Albistea entzun

Energia

Argindarraren gorakadak ez du etenik Hego Euskal Herrian: 360 euro MWh-ko

Gas naturalaren prezio igoera handiak eragin du argindarraren langa igo izana. Ipar Euskal Herrian, 453 euro ordainduko dituzte MWh bakoitzeko.

Argindar estazio bateko hesia, eta bertako arriskuak ohartarazten duen afixa.
Argindar estazio bateko hesia, eta bertako arriskuak ohartarazten duen afixa. Jon Urbe / Foku Tamaina handiagoan ikusi

Imanol Magro Eizmendi -

2021eko abenduak 21

Argindarraren prezioak orain arte Hego Euskal Herrian ezarritako marka guztiak gaindituko ditu asteazkenean: 360 euro ordainduko da batez beste MWh. Ipar Euskal Herrian, berriz, garestiago ordainduko dute: 453 euro. Errusiak arazoak ditu Europa gasez hornitzeko, eta lehengai hori garestitu izanak eragin zuzena izan du argindarraren prezioan. Horri Frantziako hainbat zentral nuklear izaten ari diren arazoak gehitu behar zaizkio.

Hego Euskal Herrian asteazkeneko 19:00ak eta 20:00ak artean egongo da garestien argindarra: tarte horretan, 381 euroan salduko da MWh bakoitza. Argindarraren prezioa joan den astean hasi zen berriz goraka, eta, adituen ustez, oso litekeena da hurrengo egunetan berriz ere langa hori igotzea. Gaur, esaterako, 327,38 euroan dago MWh, eta koska handia igoko da. Jakina denez, tarifa erregulatua duten kontsumitzaileei zuzenean eragiten die, eta erreferentzia gisa balio du tarifa librea duten kontsumitzaileentzat.

Igoeraren arrazoi nagusia gasa da, ziklo konbinatuko zentraletan haren bitartez sortzen baita argindarra. Errusiak Europara igortzen duen gas kantitatea murriztu da, eta haren prezioa %10 igo egun bakarrean. TTF baloreak neurtzen du argindarra lortzeko erabiltzen den gasaren prezioa Europan, eta egun 160 euroan dago MWh. Iaz egun hauetan 17 euroan zegoen, eta azaroan, 65 euroan.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Metala epeldu dute 2026ra arte

Imanol Magro Eizmendi

Bizkaiko metalgintzako sindikatuen gehiengoak eta FVEMek lan itun berria sinatu dute. Lan Sailak akordiora batzeko esan dio ELAri. LABek eskatu du grebalarien aurkako salaketak indargabetzeko
Bittor San Millan Ondarroako Antiguako Ama Itsas Arrantzale Eskolako zuzendaria. ©Jon Urbe / Foku

«Itsasoko lan gogorra gogoko duten gazteak topatzea da erronka»

Ibai Maruri Bilbao - Bizkaiko Hitza

Ondarroako Antiguako Ama itsas arrantzako eskolak egoitza berria du. Erdi mailako gradu berri bat eskaintzeko aukera eman die horrek, eta simulatzaileak erabiltzen hasi dira, Bittor San Millanek azaldu duenez.

Luiz Inacio da Silva <em>Lula</em> Brasilgo presidentea eta Alberto Fernandez Argentinako presidentea Buenos Airesen. ©EFE

'Sur': diru komun berria Hego Amerikan

Iñaut Matauko Rada

Brasilek eta Argentinak, Hego Amerikako ekonomiarik indartsuenek, diru komun berri bat sortzeko bidea hasi dute aurten. Nahiz eta nazioarteko merkataritzan bakarrik erabiliko litzatekeen, galdera asko sortzen hasi dira gaiaren inguruan, Argentinaren egoera ekonomiko eta finantzario makalagatik batez ere.
Adegiko ordezkariak, gaurko prentsaurrekoan. ©FOKU

Lehengaien eta energiaren prezio handiak dira Gipuzkoako enpresen kezka nagusi

Iñaut Matauko Rada

2023an Gipuzkoako ekonomia %0,5 eta %2 artean handituko dela aurreikusten du Adegik. Enpleguaren inguruko datuak pandemiaren aurrekoak baino hobeak direla gehitu dute.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.