Herrialdeko komunikabideek jakinarazi dutenez, bart gauean gertatu da ezbeharra, Hpakant udalerrian, Myanmar iparraldean. Antza, luizi bat izan da meatzean, eta kalte ugari eragin ditu. Gertatukoaren inguruan zabaldutako lehen datuen arabera, ehun bat lagun desagertuta daude, gutxienez.
Democratic Voice of Burma egunkariak lekuko baten testigantza jaso du, eta, haren hitzetan, 04:30ak aldera gertatu da lur jausia. Gaineratu duenez, hasieran ez da erreskate talderik etorri, eta herritarrez osatutako taldeak antolatu dituzte bilaketa eta erreskate lanekin hasteko.
Antzeko «istripu» bat gertatu zen iragan astean ere. Luizi bat izan zen orduan ere, eta hamar pertsona harrapatu zituen. Sei pertsona hil egin ziren. Zenbait hedabideren arabera, horrelako ezbehar eta gertakariak «ohikoak» dira meatze horretan, meatzariek «oso baldintza eskasetan» lan egiten dutelako.
