Albistea entzun

Lan gatazkak

Abenduan beste astebeteko greba egingo dute Bizkaiko autoeskoletan

Duela 11 urte amaituriko lan ituna berritu nahi dute langileek, baina azaldu dute patronalak ez duela negoziatu nahi. Salatu dute bulegoetako langileen soldata garbiak ez direla iristen mila eurora.

Bizkaiko autoeskoletako langileen protesta bat
Bizkaiko autoeskoletako langileen protesta bat Aritz Loiola (Foku) Tamaina handiagoan ikusi

Jokin Sagarzazu -

2021eko azaroak 30

ELA sindikatuak beste bost greba egunera deitu du abenduaren 13tik 17ra Bizkaiko autoeskolen sektorean. Salatu du lan hitzarmena berritzeko eginiko deiei erantzun gabe jarraitzen duela patronalak. Duela 11 urte iraungi zen ituna. Mobilizazioekin batera, abenduaren 9an Lan Harremanen Kontseiluaren egoitzan egitekoa den bilerara joateko eskatu dio patronalari.

Langileek, besteak beste, hau eskatu dute: soldata taulak erregularizatzeko, 11 urteotan galdutako erosahalmena berreskuratzeko, ordutegiak hobeto antolatzeko, eta sexu arrakala amaitzeko. Agerraldian, langileen ordezkariek salatu dute lan baldintzak «oso prekarioak eta kasu askotan irregularrak» direla.

ELAk gogorarazi du ia autoeskola guztietan irakasleek soldata ofizialak osatzen dituztela «modu irregularrean» ordaintzen dizkieten beste kopuru batzuekin. Gainera, azpimarratu dute mila eurora ez direla iristen irakasle ez diren langileen soldatak, batez ere administrazioko langileenak, gehienak emakumeak.

Bizkaian 400 langile inguru ditu sektoreak; 80 autoeskola daude, 120 bulegotan banatuta.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Shangaiko portua, edukiontziz beteta ©Alex Plavevski (Efe)

NDFk aurtengo hazkunde aurreikuspenak apaldu ditu

Jokin Sagarzazu

Kezka agertu du AEBetako eta Txinako ekonomien bilakaeraren eta inflazio tasa handien inguruan.

Altan Bernedoko langileak, Gasteizko Santiago ospitalaren aurrean protestan. ©Jaizki Fontaneda / Foku

Bi hilabeteko grebaren ondoren, konponbidea urrun dago Bernedoko Altan

Aitor Biain

Osakidetzak isuna jarri dio Arabako enpresari, gatazkaren ondorioz botikak jaso ez dituelako.

Metalgintzako bi langile, Bizkaiko enpresa baten aurrean ©Luis Tejido (Efe)

Bizkaiko metalak 2023ra arte atzeratu du susperraldia

Jokin Sagarzazu

Jarduera maila %77,5 da gaur egun. Hiru enpresatik batek ez zuen irabazirik lortu iaz. 2022an 1.000 lanpostu sortzea aurreikusten dute. Patronalak «oso zail» ikusten du soldatak KPIaren igoerara egokitzea.

CAFen tren elektriko bat, Aucland hirian ©CAF

CAFek 130 milioi euroko kontratua sinatu du Zeelanda Berrian

Jokin Sagarzazu

23 tren elektriko egingo ditu Zeelanda Berriko Auckland hirirako.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.