta, hartara, herritarrei kontsumitzera eta erosketa horiek egiten hastera animatzeko.
Gabonetako argiak black friday aurretik jartzearena ere ez da kasualitatea...
— Ander Sarriugarte (@bartulue) November 22, 2021
— Edu Lartzanguren (@edulartzanguren) November 23, 2021
Argiez gain, Eguberrietan egin ohi diren beste hainbat ekintza ere antolatu dituzte Euskal Herriko zenbait tokitan, eta horien guztien berri emango du BERRIAk bihar argitaratuko duen artikulu batean. Batez ere hiriburuetako programazioaren berri emango du erreportaje horretan. Besteak beste, azoka artisauak, merkatuak, noria erraldoiak eta izotz pista handiak egongo dira.
