ELA eta CCOO sindikatuek jakinarazi dutenez, «ia erabateko erantzuna» izan du Bizkaiko arrain kontserben sektorean gaurko deitutako grebak. Horrekin batera, manifestazioak egin dituzte Ondarroako eta Bermeoko kaleetan. Ia mila behargin ari dira bereziki Ondarroa, Bermeo eta Markinan kokatuta dauden lantegietan. Patronalak lan itunaren negoziazioa blokeatuta daukala salatzeko mobilizatu dira.
ELA, CCOO, LAB eta UGT sindikatuek deitu dute gaurko mobilizazioetara. Langileak «soldata duinak» eskatzen ari dira; batez beste 15.000 euro ingurukoa da urtean. Sindikatuen arabera, «oso eskasa» da jaso duten azken proposamena: aurten soldatak %0,5 igotzea, 2022an %1,5, eta 2023an %1. Gaur egun KPI kontsumorako prezioen indizea %5etik gora dagoela kontuan hartuta, proposamen horrekin langileek erosahalmena nabarmen galduko luketela ohartarazi dute.
ð;Â;ŸÂ“¢ð;Â;ŸÂ“¢ð;Â;ŸÂ“¢Ia erabateko jarraipena izaten ari da Bizkaiko kontserbetako grebakhttps://t.co/Vh8t1tlGC7pic.twitter.com/tEMl8GJodX
— ELA sindikatua #AktibatuLortuZaindu (@ELAsindikatua) November 30, 2021
Sektoreko azkeneko lan ituna 2016koa da, eta horretan jasotzen da KPIaren araberako igoera. Sindikatuek ez dute plataforma bateraturik adostu, baina guztiak bat datoz soldaten igoeraren eskaerarekin. Horrez gain, beste batzuk egin dituzte: behin-behinekotasuna murriztea eta sexu arrakala amaitzea; azpimarratu dute sektore feminizatua den arren —langileen %90 inguru emakumeak dira— lan kontratu finkoa dutenen %95 gizonezkoak direla.
Bizkaiko Kontserberetako greba arrakastatsua izaten ari da: enpresak itxita.
— LAB INDUSTRIA (@LAB_INDUSTRIA) November 30, 2021
Langileek miseriazko soldatak dituzte emakumeak direlako.
Gora langile borroka!#kontserberakBorrokanpic.twitter.com/lRig2Bl3EE
Oro har, deialdia egin duten lau sindikatuek uste dute lan baldintzak nabarmen hobetu behar direla. Hori dela eta, borroka luzea izango dela aurreikusten dute, «gai horiek guztiak mahai gainean jarri behar direlako».
ð;Â;ŸÂ”´Arranca la jornada de huelga en el sector de conservas de #Bizkaia .
— Industria Federazioa (@CCOOindustria) November 30, 2021
ð;Â;ŸÂ‘‰Sektoreko langileon eskubideen defentsan!
â;Â;ž¡Lan baldintza duinak!
â;Â;ž¡Lan osasuna!
â;Â;ž¡Soldata arrakalik ez!
ð;Â;ŸÂš¨¡Convenio Ya!ð;Â;ŸÂš¨ pic.twitter.com/XiiViTAPPc
