Albistea entzun

Urrezko baloia

Lionel Messik eta Alexia Putellasek irabazi dute Urrezko Baloia

Faborito nagusiek irabazi dituzte 2021eko futbolaririk onenen sariak. Messik bere ibilbideko zazpigarrena du; Putellasek, lehena.

Alexia Putellas Bartzelonako jokalaria, Urrezko Baloia jaso berritan, Parisen.
Alexia Putellas Bartzelonako jokalaria, Urrezko Baloia jaso berritan, Parisen. YOAN VALAT / Efe Tamaina handiagoan ikusi

Mikel O. Iribar -

2021eko azaroak 29

Ez da ezustekorik izan, eta bi faboritoek irabazi dituzte 2021eko Urrezko Baloiak. Lionel Messik (Rosario, Argentina, 1985), gizonezkoetan, bere ibilbideko zazpigarrena du, bigarrena jarraian; eta Alexia Putellasek (Mollet del Valles, Herrialde Katalanak, 1994), emakumezkoetan, aurrenekoa. Messiren atzetik, Robert Lewandowski eta Jorginho geratu dira bigarren eta hirugarren postuan, hurrenez hurren. Putellasen atzetik, berriz, Jennifer Hermoso taldekidea izan da bigarren sailkatua, eta Sam Kerr hirugarrena. Gaur arratsaldean jakinarazi dituzte irabazleen izenak, Parisen.

Putellasek urte biribila osatu du. Bartzelonarekin Txapeldunen Liga, Espainiako liga eta Kopa irabazteaz gain, 33 gol sartu ditu, eta hemeretzi asistentzia banatu.

Messik Bartzelona bere talde ohiarekin Espainiako Kopa irabazi du, eta Argentinako selekzioarekin, berriz, Amerika kopa. 2021ean 41 gol sartu ditu; horietatik lau, egun jokatzen ari den Paris Saint-Germain taldearekin.

Gianluigi Donnarumma Paris Saint-Germainekoak urteko atezainik onenaren saria jaso du, eta Pedrik, 21 urtez azpiko jokalaririk onenarena.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Budimir eta Moncayola Osasunako jokalariak, burumakur, atzo, Celtaren aurkako partidan, Balaidosen. ©SALVADOR SAS / EFE

Zalantzati segitzen du oraindik

Eñaut Agirrebengoa

Osasuna bigunegi aritu da Celtaren zelaian, eta esku hutsik gelditu. Ongi ekin dio lehiari, baina ez da gai izan Mallo eta Minaren golei erantzuteko

Iñaki Williams eta Iker Muniain Athleticeko jokalariak. ©Julio Muñoz / EFE

Athleticek Kopan sendatu nahi du Superkopako zauria

Ainara Arratibel Gascon

Zuri-gorriek final-zortzirenetako kanporaketa jokatuko dute gaur, Bartzelonaren kontra. Marcelinok aldaketak iragarri ditu hamaikakoan

Fausto Mota kopilotua, eskuinean, haren taldekide Rui Oliveirarekin, Dakar rallyan. ©FAUSTO MOTA

«Orientazio sena izan behar du kopilotuak»

Mikel O. Iribar

Mota kopilotu gisa aritu da lehendabizikoz Dakar rallyan, aurretik motoetan sei alditan parte hartu eta gero. Hamaseigarren amaitu du, haren taldekidearekin batera, T4 kategorian. «Asko gozatu dut», aitortu du.
Tropela Zarautzetik Getariarako bidean, iazko itzuliko bosgarren etapan. ©Jon Urbe / FOKU

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.