Albistea entzun

Espanyol 1-0 Reala

Amaitu da ligako bolada ona ere

Neurketa irabazteko adina gol aukera izan dituzte txuri-urdinek, baina, azkenean, Espanyolek asmatu du. Haserrea eragin du epaileak Isaki baliogabetu dion golak.

Realeko jokalariak Mateu Lahoz epaileari kexuka, gaur, Bartzelonan.
Realeko jokalariak Mateu Lahoz epaileari kexuka, gaur, Bartzelonan. Andreu Dalmau / EFE Tamaina handiagoan ikusi

Paulo Ostolaza -

2021eko azaroak 28

Ostegunean amaitu zen Realaren bolada ona: hamazazpi neurketa jarraian zeramatzan galdu gabe, baina Monakon amaitu zen hori, Europa ligan. Espainiako Ligan, berriz, lehen jardunalditik neurketarik galdu gabeak ziren donostiarrak. Ordukoan 4-2 galdu zuten Camp Noun, Bartzelonaren aurka, eta, gaur, Bartzelonako beste estadioa izan da Realaren porrotaren eszenatokia: Espanyolen RCDE Stadium.

Ez dira etxekoak baino gutxiago izan bisitariak. Lehen zatia berdindua izan da. Bi taldeek izan dute gola gertu: baloi bana bota dute zutoinera. Isakek Realarena, eta Puadok Espanyolena. Bi atezainek ere izan dituzte distira uneak, eta geldiketa bikain bana eginda itzuli dira aldagelara Diego Lopez eta gaur atepera itzuli den Alex Remiro (Ryanek jokatu zuen Monakon).

Bigarren zatian beste modu batean zelairatu da Reala. Lehen ordu erdian, bereziki, izugarri estutu du Espanyol. Aukerarik nabarmenena, Januzajen erdiraketa jaurtiketa bat, baina langan jo du.

Mateuren kontuak

63. minutuan izan da hori, eta 66.ean sartu du Isakek Realaren gola. Jokaldi arraroa izan da: Realak zuen baloia, Mateu Lahoz epailea jo du, hark jokaldiarekin jarraitzeko agindu du, Isakek gola sartu du, eta orduan baliogabetu du epaileak gola. Adituek eztabaidatuko dute gola legezkoa zen edo ez, baina, ezbairik gabe, gaizki ibili da epailea.

Hortik aurrera, zertxobait makaldu da Reala, eta 77. minutuan saria heldu zaio Espanyoli: Yangel Herrerari aldaratze bat iritsi zaio area ertzean, gogor jo du baloia, Ricok ukitu du, eta Remirok ezin izan du ezer egin.

Halaxe amaitu da neurketa. Nahi eta ezin Realak. Momentuz sailkapeneko bigarren postuan daude oraindik gipuzkoarrak, baina egoerari buelta eman beharko diote ohorezko postuei eutsi nahi badiete.

Espanyol: Diego Lopez; Vidal (Miguelon, 78'), Sergi Gomez, Cabrera, Pedrosa; Yangel Herrera, Bare (Morlanes, 58'), Darder; Embarba (Melamed, 58'), Puado (Wu Lei, 78') eta RDT (Loren, 89').

Reala: Remiro; Gorosabel, Zubeldia, Le Normand, Rico; Zubimendi, Gebara (Navarro, 81'), Oiartzabal; Januzaj, Portu (Barrenetxea, 60') eta Sorloth (Isak, 60').

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Budimir eta Moncayola Osasunako jokalariak, burumakur, atzo, Celtaren aurkako partidan, Balaidosen. ©SALVADOR SAS / EFE

Zalantzati segitzen du oraindik

Eñaut Agirrebengoa

Osasuna bigunegi aritu da Celtaren zelaian, eta esku hutsik gelditu. Ongi ekin dio lehiari, baina ez da gai izan Mallo eta Minaren golei erantzuteko

Iñaki Williams eta Iker Muniain Athleticeko jokalariak. ©Julio Muñoz / EFE

Athleticek Kopan sendatu nahi du Superkopako zauria

Ainara Arratibel Gascon

Zuri-gorriek final-zortzirenetako kanporaketa jokatuko dute gaur, Bartzelonaren kontra. Marcelinok aldaketak iragarri ditu hamaikakoan

Fausto Mota kopilotua, eskuinean, haren taldekide Rui Oliveirarekin, Dakar rallyan. ©FAUSTO MOTA

«Orientazio sena izan behar du kopilotuak»

Mikel O. Iribar

Mota kopilotu gisa aritu da lehendabizikoz Dakar rallyan, aurretik motoetan sei alditan parte hartu eta gero. Hamaseigarren amaitu du, haren taldekidearekin batera, T4 kategorian. «Asko gozatu dut», aitortu du.
Tropela Zarautzetik Getariarako bidean, iazko itzuliko bosgarren etapan. ©Jon Urbe / FOKU

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.